晴晴︰昨天早上不知為什麼在自己的床上尿尿，給媽媽發現了，當然係俾媽媽罰打Pat Pat啦！真係好鬼驚！後來媽媽幫我清洗床床，雖然放上天台曬，但係天氣有點潮濕，床床唔乾，所以昨晚冇床瞓！( ToT )!媽媽話我自作業，抵死！無啦啦玩賴尿！衰女包唔知嬲咩！(我之前冇賴過，之不過懶唔行去廁所 ( ToT ))
晴晴：今年第一年同爸爸媽媽過新年，媽媽一連有5日假期，而爸爸就有6日，我晴晴妹就好鬼忙，要招呼佢地兩隻野。首先年三十晚佢地放早，一家來個團跑(全家一齊去跑步)；年初一就去粉嶺圍捉白鴿，d友仔放炮仗，好鬼驚呀！年初二要出去拜年食盤菜，玩到凌晨先回家；年初三要去沙田公公婆婆家拜年，又玩了一天；年初四一早，要陪阿媽行山，晚上爸爸的鬼怪朋友到訪dinner，我晴晴妹又要招呼朋友，唉！又冇得早瞓啦！年初五，稍為好d，媽媽見我攰，早上行了一陣公園，黃昏又來個團跑；到了年初六，媽媽返工了，不過爸爸成日在家，搞到我冇覺好瞓，下午同爸爸散步去；終於到年初七，佢地兩隻野全部返工，間屋終於係我完全擁有，可以瞓餐飽啦!!! hahahaha!!!!!! 但係，我又有d掛住d兩隻衰野，你地快d放工返來呀!!!!