[小心]寵物善終黑店

無論幾唔想面對，心愛的兔兔終於有一日會離開我地。佢地走左之後已經令主人好唔開心，如果再俾無良奸商呃，搞到真係人寵永隔，就真係好唔抵。

有幫寵物做過火化的兔友們睇睇，順便討論一下你用過的服務，有冇呃人成份。

今日睇到頭條一則新聞：
++++++++++++++++++++++++++++++++++++++++++++++++++++++++++
新聞故事——港府無寵物火化服務
2009-12-04
現時全港約有七至八間寵物善終店，提供火化和骨灰靈位安放服務，當中不少設於工廈，遭外界質疑違例。陳國基分別在九龍灣一工廈、甚至在銅鑼灣和油麻地商廈，設置靈室，單是九龍灣單位，面積已接近三千呎，提供六百八十個骨灰靈位，讓主人擺放寵物骨灰，更可佈置成精緻寵物屋，放上食物作祭品。

        陳國基坦言，過往的確接獲不少投訴，主要涉及對大廈擺送寵物骨灰，引起不安有關，但他指出，地契列明有關工廈和商廈屬貨倉和製造廠性質，開業前也獲屋宇、地政和環保署通過，質疑：「擺放寵物骨灰，等同儲存倉般，只是儲存的物件有點不同，有甚麼不妥？」他指斥，自九九年市政局解散後，香港再無寵物火化服務，更遑論骨灰靈堂，比起加拿大等地落後，希望港府為業界制定標準，並贊成設立籠物墓園，為業界申冤。

        地政總署指，有關經營是否違規，需視乎個別地契而定，若發現違反地契，業主可要求有關租戶停止經營。

新聞故事——肥料冒充骨灰　火化集體進行 工廈搞寵物善終多「黑店」 2009-12-04
       港人愛心無限，近年寵物善終服務需求大增。市面有店舖稱聲為離世狗隻火化，並為主人提供永久保留骨灰服務，但有設在工業大廈的善終店，為免火化產出污染物受到市民投訴，竟以肥料「牛骨粉」、香爐灰等假裝火化後的寵物骨灰，更有黑店收取獨立火化價錢，實情是多隻寵物屍體集體火化，涉牟取暴利，且令主人與愛犬「人狗永隔」，十分無良。

        凌小姐家中養有四隻狗，去年一隻養了超過十年的雪橇犬因病去世，為了保存愛犬骨灰，在廣告推介下，前往一間設在工業大廈的寵物善終服務店，為愛犬火化。店員在收下狗隻後，卻要求凌小姐先離開，待火化後才前來領取骨灰。

        凌小姐不以為意，她憶述整個過程約半至一小時，但當她打開骨灰盒時，第一個感覺是似香爐灰，她稱：「摸下去質地好滑，連小小骨頭碎也沒有！」她懷疑這些並非其愛犬的骨灰，即時與店員理論，並且報警，但徒勞無功。

        她無奈地指：「這隻雪橇犬是我十年前一天，在街上執回來，由於當時牠跟著我，感覺好親切。」十年來，她與愛犬朝夕相對，原本希望給牠一個安息，現在連愛犬真正骨灰下落也不得而知，感非常無奈。

        同時，亦有寵物主人在網上稱，有黑店聲稱為愛犬獨立火化，收取較高費用，但實際卻採用集體火化，與其他動物一起燒，非常無良。

       主人應可親看火化過程

        經營寵物善終服務十年的陳國基指，近年愈來愈多人進軍市場，但質素良莠不齊，有行家因其火化系統並不符環保標準，一燒動物就釋出大量廢氣，遭人投訴，遂借故要求主人離開，不准觀看火化過程，乘機以貌似動物骨灰的「牛骨粉」冒充。

        陳國基又指，一般集體火化只需要四百至八百元，獨立火化則以重量計，十磅以下如松鼠、西施狗等，每隻收費近千三元，一隻十歲大的雪橇犬、重約廿五至三十磅，收費近一千七百元，但相當於牛骨粉冒充，僅需數十元以下，足見黑店瘋狂牟取暴利。

        他提醒，市面絕大部份火化店，均容許主人親身觀看火化過程，而完事後，主人可看見寵物整副骨形，按下去脆如花生殼和合桃，當骨骼被儀器進一步打碎成為骨灰，外貌如麥皮般有粗粒，絕不會類似爽身粉和豆香爐粉般滑，呼籲消費者留意。

        記者郭美華

++++++++++++++++++++++++++++++++++++++++++++++++++++++++
希望大家多D講出意見，因為我地大家都唔想兔兔走左連最後一程都走得不明不白。

以下係WESKY o係其他POST 列出的火化服務公司，希望大家可以指出O係邊間做過火化，以及服務係點。(唔一定係兔，唔一定係自己的籠物，總之有咩都講下，等大家知道實情)

我知有好多人兔兔走左就會唔再上FORUM，如果識得有人幫寵物安排過火化，希望大家會問下佢地，然後發表。

+++++++++++++++++++++++++++++
最終有您
http://www.hkpetsparadise.com/        
3579 2728        
九龍觀塘偉業街131-133號長輝工業大廈12樓1226室

寵之天國寵物善終服務
http://www.petsheaven.com.hk/
2755 6000        
九龍灣啟興道2號太平洋貿易中心9樓18室

再見寵兒善後服務中心
http://www.goodbyedear.com.hk/        
2951 0819        
香港銅鑼灣謝菲道468號百達中心10樓01室
新界葵涌永立街8-14號榮來工業大廈A座六樓全層

