Lucky最新近況

Lucky係一隻被遺棄街頭ge可憐兔兔。
當時Rod發現佢ge時候佢得返個頭有毛，其餘ge毛都甩曬；
後腳無力，只可以係地上爬行。
當日天氣好熱好熱，好心ge Rod救左佢返屋企。
Rod俾食物佢，餓左好耐ge Lucky好心急咁食野。
幾個月之後，Lucky已經好返好多，但係Rod要離開香港，機緣巧合之下，我遇到Lucky喇。
我見到Lucky ge時候，Lucy係o係一個Panasonic ge紙皮箱入面，仲有一張被陪住佢。
佢好熱，我抱佢出黎放入兔袋，好彩有一大樽冰凍Cream Soda幫佢解暑。
(冰種太凍，唔可以直接接觸兔兔，否則會凍傷肌肉，隔住冰種散熱效果唔夠，汽水溫度就可以直接接觸兔兔)
Lucky熱到口水長流，好怕佢會中暑，好彩有汽水解凍，休息一陣之後Lucky就變得活潑，仲食我準備左係袋ge Timothy，原來Lucky都會食Timothy，太好喇！
返到屋企詳細檢查，發現Lucky腳d毛未生齊，仲有好多毛結。腳板有甩毛，不過唔係腳瘡。
好好幫Lucky梳毛整理。其實Lucky身體都幾健康。
胖胖係好鍾意兔女的，所以佢地好快就熟絡，互lam毛毛，一齊訓一齊食。Lucky仲好鍾意我摸，唔介意我反轉佢tim。
指甲唔長，牙仔整齊。
雖然客觀黎講Lucky唔算係一隻樣子好可愛的兔兔，但係係我心目中係超級可愛的！
之後的絕育手術會o係大約一個月左右，到時Lucky就會同胖胖分開住，靜心修養。之後會否一齊住，咁就要睇睇Lucky同胖胖關係喇，因為絕育後可能有變。
請各位兔友繼續留意Lucky最新近況,Stay Tune~
更多圖片到我facebook睇睇，有Lucky各部份未生毛ge照片，仲有同胖胖一齊影ge~
由於呢幾日我仲忙緊Lucky ge事，所以唔係講得咁詳細，多多包涵啊~~




突然頭先見到一個兔友fb post相, 我突然諗起一樣野:
兔唔係貨品，無得refund，一係就養佢，一係就唔好養，唔可以因為新黎的兔唔夾就唔養俾返人架。
至多咪分開養，應承得人話養，點可以當佢係另一隻兔ge玩具，唔鍾意就俾返人呢？
雖然佢隻兔兔好得意，不過我開始想罷睇佢個相簿，同時佢ge感覺俾我係想show off自己個相機。
諗起個隻回頭兔，我覺得好心酸....

[ 本帖最後由 chrisyan 於 2009-9-27 05:24 PM 編輯 ]

lucky遇到好主人 以後唔使愁
第一幅相佢好似對胖胖話:你要錫我呀
而第二幅就對chrisyan話:媽咪遇到你真好..舒服晒

lucky遇到好主人...
真係太好喇....
lucky要生返多d毛毛....
健健康康...