MOCHA(9月5日)

腸停之後,其實我一直有留意mocha會唔會有其他病況

最令我擔心的就是其中mocha的頭仔有微微的傾側(真係好小好小)

但當我反轉佢想check牙仔既時侯,他的頭就自然地想右面反

開頭以為係藥力令他頭暈

但當呢幾日藥都食完了,整個醫腸的療程都完結後,情況依然一樣

跑跳既時候會小小平衡不到.我想他自己都發覺到自己都有不妥

請招牌的請請動作都企得不穩,這開始令我十分擔心

於是就打去book 左betty 睇星期四

其實我有諗過好唔好帶佢出去睇,因為呢排個人經濟實在不好

但我更不想因為錢的問題令我的活寶貝受到可能會跟一世的疾病,

看太多case側頭兔兔受的痛苦是難以估計

所以我決定要盡早就醫,在不最差的情況下去見醫生,無悔地給他最幸福的生命

8月6日

今日天氣不太熱,而且放了冰種在出街袋
mocha 狀態不錯
DR.BETTY 就明了側頭原因好多,其中細菌感染同E菌機會較大
因MOCHA表面沒有上呼吸導感染病徵
所以是受E菌影響的機會較大,所以現階段只可以用試藥的方式,試圖控制E菌,觀察會否好轉

控制E菌的整個療程為28天,DR先開了14天藥,14日後再觀察會否好轉...

漫長的戰事始終要開始,當知道就算醫好都有兔兔可能頭仔不會再擺正的時候,真的感到心痛

我將會投放更多的時間陪伴著他,康復後一定會出黎跟各位兔友見面:030:

8月20日

12點如期到達了診所

見到好多人..坐到好迫...因為其中診所入面其中一隻貓不客氣地霸左一張sofa...仲訓到好歎

另外仲見到兔協職員帶同兩位義工帶兔兔睇醫生

講番mocha既情況.可能減了一餐糧的關係.體重又減了0.02kg

Betty話mocha情況不錯.但仍然有小小側頭.要繼續療程.


我問醫生如果療程完結後仍然側頭會用什麼方法

佢就話要先睇情況.大前題都係先用西藥.之後可能會考慮用中藥或針灸

不過兔兔怕痛.針灸會比較難..因為一落針就可能會爭扎同四圍踢


而下次revisit係5號

因Betty會放假2個星期由28號開始王9月5號

所以要推遲2日先有得睇betty

多謝各位關心

mocha於21號我感覺側得比較小了

送上幾張等睇醫生時無無聊聊影既mocha照

5/9
今日4點去到診所後就見醫生了

醫生話病情已經受到控制

但其實呢個病係冇得斷尾.

最緊要唔好比太大壓力佢.例如搬屋/令佢唔開心

多謝大家一直以黎比mocha既支持.mocha先可以完全康復

為左慶祝mocha好番.兔媽二話不說去左賣日本生果既鋪頭買左一位巨峰提子

話要慶祝隻仔終於好番了

而家將會送上mocha食巨峰提子既相(糖份高呀,只此一粒)

可以去呢到睇呀
http://mini-house.info/viewthrea ... &extra=page%3D1

[ 本帖最後由 elvisli 於 2009-9-8 02:36 PM 編輯 ]

mocha你要加油呀....
唔好要兔爸兔媽太過擔心呀~~~

mocha你一定要加油丫~好返我地可以一齊玩

最令我傷心既就係佢而家一如既往的天真地跑跳.但行得不太穩..抱起佢時望住佢一如以往的傻傻的望住我.但頭仔卻擺得不正直..真係好心酸..

