自從帶左仔仔返屋企之後都無好好咁寫一篇關於仔仔既野 :D
今日起身見到佢坐左係上層既籠邊,眼甘甘咁望住我
(因為我放左個籠係床頭附近,一起身就睇到)
原來佢食晒d草,見我同媽子都未起身,乖乖地係度等我起身餵佢
見佢眼甘甘咁,我都唔賴床起身刷牙洗面,去拎包草餵仔仔 :)
一開門,仔仔就衝出門邊
正一為食豬~
見佢今日咁乖,我摸下佢個頭仔,幫佢抹乾淨d眼屎,就放左d草係個草架度比佢食~
自從早幾日刨完d教學文章之後,我整左個diy草架掛係個廁所上少少
試下教佢去廁所vv
仔仔好為食,見到我放左d草係草架上面,係咁試圖係廁所格離企高食 XD
哈哈,結果佢為左食都係跳左上個廁所度
仲一試就愛上左個廁所。。得閒無事就走去個廁所度企下
今日見佢一急住要vv就衝去個廁所度去。。
見佢咁精靈活潑又學得咁快真係好開心
媽子話仔仔成日半夜開完餐就係度跳“兔仔舞“~~
我都搵機會錄低左~~希望可以睇住佢健健康康,快高長大