我隻兔女有蝨.我要說服我屋企人带佢睇醫生.

沒問題~謝提供意見既兔友!
感謝!!!><

[ 本帖最後由 trisin34 於 2009-7-21 11:53 PM 編輯 ]

我呀哥買左隻專為兔兔既藥水
好有效呀,兔兔少左R喇
我唸KEEP住用會更加好
唔該曬為我提供資料既好好兔友

..........
我無野好講,
一句講晒 - 睇醫生

1. 唔係種種蚤都肉眼睇到,你以為殺晒,其實未必
2. 用咩藥係醫生先知,而且我自己就未聽過兔兔用殺蚤水搽全身,
    醫生教都係教只係滴頸,因為兔兔lam唔到
    須知道,兔兔腸胃好難侍候,佢正正常常都會有變數,何況依家lam d殺蚤水落肚?

3. 請自己增進養兔知識,你唔養都養左,請好好照顧佢,
    屋企家人無兔知識所以先覺得唔嚴重唔重要唔駛睇醫生,
    請你增進自己的知識後,都講解返比家人聽,
    養寵物係成家人既事...佢係你地屋企既一分子~

你最好自己儲定一筆錢, 第時有咩事帶佢睇醫生
兔仔好易病, 生蝨已經算小事, 一旦傷風感冒, 遲左睇醫生都有可能會byebye
聽你咁講, 似係你屋企人養隻兔, 而唔係你
積谷防飢係必須!
我隻波波最近隻眼有事, 都睇左二千幾蚊, 依家都仲未好返
如果好似你今次咁, 兔兔隻眼可能已經盲左, 希望你有呢個心理準備

死左買個隻唔係因為我當佢地係玩具
而係因為我真係中意兔仔
你估我死左隻兔仔唔會唔開心呀

你以為得你地擔心兔?
你地以為佢病左我唔心痛呀?
如果我係當佢係玩具既話
我今日就唔會喊,唔會唔開心
急住搵資料呀.
我比你地更加愛自己既兔
你根本冇理到我既感受
係人地唔開心果陣過黎踩一腳好爽?
你如果鬧完比到D方法我,我會接受,起碼我知道你真係關心我兔兔
而唔係D慣左用鬧人既方式黎曬命<--冇提供任何方法,(我冇料,你更加冇料啦)
係喇,全世界既兔比你養最幸福喇,你養曬佢丫.得把口鬧人,你根本冇為過我隻兔著想!

任何人做野都有目的既,你地講既每一句我都有睇
我知邊D係想我比兔兔睇獸醫前比意見我,
亦都知邊D人係為炫耀自己幾愛兔而唔係(真正)想幫我呀!!!!
我幾時話唔比佢睇?杜完蝨等佢冇咁搔再比佢睇醫生
我朋友養成胎既兔,佢D兔個個一有蝨用左藥水之後冇事
我用完蝨藥水,頂多買個頸COOL~再比佢睇醫生

所謂既杜蝨水其實就係毒藥,用黎毒死d蝨
對兔兔都有一定毒性
所以要由醫生處方
真正為兔兔著想的話
唔係偏執用自己既方法去醫兔兔
而家以對兔兔既方法黎醫兔
你既兔兔仲係bb兔,比成兔更脆弱
胡亂用藥,後果可大可小
你可能話兔兔用完無事
但你點忍心用你既兔兔黎做試驗
就算只有一千分之一既機會
我都絕對唔會俾兔兔冒呢個危險
大家勸你勸過
意見俾過
如果你覺得你自己無錯
你可以繼續用你自己既方去
受傷害既最終係兔兔

頸cool?咩頸cool呀?
狗用殺蚤帶呀?定係普通頸cool呀?
兔兔唔係隻隻頸cool都戴得架...

有例子係兔兔因為戴左貓/狗用頸cool,
被傢俱勾住而勒死...
請自行判斷~

其實我兔兔之前都有過虱, 就前個3個月咋嘛, 因為我睇九龍城果間既,
醫生俾左一盒Revolution Puppy and Kitten  $220既野我, 一盒有3枝, 一個月用一次, 一次用一枝
就冇事喇

問題就係你兔兔因為得2個月大, 而呢盒野係我用之前, 醫生要同我兔兔磅重, 夠大隻(體積計)先用得一枝,
如果唔係可能會太多, 太多如果兔兔食左落肚會死嫁, so我都唔敢叫你買, 只能夠講我既經驗你知
呢個我兔兔用左之後有少少甩毛, 同有d白色皮屑係耳仔邊, 但用完哂就冇左呢d情況, 我估可能會有少少敏感

同埋...我細細個既時候都有一個非常非常非常非常非常非常慘痛既經歷!!!都係同樓主差唔多
係我細個既時候, 我daddy係家樓下既花槽撿左一隻家兔回來養, 我們一家人見到都好開心
養左成5年多, 兔兔生介蘚, 我daddy同阿媽竟然唔醫佢就放左佢上山....
山上好多狗....我到而家諗返都好好好心痛, 我都唔明我daddy媽咪對我同阿哥都好好,
但係對小動物竟然咁冇人性!!!!!!!!!!!!所以我好明白樓主而家咩心情...有d野自己係控制唔到...

唔好咁勞氣住...大家都好緊張,好擔心你的兔兔..

9龍城的BETTY好好的
我兔兔病左都搵佢咖~
一齋好返哂~
快D睇醫生啦><
我驚你遲一秒都會後悔

樓主都係說服唔到屋企人
怪巨都無用, 想做又做唔到
唔通要同屋企人反面咩
要鬧要教育既係巨屋企人呀
大家平心靜氣啦.....好無奈

其實大家教又教過...鬧都鬧過
方法就比哂你..要點樣做你自己判斷
既然你覺得自己有自己一套.就去做
亦唔洗向我地交待..因為兔兔係你自己的

大家都係緊張你既兔兔先咁勞氣...希望大家保持番討論區既和諧氣氛

我知道大家都係緊張你隻兔兔先至會咁同你講,其實大家都無錯,大家都只係好想你可以比兔兔去睇醫生,每隻兔兔返屋企之後,確實係最好每年最少做一次body check,可以比你清楚知道兔兔d牙有無過長,腳仔手仔有無生腳瘡,有無生虱,眼仔有無淚管閉塞,知道兔兔有無問題,你同兔兔都可以安心,body check都係$250左右一次,可樂而不為,要等到真係有病先至去醫,要花既錢就真係要以千計算,點解唔可以平平地去做一次body check呢? 對你同你家人同埋兔兔都有好處,係咪? 另外,想知你阿哥買咗勿牌子既藥水比兔兔?狗同貓都可以帶殺虱帶,但兔兔係無殺虱帶賣,兔兔都唔可以用貓狗用既殺虱帶,你唔可以比兔兔用架,藥力太強勁啦!而且兔兔會lam曬落肚添.