等等等，我等了兩個星期，終於等到拆線了，D兩個星期個頭罩真討厭，D兩個星期每餐都係媽媽餵，媽媽仲有5天放下午陪我。依家我好番啦，係等番面仔的毛毛生番就靚靚。
晴晴：27/9/2014(星期六),媽媽同我坐"99"巴士去咗赤柱玩，本來予咗爸爸都去，但係佢要出朗舊朋友的葬禮所以唔來，有d遺憾囉。 ( ToT ) .嗰日天氣好好，仲好熱添，我地兩母女10:30已出門，媽媽偷運我坐由上水火車站去大埔墟火車站再轉"99"巴士，好快已見到好多主人同佢地D心肝寶貝等上車，巴士來得好準時，我同媽媽一同坐了二人坐位，其實我兩好開心，由於我晴晴妹比較無知，所以唔驚，媽媽有時抱下我，我有時又自己乖乖先己坐，所有有D姨姨贊我好乖又叻！巴士之後去了中環碼頭接埋其他朋友仔，之後去赤框進發，坐我後面的老虎狗同佢個外籍主人仲不斷同我玩。
坐咗2個鐘，終於都到咗，由於天氣太熱，媽媽同我去商埸行一陣涼下冷氣先，嗰度狗狗可以自己行街SHOPPING好鬼FREE，我行行下聽到有人咇個咇咇波，搞到我極度興奮，不斷跳跳跳，natural high，之後我同媽媽去碼頭行下影下相。
因為上午冇去便便，我在赤柱廣場美利樓前放下堆大大大便便，有位外籍叔叔望了我笑一笑，心想d位小朋友狗仔細細那來那麼大的便便呢！隨後媽媽要食lunch，我地去了海旁的露天餐廳食，我晴晴妹同媽媽一齊坐，我飲了小小椰青水，之後小睡片刻，我地之後行赤柱大街市集，嗰度冇咩好買，專搵遊客笨，我地再往廣場雪糕店進發，媽媽買咗杯狗狗專用芝士味雪糕給我，我不大領情。(>o<)我地仲影咗張即影即有相當作籌款用的。媽媽又帶我去之前行的舖頭，買了個之前令我發狂的咇咇波俾我。途中有d攤位有狗狗食品試食，我地又拎咗d，有果凍,蘿蔔乾，我地又買了支狗狗啤酒(維他命水)hehe!!!!
黃昏，我地行咗去沙灘同石邊影相，媽媽想我濕下d海水，我大叫no...no....no! 時間好快，我地去廣埸坐一陣，之後6:30坐"99"巴士回大埔墟!!回程在車上，我超超超眼瞓呢!!!!!不過媽媽話今日行程未完，我地之後要去屋企附近的怡姐姐屋企食大閘蟹！嘩！結果嗰晚我冇返屋企，因為返到屋企已是凌晨12點幾，爸爸唔得閒，兩母女出去喪玩！哈哈！！！