阿肥，你已經走咗4年2個月，你點呀.........時間過真快，如果你仍在，你係8歲7個月的伯伯了...............

13.3.2017

阿肥：

雖然你走咗都有3年7個月有多，但係好多人仍然記得你，你知嗎？看更梅姨仍記得你發脾氣自己坐電梯落街，每次我地講起都笑。昨晚去炳叔屋企，我地又講起你，你喜愛幫阿爸D朋友頂酒，阿仔你真係好可愛，你點呀~~~仔？

媽媽

22.8.2016

阿肥：

你點呀，媽媽又睇完你D相，媽媽好掛住你，就黎3年2個月啦，唉!!!!媽媽覺得自己老咗好多!!!!!!!

阿樂!!!!

2.3.2016

雖然本身沒有宗教信仰，可能見人燒街衣，對舊曆七月特別敏感。前晚夢到已走了的B仔(之前屋企人養的西施)及肥樂，(佢地兩個走的時間只相差14日,阿B在25-12-2012,肥樂在13-1-2013)，佢地在同一個夢出現，首先我瞓在地上，阿B過來錫我，之後佢話：你地要對自己好D，之後我大叫，噢！唔記得餵阿樂添，肥樂行出來同我講(佢走之前行動不便)：唔駛餵啦，我死咗啦，你咪傻啦！跟住佢打側身瞓低好似嗰日佢走時一樣，夢完了。

其實D兩個小朋友是否提我及家人不要掛住佢地？佢地現在好好，尢其阿樂，因為係我決定幫佢打針走，我好錫佢，佢是否叫我放低？世間無其不有，昨晚下大雨，屋企有隻飛蛾，究竟佢喺邊個？定或者佢真係一隻普通路過的小飛蛾？

今年天氣好似特別熱，由於屋企係頂樓所以氣溫會高d，我成日會諗，如果阿肥仲健在，一定熱到佢暈陀陀，流哂口水。其實每當行經屋企樓下花槽，都會諗起阿肥，尤其放工時見到我老公同晴晴妹坐在那裡等我，第一刻會開心，之後就有d 痛；時間過得真快，阿肥走咗1年7個月有多(就黎又1年8個月) 唉！上星期回娘家食飯，又提起阿肥發老豆脾氣自己去出走坐電梯落街單野，真好笑，其實無時無刻都會諗起有關阿肥既野，佢永遠在我心中。

依家好似多咗好多人養肥基，成日都會在街見人放，但係睇黎睇去，都係我阿仔肥樂最靚仔有型！