只是2歲就要睇咁多次醫生..我從來都好留意mocha既情況..有時可能太緊張..但今次我知道真係出左問題..健康的話還會有4-5年要過..如果醫唔好..唔通真係要側住頭過一世嗎

未必一世都係咁既~~
睇返minihouse以前 d post~
都有兔開始側頭,之後都醫得返好~
亦都有好似caca咁,就算側頭仔都過得好開心~
只要你錫佢,佢一樣會過得好快樂架嘛~

而且依家就算佢真係側定你過敏都好,
都要睇左醫生先知~
唔好咁快咁難過住~你要堅強d~
mocha如果真係病既話,都要靠你去哄返佢開心架嘛~

唔好諗得緊灰~~~~~

都係o岩o岩發現，
病向淺中醫丫嘛，萬一真係咁唔好彩係側頭仔既，
都係o岩o岩開始，都好大機會會醫得返好 ga ma，
不過就辛苦哂兔爸兔媽啦~~

希望mocha吉兔天相~~~~

原帖由 elvisli 於 2009-8-4 08:28 PM 發表
最令我傷心既就係佢而家一如既往的天真地跑跳.但行得不太穩..抱起佢時望住佢一如以往的傻傻的望住我.但頭仔卻擺得不正直..真係好心酸..

只是2歲就要睇咁多次醫生..我從來都好留意mocha既情況..有時可能太緊張..但 ...

我都好明白你會好擔心好擔心mocha個病情
因為側頭真係手尾好長!
caca當初有呢個病,,我個心情都係同你一樣!!我完全明白!
點解一隻咁小小ge兔兔都要面對咁大ge痛苦!做主人見到都會十分心痛!(個時caca唔單止行唔穩,仲係咁轉..行都行唔到)
依家間中都會反下..!
而且依家只係岩岩有dd側頭..仲有好大希望!
可能我家有隻側頭兔兔!我就覺得側頭只係表面..其實佢仲係一樣咁得意同咁貪玩!
而且可能對普通ge兔兔識行識企起身係一件好普通ge事..但對有側頭ge兔兔...呢個係一個好大ge進步!
其實養一隻側頭ge兔兔,俾我更大ge信心同鼓勵!因為照顧佢..要我付出更大ge心機同時間!但係我覺得我比人地更有成功感
p.s 側頭病唔係叫做'咁就一世'.佢地同正常ge兔係一樣,只係在乎人點睇佢!0

我希望佢唔係因寄生虫既側頭啦..

照我觀察應該似耳仔既問題機會較大..因為佢成日都r耳仔又fing耳仔

如果只係中耳炎就比較樂觀

天佑 mocha 仔:041:

i hv a little tip...

does 側頭 mean 耳水不平衡....??

if yes... try not to touch or cut the rabbit's 鬍子....

hope that helps....

mocha一定冇事....
我地所有兔友都會支持你架....
兔爸你要加油牙....
mocha一定會好叻叻架....
MOCHA 你要加油呀!!~

說來真巧
記得Mocha之前病的時候
我家的小兔也是腸停而病了

我1年前失業幾個月啱啱返新工
銀行戶口得番個吉, 兔仔巧巧皮膚病+腸停同步進行, 感覺超down
最後埋單仲要左湊右湊($2,100), 呆喺診所等朋友過數先夠錢, 所以很是明白兔爸的感覺
醫生講小兔遲啲去到診所都可能會中暑冇命(因為那時第一次養兔, 不知就是坐的士也好, 夏天都要帶冰袋俾佢)
自此以後, 我變成了緊張大師, 1個月後小兔完全康復了

希望Mocha會快快康復
我諗兔仔感受到你的愛心也會意志加雙份的
之前都睇過其他兔友的側頭case, 俾啲時間Mocha, 佢一定會好番架!
Will pray for u two~

[ 本帖最後由 wannabe 於 2009-8-5 02:04 AM 編輯 ]

好多謝你地對mocha的支持..

睇完醫生我會盡快想大家交代進展

而我相信mocha同我一樣,都希望以最健康的身體參加秋季或冬季既兔聚

比大家睇到同以前一樣活潑的mocha

mocha加油呀~~一定會冇事o既!!!

加油呀Mocha!!!
加油呀Mocha媽!!!