2013-05-17 星期五 雨
今日係紅日,兔媽唔使返工,加埋佢尋日考晒試,心情大靚,話帶毛毛同QQ搵靚靚老闆娘。但佢兩個好似唔係好聽話,我唔可以再咁自閉,於是我就即企起爭取出街街,結果當然有街出。
去到靚靚老闆娘度,見到隻侏儒兔係咁係個籠度踏地叫我,佢肯定係想識我。於是兔媽於推左我去籠邊,我怕陌生,搵地方躲藏 過左一陣,我開始熟悉呢個地方,周圍走,仲幫手走去門口拉客入舖,個個人都因為我靚仔,所以入左黎 有個姐姐話我似貓喎,仲有個妹妹話我係小雞雞
係兔仔舖玩左差唔多兩個鐘,兔媽就買左紙墊料同智力波返屋企。
係途中,兔媽係寵物店見到朋友,朋友仔抱起我,好開心呢。今日白白好多人陪我玩,返到屋企已經好累。但見到毛毛QQ兩個趁我唔係屋企,入侵左我間別墅,要兔爸幫我清場,如果唔係就會發生兔兔界第四次世界大戰。
雖然係第三次黎,但第一次黎係剪毛,第二次黎係睇下點解我絕食。今次先第一次落地玩,要熟識下地方先~~~
玩到累晒,休息下先~~
我係靚靚老闆娘識到O既新朋友,但我唔知佢叫乜名XD
有客人,等我去SELL下人買紙墊料先:D