點解會無端端養兔仔,係因為有日去麻麻家,見到阿女堂妹養咗隻bunny - 麗是,佢好得意,加上阿女好耐之前已經話要養兔仔,但當時唔比佢養,佢依家見到堂妹養,佢更加想,佢同佢傾咗好耐,終於可以養啦!
於是就去MK買兔仔啦!當時對兔仔既知識唔多,亦唔知嗰度係黑店,因為堂妹都係係MK買,以為ok la,就係寵物便利買咗1st兔仔,佢叫Cookie (又叫仔仔),但一返到黎,仔仔就有好多問題,不停打乞次啦!當時,唔知要帶佢去做body check呢樣野,只係打去番間pet shop問點解會係咁,佢話可能未適應新環境,睇定d先!(當時都唔知有Mini-House呢嗰website),但到咗第三日夜晚,仔仔好似好唔妥,於是打去間pet shop,問點算,佢叫立刻帶佢返去,於是,就帶仔仔返咗去,佢話換個另一隻比我,叫我旖幾日返去攞,當見到佢將仔仔放回箱裹,我的眼淚開始,不受控流出來,阿女亦係度喊,我哋真係好唔捨得仔仔,如果唔拎返去,驚佢係屋企死咗,到時仲傷心,起碼嗰刻見到佢,仲生存,但原來可能仲慘(後來先知,原來嗰度係黑店,拎返去仔仔仲可憐),我竟然送仔仔去死!!終於見到Mini-House呢個網,而且仲比一班兔友勁插,加上好掛住仔仔,於是過了一天打算將仔仔帶回來,然後帶佢去body check,但去到仔仔已賣咗啦!我哋同仔仔亦都緣盡!
最終係寵物便利攞返錢,然後係荃灣Qpet買咗Coffee啦,對兔仔既知識亦慢慢多起來,加上去買一d有關兔仔既書,又不斷上Mini-House去了解其他兔友遇到既難題!
依家對Coffee有一種牽掛,就算去咗街都擔心Coffee係屋企會點,有冇事,好驚去完街返黎Coffee會突然唔係度!有時夜晚訓覺,聽唔到Coffee係度活動,就擔心佢係唔係有事,甚至會起身睇吓佢有冇事,又會半夜起身加草比佢,驚佢冇野食,我老公話我對Coffee非常好,好似嗰仔一樣!連阿女都呷醋!!希望Coffee健康everyday!
呢個就係仔仔啦!係唔係好cute?I miss you so much.希望佢健健康康,有個錫佢既主人啦!