新養賓尼兔(4M), 煩請經驗兔爸媽指教

新買賓尼兔(4個月大)女女四日* 努力爬了各大了forum了解兔兔特性,
但有以下問題非常希望有經驗的兔爸兔媽指教, 非常感激!

1) 兔籠位置- 由於兔籠是放在我房間的工作桌上, (籠邊已是桌邊)未知是不是離地高, 打開門後, 兔兔探頭但沒有走出來.因為看過文章, 說兔兔自願出入籠是最理想的, 如果我是抱兔兔出廳活動, 是否非自願?

2) 上廁所- 第一天, 我根據PET SHOP 教, 整籠鋪環保紙砂, 兔兔到處大小便,
之後第2天, 我把所有砂掉走, 留一些深的便便及有尿的砂到兔廁. 並改為只在兔廁附近鋪砂 (即大約2分1個籠)
兔兔真的聰明地只有有砂的地方大便, 小便已經會在廁所上*
如果我明天把只在兔廁鋪砂及加便便, 這樣對兔兔的上廁訓練是否太快?
我更擔心出籠又的大小便問題, 因為籠在高處, 兔兔不可能跳回籠再上廁所吧?
如果兔兔自由活動時, 把兔廁也拿出廳, 這樣好嗎??

3) 食量問題, 因為PETSHOP 之前主要給T 草, (久唔久先俾少少A草),
但得知一歲前的兔兔應多食A草, 於是這幾天, 我T草 A草 是一半半比例的餵
但問題: 兔兔的便便由很健康的金黃色變得黑了,
另外是, 兔兔不肯吃T草中的大莖, 及A草中的碎草
因為我擔心兔兔沒有草, 所以我見兔兔停止食草 (即餘下T草中的大莖, 及A草中的碎草)就加新的草
是不是我這樣令兔兔太識揀食, 今天我打算待兔兔吃光那些莖才加新草, 這樣正確嗎? 兔兔會不會餓了...

先問這幾個問題, 因為我擔心了很久, 出街幾小時都會擔心兔兔怕冷, 不夠草等等...我想是我太緊張, 但我真的想做最好的責任
煩請大家多多指教, 很感激!!

1. 你可以將成個籠搬出廳, 再開門俾佢行出黎

2.  你可以試下淨係廁所鋪墊料, BTW  木粒鋪廁所比較吸味和吸水
     出籠活動時, 成個籠搬出廳吧, 但你都可以買多個廁所既, 先教佢學識籠裡面去廁所, 再教籠外去廁所好似好啲

3. 變黑不是問題,  幼兔可以食多啲 A 草, 加 T主要係等佢第時轉草轉得易啲, 如食A草軟便多, 可加返多D T 草
   你飼緊邊隻 T 草??  兔兔唔食就食架啦, 擺幾日都係唔食莖.. 所以每箱草都有約 1/4 係浪費左...
   出街果陣, 放多d 草, 夠佢食成日就唔駛擔心, 另外可以買張 vetbed , 天氣冷可以用毛巾包一包個籠, 防止冷風吹入

你個籠放係好高嫁?   有冇相睇下??

我都係覺得個籠放地安全得多，萬一兔兔係籠裡面跳的忘形時個籠郁左就危險（個人擔心）
另外，兔兔頑皮偷走左出黎咁高好易整親！

Y
多謝大家悉心指教=)
今天開始y只在兔廁放砂, 兔兔食食下草會急忙跳到廁中便便, 好可愛
不過尚有少許大便是在廁附近的 但我已經好開心 兔兔好叻

我今天把籠放出廳, 但兔兔都不願出籠, 我應該抱好出來嗎??
因為兔兔只回家幾天, 我怕她尚未孰習, 不想嚇親她

另外兔兔真的吃剩很多t草莖, 所以只好掉去??

