旺角果間I Love Rabbit

想問聲,新養兔的(未買),我想問有冇人試過在旺角果間I Love Rabbit到買兔仔?我想知佢會唔會送埋個籠比你,咁樣方便take住兔兔?同埋I Love rabbit有冇咩會買左兔兔會比埋你果D?

你只係需要買: 籠, 草架, 碗, 梳, 廁所, 草同糧, 墊料如紙粒, 兔袋 (睇醫生出街用)
草糧可以買 oxbow 牌 A草A糧

買兔最好唔好去旺角買
病菌會經人由一間走去另一間
而且幾十隻一齊住, 只要其中一隻有病, 其它都會感染埋

既然咁多人話去兔協好D,為有乖乖地聽話
去兔協領養,....但兔協在邊?
係咪要帶個籠物袋去放兔兔落去?

http://hkrabbit.org

有關兔協~
網址: http://www.hkrabbit.org/guide/rabbit.html

地址: 九龍旺角新填地街427A一樓

到時你做好手續係佢地到買埋兔袋可以帶兔兔走, 不過最好係兔兔番屋企先前已經準備好哂所需品, 等兔兔一番到去就有地方抖下, 你睇多d資料先啦..

係兔協都有堂上, 會教你養兔既基本野, 但最好就睇左先, 準備定, 因為到時唔識可以再問

咁兔協出街袋大約幾多$$?

貓貓兔同賓尼兔大約有幾耐壽命?

呢位朋友仔!!!
我睇左你問ge 問題!!點解我覺得你好似只係關心個價錢問題!!
你到底有冇顧慮到自己個經濟能力呀!!!
有d 常識都知道兔寵好大個,冇可能拎住個兔寵由mk 返到屋企~~
兔寵唔係倉鼠寵唔可以一隻手拎住!!
你自己去mk 都見過啦!!
仲有!!
咩叫做貓貓兔同賓尼兔大約有幾耐壽命?
咁我問你男人同女人有幾耐命呀??
如果你唔識養,幾日都死啦!!
仲有,上兔協價養唔好因為唔洗錢,,佢地,要主人有足夠GE 兔仔知識先俾你咖!
你問心個句你有咩??
以上咁多兔友叫你去兔兔寶典度睇!!
請你認真咁睇!!我知道你係新手!~
但都希望你可以有足夠GE 知識先再考慮養定唔養啦!!
朋友!!!!!!!!!!!!!!!!!!!!!!!!!!

[ 本帖最後由 大富翁 於 2009-9-21 12:53 PM 編輯 ]

130蚊既籠跟本唔o岩兔兔住。
成日都想慳，買野買最平，買平野唔係唔o岩，
都要係用得著先得。

兔兔係會長大，買既時候因為係baby所以身型細，
但係到兔兔大左，個籠跟本無可能俾兔兔伸長黎訓，
試問要一個成年人訓一張兒童床有幾辛苦 ??
可以問下d買過細籠既人，
呢個 forum 唔少新手兔主都係一開始買個細籠，
唔夠個零月就發現兔兔唔o岩訓，
之後又話買兔花左好多錢無錢再換籠，
就周圍問人有無籠可以送出黎。
買一個基本適合兔兔訓一世既ab籠最多都係210咋 ~~~~~~~~

兔籠係兔兔成世訓/活動既地方，唔該 ... 唔好辛苦兔兔。

記住一句說話

「 你生命中可能會有好多隻兔兔，
    但兔兔生命中就只有你一個，
    你係兔兔生命中既 "唯一" ，
    亦係兔兔最親既 "親人"」

[ 本帖最後由 lingyan 於 2009-9-20 11:22 PM 編輯 ]

原帖由 lingyan 於 2009-9-20 11:18 PM 發表
130蚊既籠跟本唔o岩兔兔住。
成日都想慳，買野買最平，買平野唔係唔o岩，
都要係用得著先得。

兔兔係會長大，買既時候因為係baby所以身型細，
但係到兔兔大左，個籠跟本無可能俾兔兔伸長黎訓，
試問要一個成年 ...

