實在好唔願意再喺度開帖，因為呢度係一個傷心嘅地方。
加拿大時間約晚上十時半，湯丸決定去彩虹橋搵波子了！ 由發覺湯丸有問題，帶佢睇醫生直至佢喺醫院離開只係太約八小時。醫生診斷湯丸腸停，體溫比正常低咗兩度，諗住安排佢打針同吊鹽水，但喺安排好正準備幫佢嘅時候，情況突然轉壞，就喺兔爸面前離開了！問及醫生為何湯丸會腸停，醫生話湯丸唔係因為毛球，而係應該有Gas。 講及湯丸嘅飲食情況，醫生有以下嘅說法：
其實兔仔係唔可以食太多菜，因為菜中含有不少糖分，有可能係令兔兔腸停嘅主因。 我知道可能有啲兔友會覺得呢個說法好荒謬，但之前我哋一直係一星期倒餵一次菜，但湯丸喺十月九日滿咗一歲後，餵菜嘅次數改為二至三日一次，每次八至九條，食多咗菜反而就出事了，我想大家可以作為參考，希望唔好再有兔兔因為咁而出事了。
雖然我唔能夠百分百肯定湯丸係咪真係因為食咗較多嘅菜而腸停, 但因為最近佢嘅生活習慣性除咗係食菜嘅次數及量數改變外, 其他的係一直都正常, 所以我只係希望大家可以借助湯丸嘅事而作為一個參考, 或者有啲菜可能含糖量冇咁高, 所以多吃都冇事, 但希望大家只作參考, 無須就此作出爭議, 不過我仍會努力去調査一下菜嘅含糖量, 希望日後可以幫助倒更多兔兔。
PS: 我一直未有提及佢哋係食咩菜, 唔好意思, 喺度提返先, 佢哋一直都係以食白菜為主, 間中會食菜心及紹菜, 大家可以作為參考。
[ 本帖最後由 波子 於 2009-10-26 10:38 PM 編輯 ] |
|
分享
收藏
支持
反對
