小Q

大家好，我叫小Q，主人係同一日買左我同我O既兄弟小白返屋企，因為我身上顏有導盲犬小Q O既忌廉色，所以叫小Q。

主人養左我同小白兩個月，主人就買多左個靚靚妹毛毛比我。我同小白好老友，日日一齊玩一齊食，自從做左絕育分開左住之後，我一見小白就打交，由於我同小白唔可以再一齊住，主人又見我同毛毛好好，所以我就搬左去同毛毛住。

三兄妹之中我最細隻，最短毛。毛毛最長毛同肥嘟嘟。我最古惑，有次我主人冇LOCK實籠頂，我就趁主人訓左大肆破壞，仲咬爛埋主人手提電腦條火牛線。