講得好岩!!!!一個AB 普遍寵都夠哂啦!!!
最後一句!!養咩都要真心付出~

係既..
其實兔友建議你去兔協除左佢的確唔洗領養費之外
最重要係因為佢會教你養兔既知識同埋幫到比人遺棄左既兔兔
而且兔協既兔兔都會比出面既健康好多
希望你係養兔兔之前會自己去增進下養兔既知識先
依個forum有好多基本既野比你學架
最好學完先去養 兔兔會健康同生活得開心好多
養兔最好都係有經濟backup 如果買個最基本既兔籠都無錢
唔好彩講句 兔兔有病個陣點算?
一定要儲定d錢先養兔 ..

你不斷問既問題.兔友比既網頁你入面都有哂你要問既野

之後你再問.表示你本冇認真係睇d資料

唔好敷衍我地.你只需要向你自己同你的兔兔交代

兔兔唔係玩具.唔好睇小兔兔只係一隻小動物

養寵物既責任唔會比養一個人低.只係方式唔同

有心既.請你睇哂資料.睇哂所有文章.了解一下"什麼是養兔"

如果你評估過自己依然不會感到麻煩.經濟可以應付到的話.

就請你去養.歡迎你繼續發問

如果唔係.你而家可以做的.就係專心讀你既書.唔好諗養多隻野.阻住自己累左兔

你地唔好蝦人la:051:    人地係第一次樣
我知你地係講道理:059:

唔係蝦佢丫，大家咁認真咁講，係大家都明白箇中道理，每一隻兔仔，都係一個生命，而我亦相信，係呢度每一個朋友都當兔仔係自己屋企人一樣。
而別人的兔仔，我們亦會用愛心去愛護佢地。
買兔，係必須要有足夠的經濟能力，而我亦相信樓主仍是學生吧。
咁試問:
佢本人有沒有足夠的經濟能力去承擔一個生命呢?
佢又有沒有足夠時間去照顧一隻兔仔呢?
當兔仔生病時，所需要的醫療開支亦很大的，咁是否可以承擔呢?
仲有，而家未買兔，你只係考慮點拎兔返黎，你又有沒有細心去閱讀養兔嘅有關資料呢?
或者，我講嘅野唔係咁好聽啦，但，呢個世界始終都係 忠言逆耳 的。

原帖由 免友 於 2009-9-21 06:13 PM 發表
你地唔好蝦人la:051:    人地係第一次樣
我知你地係講道理:059:

只係講個現實比佢知

有時唔係想做就做.想買就買

有幾多兔因主人無經濟能力令兔兔失救致死?

有時兔兔只係得到一個好小既病.但因為主人連幾百蚊都比唔起.令兔兔由輕病捱致重病

忠言一定係逆耳.但現實一定要面對

講真，其實最基本既養兔資料、基本用品，
幾乎係呢個 forum 已經可以搵到8-9成，
而基本用品，我都已經花d時間綜合左資料係呢個 post
http://mini-house.info/thread-3225-1-1.html
maybe 價錢上未必係最 update，but 真係有用，
唔好令我覺得突登花時間、花心機去做既野白廢 ..
兔兔用品既野，未必一定要去買專 for 兔兔用既，通常都會比較貴，
自己 diy既反而仲平好多，不如留返d錢俾兔兔作用醫療費用。
兔兔既醫療費用係比人類貴。
人去睇醫生，最多咪180蚊，都有三日藥，
但係兔兔睇醫生，一次最平都$250，仲未計藥，
起碼都成400蚊先出到門口ga~

開 post 問之前，用下搜索呢個 function，
搵唔到或睇唔明，再開 post 問，我地全部都好樂意去為你解答。#^14^#