縱使大家要鬧我..我都想發表我既感受

各位兔友好對唔住
我隻兔仔叫毛毛..
o係九月十九日既零辰..
毛毛死左..

毛毛：
希望你在天之靈會原諒我..我一直都以為你將個頭訓o係地下係好舒服..
我誤會左..累你無得生存..
雖然養左你一年4個月..但原來我一直一直都唔了解你..
其實我琴晚都已經想帶你睇e生..之後返原本個家..帶你去草原玩下..
對唔住呀..要怪就怪我點解唔早d發現你有問題..
仲以為你好開心好舒服..但到左今朝我知道你死左..我知道後悔已經太遲太遲..
我仲衰到唔敢去面對你既死..我自私..你走既時候我都唔可以開開心心咁送你走,,
又唔可以將你風光大葬..只可以將你生前最愛既野包住你圍住你一齊送走..
我既能力就到此為止..如果你係上左天堂或者係做左嫦娥既玉兔..
但願你轉世投胎做你想做既野..

[ 本帖最後由 小毛毛 於 2009-9-20 05:15 PM 編輯 ]

大家都一早一早講左帶佢去睇.包括我..係你唔聽...

係你自己話佢冇事.話佢可以等多一個月.你冇聽

我唔會講說話安慰你

呢個結局係你應得.但唔係毛毛應得.只因有個病都仲帶佢去放兔既主人

可憐的毛毛.再沒有可愛歡樂的時光可以過

原帖由 小毛毛 於 2009-9-20 05:18 PM 發表
可能病喇..但佢食野飲水好正常..
只可以說是心病

心病?..我睇你咁講真係冷笑左一下
當所有人都留意到佢有病你竟然話佢太舒服.太嘆?

我真係好想知..你唔係帶佢睇醫生咁你帶佢出去做咩?

呢2日係酷熱天氣警告

我真係覺得好荒謬.真係好嬲

你幾多歲?你識唔識分輕重

[ 本帖最後由 elvisli 於 2009-9-20 11:09 PM 編輯 ]

鬧...我覺得已經冇用
佢既死,但求可以令你反省
當咁多人都話佢似有病既時候,唔該信下人,唔係你養佢就好了解佢
你最大既問題,唔只起後期,仲要係起前期!!!
點解你未得到屋企人百分百同意&贊成就養兔?
而養左之後,點解明知養唔到,而又唔搵人領養?
你放起呢度,我地大把人幫你搵新主人,而搵到後會比你知佢近況
你有男朋友了,都大個女了,相信你識諗了
希望你以後起自己冇能力既時候,唔好再養小動物,生命既脆弱,我諗你依家明白吧
就算養,都唔好再自把自為,兔命雖然唔似狗咁長,亦唔值幾多錢,但無論係咩生物,我地都應該盡量珍惜生命,愛護生命,更何況,你係佢"媽媽"........

[ 本帖最後由 丫芷^0^ 於 2009-9-20 11:44 PM 編輯 ]

哎...我吾敢話你吾愛佢!
但身邊咁多人一早叫你帶毛毛睇醫生,而你亦知道佢有妥,點解仲要等?
你係佢主人,即使細心觀察亦吾等如你知道毛毛身體確實係點!
講埋d令人費解既理由...換新籠會死!換環境會死!
每次睇到呢類消息,再諗返我8隻兔兔...好心up!

你想點鬧就點鬧啦..
事實上我真係一個不知所謂既主人..
[只因有個病都仲帶佢去放兔既主人]
re：帶去佢剪指甲

算吧啦~~毛毛唔死都死左...可能佢離開係一種解脫呢

換環境會死?的確...可能是..因為兔兔經常轉換環境,會令佢壓力大...
有好多人都疏忽呢一點....因為壓力,好易令到佢抵抗力下降
或誘發佢身體內既細菌/暗病

不過因為轉籠而病死都係第一次聽

有空閒帶佢剪甲.點解唔用呢d時間一早去睇醫生?

錢會係一個問題吧?

有阻礙就代表你不應該養?

希望你真係會反省..

唔係只同人地講你知自己錯.自己有幾不知所謂

問自己

錯在那?
怎樣改?
改成點?

下!佢有病你仲帶佢去放兔,我真係好想罵你
佢如果仲無事就你要多謝主 啦....

唉~就算毛毛唔係我個囡,我都覺得心痛...
你...唉...節哀順變啦....不如你諗清楚自己點解要養毛毛
係因為一時衝動定係點
如果唔係養十次死十次

件事都過左去,你下次想養任何寵物時....
停一停,諗一諗.....自己同屋企人係米真係有能力照顧佢地十年以上

[ 本帖最後由 elyse 於 2009-9-21 12:38 AM 編輯 ]

我諗大家睇類似呢d post 睇唔少...但每次睇到都好心痛...唔會麻木!!!
希望飬動物之前都要考慮清楚自己既"實際情況"...要100%可以飬先飬!
假如遇到問題,唔好第一時間就放棄兔兔/其他動物...想一個可以兩全其美既方法吧!!
就算沒有兩全其美既方法(一定要放棄),都要好好為佢安排好一切,為佢盡最後既心力!!! 謝謝:054:

其實我真係好想知道你養毛毛呢年幾裡面其實有幾多時間係真正照顧佢?? 有冇一直都去增值自己嘅養兔經驗?? 你講啲咁荒謬嘅原因去話兔兔係咁死, 我真係以為你係養咗佢係一個月零四日, 而唔係一年零四個月。

鬧... 真係已經冇用, 但我覺得你從今以後都唔好養寵物, 因為你並唔係用心去照顧佢哋, 佢有病你都可以用咁多唔知咩藉口唔同佢睇醫生, 其實我真係好懷疑唔係你屋企人養養下唔俾你養, 而係跟本係你自己養養下冇心繼續養, 不過... 點都好啦~ 毛毛嘅死已經係事實, 係你害死佢亦都係一個鐵一般嘅事實, 你永遠都要背負呢個罪名。

希望毛毛喺彩虹橋可以過得開開心心, 重新投胎轉世, 得到幸福快樂~!!

[ 本帖最後由 波子 於 2009-9-21 01:56 AM 編輯 ]

毛毛真係好可憐, 有你依一個咁不知所謂既主人~~, 睇到我好心痛, 毛毛希望你去到彩虹橋會開開心心啦! (我諗總好過留係依個咁既主人既身邊) 我真係好嬲!  好激心! :069: