急！急！請問有冇兔友住在東涌？(有新消息)

剛剛收到一個有成半年冇聯絡
ge朋友電話，她同我講把早排
是她男友所送的兔兔棄於東涌
請問有冇兔友住在東涌或者會
經過東涌，唔該幫幫忙睇下見
唔見到有兔兔

[ 本帖最後由 明月 於 2009-4-22 09:24 AM 編輯 ]

原帖由 小米 於 2009-4-21 09:29 PM 發表
妖, 有冇搞錯呀..
分手就掉咗隻兔.. 咁冇良心! 抵佢冇人愛
我成0001hrs先收工...
係咪東薈城個噴水池??

有冇多 d 資料呀??

慘！我問到佢喇，隻兔兔係黑灰色的，
而家天都黑晒，點搵呀！

#^56^# .......點解要咁做, 分手就唔要兔,我覺得佢地做野唔諗後果,難為個細(兔兔)........
兔兔好無辜,好希望佢無事.........
波波以前都係因為咁我先拎佢返屋企..........
好傷心............

我都唔知佢點解要咁做，分手之嗎，
我離婚添，咪一樣都冇放棄到豆腐花，
希望我頭先可以鬧醒佢啦，佢會去搵
番隻兔兔la

唉~
處事唔成熟
攞兔兔來出氣
兔兔真可憐:061:

佢有無用盒/袋裝著兔兔?

定係就咁放生佢?

出面好大風!好擔心!

唉...隻兔好可憐呀!!
點解佢可以咁忍心?兔兔無辜架!!
佢男友唔要佢,佢應該好明白兔兔俾主人遺棄既感受丫!!!
如果佢真係唔想要兔兔咪幫佢搵新主人囉,點解要咁殘忍掉佢晌街wo?#^56^#

岩岩返屋企見到呢個post, 兔兔好可憐, 希望你朋友搵得番粒

我未到十二點去到現場..黑mama又大風.. 行咗個圈乜都冇~
希望兔兔比有心人執咗返屋企就好

[ 本帖最後由 小米 於 2009-4-24 05:18 AM 編輯 ]

夜麻麻應該見唔到啦, 如果無俾人捉到, 都應該搵地方匿埋吧?
你都好有心, 咁夜仲去搵兔
凌晨仲有人係兔協 o.o

我住東涌又係機場做野 ma....
唔知就話ja~ 知道無可能唔理~~

我都係抱住一試既心態..
估唔到有人係度..
我同佢講話係網上面見到有人係東涌掉咗隻兔..
想知佢地有冇人出來搵
佢話搵唔係佢地搵 (我都明.. 我只係想知佢地會唔會 call 愛協or漁記 )
佢就話同事無講低.. 之後我自己就再周圍搵

嗰度真係好黑.. 又勁大風

多謝小米主人咁夜仲幫手搵兔，
5分鐘前收到我朋友短訊，佢話
在凌晨3點左右左花叢附近的垃圾
筒低下搵到兔兔，兔兔全身濕晒，
係咁震，我朋友話已經抱左兔兔返屋企，
約左11時同兔兔睇vet，我有send番短訊
問佢，點解會去搵番兔兔，佢淨係答我望住
屋企個籠，冇左兔兔，諗返之前同兔兔在一起
的一些回憶，知道自己做錯，知道自己一時之氣
下遺棄兔兔，良心過意唔去，訓在床上又訓唔到
所以就走左出去搵兔，佢話以後都唔會有咁的情況
發生，我都希望我朋友以後會好好咁愛護她的兔兔

陰功LA....唔嚇親,濕身都病LA....
希望你個朋友真係良心發現LA...
隻兔兔真係好可憐....希望佢睇完VET無事LA

應該佢係一時之氣吧~
佢肯去搵兔,呢個主人都算好啦......
明月都唔好嬲你個朋友啦....
希望兔兔無事啦:031: ...happy ending

我叫左佢同兔兔睇完vet，
立即打電話俾我。

算你朋友似返個人啦!
失而復得, 要叫你朋友好好珍惜兔兔呀~