1) 假如你想兔兔自己走出籠.你要留意下張檯周圍安唔安全,兔兔會唔會出左黎自己跳落地...咁樣係好危險.
因為醫生講過兔兔既腳骨係好幼,好易跌斷腳架..(上次我帶豬兜去做絕育,姑娘見我放低個出街袋係櫈上,開左個門,佢叫我小心睇住兔兔,佢話見過有d兔兔就係咁樣跳左落地斷左骨)
所以如果你要想佢出籠,真係要留意呢樣.同埋最好放地下,有d兔兔怕高架...我另一隻兔怕高,有時我放佢係梳化,佢想落地,但見咁高唔敢落.

2) 要睇下你隻兔會唔會出籠仲便便/尿尿,我屋企隻豬茵出籠唔會痾...但豬兜因為鍾意霸地盤,一出籠就喪痾尿...=.=""" 我都搞豬兜唔掂

3) 小兔應該係食A草.因為營養充足d...到大d先慢慢轉t草ga...(我唔知幼兔食a草+t草會唔會唔好)

新買賓尼兔(4個月大)女女四日* 努力爬了各大了forum了解兔兔特性,
但有以下問題非常希望有經驗的兔爸兔媽指教, 非常感激!
***好高興你為兔兔爬文, 歡迎你加入兔奴這個大家庭, 我們一齊互相學習啦***

1) 兔籠位置- 由於兔籠是放在我房間的工作桌上, (籠邊已是桌邊)未知是不是離地高, 打開門後, 兔兔探頭但沒有走出來.因為看過文章, 說兔兔自願出入籠是最理想的, 如果我是抱兔兔出廳活動, 是否非自願?
***其實兔兔是一種細膽小動物, 如果你的書台像一般書台的高度, 兔兔一定唔敢跳, 而且一跳下來唔小心骨折就慘啦.....另外兔兔性格也是十分好奇, 整日都探頭探腦.至於是否想出黎都說不定的. ***

2) 上廁所- 第一天, 我根據PET SHOP 教, 整籠鋪環保紙砂, 兔兔到處大小便,
之後第2天, 我把所有砂掉走, 留一些深的便便及有尿的砂到兔廁. 並改為只在兔廁附近鋪砂 (即大約2分1個籠)
兔兔真的聰明地只有有砂的地方大便, 小便已經會在廁所上*
如果我明天把只在兔廁鋪砂及加便便, 這樣對兔兔的上廁訓練是否太快?
***你的兔兔好聰明,其實要搞清楚兔兔是認味道去廁所,還是認廁所吧***

我更擔心出籠又的大小便問題, 因為籠在高處, 兔兔不可能跳回籠再上廁所吧?
如果兔兔自由活動時, 把兔廁也拿出廳, 這樣好嗎??
***對呀,沒有可能. 所以一定要把廁所一起拿出來給兔兔用***

3) 食量問題, 因為PETSHOP 之前主要給T 草, (久唔久先俾少少A草),
但得知一歲前的兔兔應多食A草, 於是這幾天, 我T草 A草 是一半半比例的餵
但問題: 兔兔的便便由很健康的金黃色變得黑了,
另外是, 兔兔不肯吃T草中的大莖, 及A草中的碎草
因為我擔心兔兔沒有草, 所以我見兔兔停止食草 (即餘下T草中的大莖, 及A草中的碎草)就加新的草
是不是我這樣令兔兔太識揀食, 今天我打算待兔兔吃光那些莖才加新草, 這樣正確嗎? 兔兔會不會餓了...
***顏色不是問題,黃金色是纖維夠,因為成兔不可以吸收過量鈣質,只能吸收T草纖維,所以成黃金色.但T草營養沒有草多, 而幼兔一定要大量吸收鈣質營養,所以要食大量A草,這樣兔兔抵抗能力才好.通常幼兔會食全A草或 T草:A草 8:2 的比例.是關一方面可以吸收A草,一方面可以磨牙,兔兔也可以快點適應變1歲時轉全T草. 若果不食的,通常也不會再食, 你可以狠心點試試不加草是不是什麼都不食.***

