大家好丫!
今次係我第一次發帖,我係兔媽Stephanie!
我養兩隻寶貝兔兔既時間未夠一年,請多多指教!
以下內容都比較長,麻煩用多大家少少時間!
第一隻兔兔-小賓女係一隻淺啡色長毛賓尼兔女女!08年9月份,我之前養既兩隻寵物係一星期內相繼突然走左! 10月份有一日,當晚食完飯男朋友就同左我去旺角睇動物!經過一間寵物店,見到一隻淺啡色兔!第一眼有種一見鍾情既感覺,對眼好似公仔超可愛bb樣!叫店員俾我抱下!她好乖好嗲,令人吾想放開!他見我咁開心,就話送俾我!但我認為應該考慮清楚再決定所以走左!係附近行左一陣,我地又行返去間舖!係門口到,男朋友話驚我後悔,叫我去睇多次!係我越抱越吾想放手之際,他問我係咪真係好鍾意!我點頭之後,他就同店員講:[我要呢隻丫吾該!]聽到又開心可以帶她返屋企,又擔心吾識照顧!咁就成為左兔媽兔爸了!買齊店員介紹既主要産品,落銅鑼灣買埋個籠就即刻回家!(好彩當時都算係遇到個好售貨員!冇介紹我地買d多餘既無謂野,只係包草(Kayee)冇咁好!後來都轉左Oxbow/Momi,依加兩隻都會買,主要睇下邊隻冇咁碎!但她鍾意食Oxbow多!)返到屋企之後,我同男朋友(一齊住)打開個紙盒,等兔兔自己走出嚟!然後馬上分工合作清潔屋企同兔兔物品,再放兔兔去籠俾她靜下適應個環境!至於兔兔既名字亦係同一晚改!點解會叫小賓女呢?哈哈,因為我想吾到叫咩名!見她身體小小的(買既時候都知好快會大),係賓尼兔品種又係女仔,就叫做小賓女喇!她好快已經知道自己個名,仲識得認我地添!性格都好熱情鍾意跟人,呵頭仔!2個月後突然有一日發現佢d手甲腳甲附近紅哂又腫,即刻帶佢睇獸醫!原來係皮膚病,好彩吾係發現得遲!差吾多2個月先叫做好返哂!其餘都好健康冇病冇痛!大左之後性格都冇咩改變,不過依加只肯俾兔爸抱,我一抱就出拳又咬我…不過個女都好乖,除左大部份時間係她厠所前面wee wee,出嚟玩又會亂wee,經常冇喇喇亂"wear"籠內物品好似"din"左之外…阿女,我知道你已經好乖,不過你再乖少少就好喇!雖然你乖定百厭媽媽都咁愛你,哈哈!
今次post住一張小賓女細個既相先,遲d再post多d相俾大家睇丫!
第二隻兔兔-藍藍係一隻純白色短毛賓尼兔仔仔!我地一直都計畫想養多隻兔兔,所以係今年情人節2月14號我同男朋友既節目就係去旺角睇兔兔!我地來來回回行左好多間,都吾係太多選揀!特別因為男朋友想買男仔!係[我心兔]見到有一隻同小賓女一樣色,但吾同品種(忘記左係侏儒兔/安哥拉兔)!真係好可愛,可惜已經有人揀左了,另外一隻又係女仔!後來係一間寵物店見到幾隻吾同毛色既賓尼兔,其中有一隻灰色,一隻雜色!灰色果隻好似冇嘜精神!雜色隻兔兔係個箱裡係咁踩其他同伴…店員抱起比我睇,兔兔掙扎得好緊要!我估佢一定好百厭!係我考慮緊買吾買果時,男朋友突然係另一個箱見到一堆兔兔入面有幾隻純白色既,然後就揀左兩隻嚟睇!一隻好似吾係太好,於是就抱起令一隻兔兔(藍藍)睇清楚!我地一睇已經知佢身體有病,佢真係好乖好嗲,成個人仔咁瞓係膊頭,望住你既眼神仲可憐咁!我地終於决定帶佢返屋企!由於已經有養小賓女既經驗,我地買齊野就返屋企了!同上次一樣,返到去準備好就放兔兔入籠比佢熟習下!點解叫藍藍?咪又係兔媽我吾知改咩名!佢有對藍眼精,就叫做藍藍啦!呵呵呵!第二日即刻帶佢睇獸醫,原來係呼吸道感染,個肺仲有雜聲…聽完好擔心!醫生開左d藥,叫我留意佢鼻仔情況,一嚴重左就帶佢返去!食左1星期藥就有好轉,覆左診一次就冇事啦!點知隔左好短時間發現藍藍有皮膚病,又馬上去睇獸醫!醫生話只係初期,打3-4針,加多盒resolution滴藥就可以!但係打左2針之後情況冇改善,醫生就幫佢種菌!原來衰豬感染多左一種皮膚病,食1-2星期就會好! 最後都平安冇事!藍藍開始大,只要有人/物件突然係佢個籠裡面移動,佢就會衝去咬實吾放!舊咬咬木用左冇耐仲爛過小賓女果舊!而且仲會咬人,越大越百厭!不過我地發現個仔多數跟我扭計要我呵,見到兔爸就掉頭走,因為兔爸會鬧佢!個女就明顯地鍾意兔爸,專登係d兔爸吾係屋企既時間就搗亂激我, 兔爸返屋企就扮冇事!藍藍一見到我理小賓女就會扮慘, 好似同緊我講:[Mama過嚟呵頭丫!]!希望佢地都健康快樂!
[ 本帖最後由 stephanielwk 於 2009-6-6 03:13 PM 編輯 ] |
|