今早10:30帶了大、細妹去絕育, 好緊張呀
去了九龍動物醫院的Dr. Yan, 他詳細解釋了手術的過程, 取走子宮和卵巢後會分3層線縫合傷口, 最面層會用皮膚膠水不用縫線, 預計傷口長度只有大約3CM左右 (比我朋友的兔兔少左2-3CM又不用縫線), 唔知算唔算技術高超呢~
護士姊姊好細心, 返工前已經買定油墨菜、菜心、白菜仔等大細妹手術後醒返比佢哋食。費用:
醫生費$800
藥費 $300-400 (兔兔愈重藥費愈貴)
頭罩 $55
吊鹽水 $250 (護士話吊鹽水比皮下水 ($100) 好, 可以幫助手術前幫加體液供給器官令手術中間風險降低、手術後可以快d涌淡麻醉藥快d醒)
上次已經取了草粉不用買
期侍17:00到醫院接他們~
---------------------------------------------------
15:40 收到護士姊姊電話, 已經醒返, 喂左一些草粉給他們食
18:00 接兔兔回家
21:30 繼續發呆和梳自己的毛
22:00 食左小小草和糧
23:00 見佢哋都唔係食咁多, 決定餵草粉
呵左盲腸糞, 真係好臭, 不過我哋發現時已經比佢哋踏爛曬, 所以都係比唔返佢食
第二日
9:00 起身比左菜和糧, 佢哋都食左小小, 護士姐姐話要呵糞呵返以前大細才不用餵草粉, 於是餵藥和草粉, 細妹唔係好肯食, 餵得好辛苦。試下唔帶頭罩, 2隻都無攪自己傷口, 就等佢哋舒服d唔帶頭罩, 不過若我哋出街OR訓覺就一定要佢哋帶。每天早上餵藥: 益生菌, 抗生素, 消炎止痛藥
早上食左一碗油墨菜, 一碗草碎, 一匙糧, 幾條草
便便多而好細粒, 只有1-2篤尿
12:00 2隻食完藥和草, 繼續發呆...唔郁...睡覺...
18:00 開始恢復食草, 大妹的屎屎回復平時的大細, 可以唔再食草粉, 細妹重係鬧情緒, 唔肯食草, 連草粉都唔肯食, 要九牛二虎之力才能餵佢食草粉
第三日
早上大妹起來, 已經四圍走唔記得自己做過手術
晚上細妹才真正回復食欲及正常食草
不過手術後至覆診這14日, 傷口唔可以濕水, 咁這幾天34度咁熱的天氣, 唔可以比雪種/雪櫃, 頭痛....可能要日日開冷氣...
第五日
絕育手術, 最緊要找有醫兔經驗的醫生, 因為最近先見有post因麻醉問題去了彩虹橋, 而兔仔用藥要好小心。
做完手術後, 最怕兔兔鬧情緒唔食草, 兔兔唔進食就會腸停, 到時就會有生命危險。做完手術後要用針筒餵草粉。
大妹 (重1.5kgs)脾氣較好, 第2日食足100支 (1ml) 草粉, 第3日食多d草, 可以餵70支, 第4日屎屎回復正常大小, 可以停止餵草粉。
細妹 (重1.25kgs) 脾氣較差, 第2日餵30支, 第3日餵35支, 第4日餵25支, 3日都擔心死我們, 因為餵草粉佢死都唔食, 第4日先肯食返多d草和菜, 第5日見佢屎屎回復正常, 我們才安心。
各位養兔兔的朋友, 記得家中常備草粉和針筒以防萬一, 見兔兔一唔進食、唔飲水就要即時餵草粉救命。
---------------------------------------------------
第十四日
今天帶大細妹返去Dr. Yan覆診檢查傷口,2隻傷口埋得好靚,Dr. Yan話若無流血,過多十四日就完全OK。無甚麼大問題不用覆診了。手術後Dr. Yan最擔心係細妹脾氣差唔肯食會腸停。
今次覆診不收費,檢查完就安心回家去了。
---------------------------------------------------------
第三十日
發現做完手術後, 大妹去廁所的習慣改變了, 由右上角轉了去左上角尿尿~
[ 本帖最後由 wm20472 於 2009-10-2 12:35 AM 編輯 ] |
|