先問這幾個問題, 因為我擔心了很久, 出街幾小時都會擔心兔兔怕冷, 不夠草等等...我想是我太緊張, 但我真的想做最好的責任.
***很欣賞你的責任感, 冬天可以加VETBED,在籠四周用毛巾圍起擋風,但要小心空氣流通問題 ***

煩請大家多多指教, 很感激!!
***謝謝你為兔兔做的, 多些上來一起討論吧^^***

好多謝你地既幫忙同鼓勵呀, 可能我仲係新手, 所以兔兔每個變化都令我好疑惑

兔兔本來很聰明的, 會跳上兔廁去小便,
但昨日回家, 發現兔兔把放在角的兔廁移到近門口位, 又常常蹲/趴 在上面休息
而在其他角落 (沒有鋪砂) 小便,
唉.....所以是我的兔兔其實未學識上廁所, 定係她發脾氣......
會不會因為我不肯加新草, 要她食餘下的莖(其實她肯食的, 如果沒有選擇的情況下), 所以唔開心?

因為有小便, 我覺得好污jo, 所以用水沖乾淨個底盤,
同自己講, 不要氣餒, 要再努力train過*
同樣係兔廁放砂, 及少少之前的深砂及便便,
但晚上, 兔兔又咬住廁所搬向門口位, 又在籠中跑來跑去, 最後更在其他角落小便

是不是我做錯事, 兔兔不開心, 定係佢只係悶, 想搬野咬野?

今日我清潔哂d小便, 將兔廁調到有小便的角落, 但仲未見到佢小便我就要出門口, 現在未返到屋企, 好擔心會係咩情況...? 未知有經驗的兔爸兔媽可否指教我應該點應付:<

另外, 兔兔訓覺多左, 由母雞蹲似的姿態, 變成雙手伸直,
有時仲隻腳都伸直的側睡, (有時仲訓到見到肚攬仔...)
睇過文章, 是兔兔覺得安心才會這樣, 但我總擔心是不是兔兔不開心所以躲在角落睡覺好過......

因為兔兔回家不足一星期, 我真係好怕自己照顧不周.....

我大囡來既時候,我頭個幾日無放過佢出來,因為我個陣睇左幾本書都話要比佢地熟悉個環境。不過個幾日都一直有用手餵佢食糧(比佢知道我要同佢fd fd,我是善良的好人)幾日後就開始開籠門,比佢自己出來,但因為佢驚初初就不停跳出跳入。之後一星期後左右就比佢出來幾個字,約半個鐘,就叫佢返入籠,慢慢先開始加佢鐘,到5年後既今日佢已經係24小時通屋走既大帝。
教佢去廁所我係張佢食野和廁所都係同一位置,因為佢地好鐘意一邊食一邊柯,所以我就將草架放在籠的右上角,廁所在右下角,水樽都係起附近。初初有少少柯出界,就立刻抺,抺完放入佢個廁所。慢慢佢知道邊到去廁所,我先放佢出來的時間耐d。
不過你要留意佢初初出來好多都會偷柯尿,柯屎,因為要留味,動物既本性,你呢個時候唔好大聲罵,嚇親佢。不過你一見佢柯尿可以立刻抱佢上黎哦佢,好似唸經咁,你唔好柯尿呀~你做咩柯尿~~依依哦哦咁哦佢。話多幾次佢就驚驚,因為佢地諗野係聯想法,偷柯尿等於比人哦。
關於草個方面,我地其實都可以話係睇屎做人,你呢個時候可以比多dA草,a草多d都唔怕,因為佢咁細個要營養好d,抵抗力先會好。除非佢柯d屎比較軟,就要加返dT草,小dA草,7個月大左右就要CUT A草了。
照顧兔仔比照顧猫狗更需要耐性,付出更多心機,時間~加油咯~~
歡迎你加入兔奴帝國

我都就黎買bunny 啦!!!! 我都爬文爬左幾日= =
而家打算搵齊哂d用品, 佈置好哂先慢慢買rabbit
畢竟合眼緣的bunny不常見...........