慘兔

每一次去D親親大自然既地方郊遊, e.g. 錦田鄉村俱樂部
總会見到佢地有個小动物飼養院
比D小朋友大朋友買乾糧餵動物 (當然包括兔仔!)
估唔到, 元朗大棠荔枝園
除左有士多啤梨採摘
原來都有個類似既園
不過, 自己嗰日去到
見到D兔仔真係慘到心都酸埋
比起之前有兔友話錦田鄉村俱樂部養兔仔唔人道
元朗大棠荔枝園... 簡直是再差十幾倍
Even 衰過前排嗰間中學!!!
D 兔仔, 住係臭到人都頂唔順既陰暗地方
踩住沙泥 + 屎尿 + 灰塵既石屎地
而且冇野食
(好似唔覺眼有水供應 tim)

所以除左爛眼爛耳污糟邋遢之外:

有D仲要喺地下執人地跌左落地
沾滿污垢既垃圾食:

再加上,佢地賣比人餵動物既唔係菜
而係紅蘿蔔條!!!
D兔日日係咁食
應該腸胃唔方好得去邊!
最離譜, 唔係周圍走既嗰D兔要被羊羣追嚇或者打親
而係, 大棠荔枝園既負責人
貼左張咁既牌:

Sorry, 我真係唔覺佢地有被遷往隔離中心
眼見仲有好多有損傷兔周圍走
再者, 如果佢地真係打架
就更加唔應該一間房入面起碼住左超過 20 隻兔 (保守估計園內 total 有 30 隻兔左右!!!)

仲要道門冇鎖
一係有D兔已經走失左
一係就比隔離D羊羣走入去搞搞震!!!
仲有, 好明顯大部分兔爛眼爛耳係因為居住環境太污糟而感染
唉~
真係呀, 想幫都唔知點幫

哇!!!!!可吾可以告佢???????

兔眼好有問題喎, 點解咁多隻兔都唔見粒屎?  我屋企兩隻都成地係啦 ...
BTW 元朗今年開左個新農場, 又係有兔兔的...

有屎既, 但以兔仔數目黎比較, 又真係少左D既...
<-- 右上角係山羊腳 ~_~"

請問係元朗邊度?

有冇得搵愛協同兔協嫁  甘多兔係米領養人地唔要個d去養...  真係黑9人憎d人     燒野食就燒野食

e加仲要冬天 佢地點算呀


台灣個邊d兔協真係會去救佢地.....      仲做宣傳 ....         香港   收得x

我住元朗我住 元朗大棠荔枝園下面D川屋...大棠荔枝園在大棠果面....

衣度我去過,我去既時候有兩隻兔死左,

見到呢D圖片..只能夠感到無奈..應該係私人地方吧

可惡呀!
佢地唔係唐狗...係寵物兔...
根本無心照顧兔兔
又感染又潰瘍.....一定好痛好辛苦
呢班小朋友一D都唔快樂  救下佢地......

iloverabbit 發表於 2011-12-27 11:40 AM
衣度我去過,我去既時候有兩隻兔死左,

唔係呀 fa??? 你見到有死兔???
點解冇人告過佢地???

其實, 我當日仲見到嗰度D職員捉兔仔...
佢地一手捉起兔仔双腳
倒吊攞起佢地


但動作太快手, 開唔切部相機影低佢

不過, 我就錄到佢用鐵通打羊

Hitan 發表於 2011-12-27 05:22 PM
不過, 我就錄到佢用鐵通打羊

有冇搞錯啊 /___\""""

佢地係咪有病架... 茫咁多仔兔仔 都唔知兔仔要食草
仲整到佢地爛晒眼     如果d兔兔幫自己清潔 咪會奶埋d泥沙落肚

好慘。我家兩隻小霸王，身在福中不知福，淨係識得蝦我。