忘不了寵物善終服務中心
http://www.dontforgetpets.com/        
3188 1355        
九龍旺角砵蘭街138名成商業中心8樓
九龍大角咀必發道118號茂盛中心14樓B室
九龍紅磡漆咸道北399號東貿商業大廈7樓A座

專業寵物善終服務
http://www.petsfuneral.com.hk/        
2621 6666        
新界粉嶺坪輋地段88號

寵愛有家善終服務有限公司
http://www.petwohopshek.com.hk/        
2677 4900        
香港新界粉嶺和合石村51D

太平寵物保健醫院
http://www.mydearpet.com/        
2714 4401        
九龍何文田梭椏道(培正中學對面)九號地下

寵物浩園善終服務
http://www.peacefulpet.com.hk/        
2674 1200        
新界粉嶺坪輋禾徑山路地段2號DD37

伴著牠寵物股務中心
http://www.angelspath.hk        
2464 6628        
屯門洪祥路3B田氏中心第九座12樓D室

[ 本帖最後由 firen_freeze 於 2009-12-4 10:41 PM 編輯 ]

其實我用過LIST上面第一間，個情況同新聞個凌小姐一模一樣.....

唔準我睇火化，又叫我陣間再上去....

又係隔左個幾鐘，佢叫我返上去，當時佢已經用膠封好個骨灰盅，我到而家都未見過入面有乜.....

我本來將肥雪的骨灰埋左O係樓下個公園，日日放學都覺得肥雪好似接我返屋企咁，但睇完個新聞.....今日再經過公園，已經感覺唔到我隻兔兔......個新聞好似變成陰影咁.....

我唔想其他人犯D同我一樣的錯，雖然單就我一個可能證明唔到D乜，但係希望大家注意，唔好好似我咁蠢:054:

[ 本帖最後由 firen_freeze 於 2009-12-4 10:48 PM 編輯 ]

真係黑暗....  多謝你分享

其實我一直都懷疑寵物善終果d店係咪真係會比返真正既寵物骨灰我地....
不過我諗當寵物離世,主人都一定無心機去逐間找....

好多謝你既分享,
雖然話大家都唔想自己既兔兔有事,不過始終都係了解多d好

本人曾經試過兩間寵物善終.
一間係寵之天國一間係忘不了....
先講寵之天國...(好似只得獨立火化)
你約左個時間去火化...佢會係火化之後俾你將一D物品交俾你既寵物&見佢最後一面...之後就可以選擇自己親手禁街OR佢地禁...咁火化大約好似4個字~半個鐘左右...火化完佢會叫你去睇下...成隻寵物都只係得返骨...之後佢只係將佢既骨分開...因為佢地話兔兔咁細既骨係好難磨成粉的...之後入落去骨灰UM就俾你帶走佢喇..
第2次就係忘不了.(有得獨立火化OR集體)
相對呢一間個感覺就比較差...佢都會有個地方俾你去見佢最後一面...如果你想可以上香俾佢...之後就火化...係睇住佢放入去之後我地自己禁制的...但禁完制之後佢就會叫我地走嫁喇...仲要過多幾日先可以去拎返D骨灰...
聽MAX媽講完...我有一點心寒我依家放係屋企既初五BB到底係唔係佢黎:011:

多謝你地的資料呀
如果唔係, 我第時都會去第一間tim......
咁睇黎, 好似竉之天國 ok

[ 本帖最後由 redbean 於 2009-12-4 11:32 PM 編輯 ]

原帖由 兔仔怡v3v 於 2009-12-4 11:24 PM 發表
本人曾經試過兩間寵物善終.
一間係寵之天國一間係忘不了....
先講寵之天國...(好似只得獨立火化)
你約左個時間去火化...佢會係火化之後俾你將一D物品交俾你既寵物&見佢最後一面...之後就可以選擇自己親手禁街OR佢 ...

起碼第一間係真係有返D灰俾你....

我而家真係好唔SURE 樓下公園入面仲係唔係我O既肥雪:022:

原帖由 firen_freeze 於 2009-12-4 11:32 PM 發表


起碼第一間係真係有返D灰俾你....

我而家真係好唔SURE 樓下公園入面仲係唔係我O既肥雪:022:

係...
所以我覺得係我心目中寵之天國比較可信~

我之前有隻養左＋七年既貓貓..佢今年離開左我啦..
我起kwai chung 既工廠building 幫佢搞佢既身後事...好似叫做"再見寵兒"..

佢地拎lucky 去burn 既時候...我係睇住佢推入去既..
不過之後佢地就叫我地去間好似休息室既地方wait啦...

lucky burn 完之後出返黎係好完整架...你可以見到佢whole skeleton...

佢地既service 都ok..果度仲有少少 cats/dogs..可以比人領養..
你又可以同下佢地玩...等d 客人calm down 一下..

不過佢地係做生意既..so 都會sale 下佢地d product..eg 話做用枝toothbrush brush 你既pet's teeth..咁就會有你隻pet's口水...佢就會用呢個individual 既toothbrush 上既口水既dna 幫你make 條necklace..

b4 拎你既pet 去burn..佢又會話"你既xx等陣就會訓起個鐵床仔上面..再推入去burn..如果你唔想佢咁走既..你可以加個棺木比佢..等佢可以同佢鍾意既食物一齊走 ( 因為你可以prepare一d佢地平時like 既野食放起鐵床上面..一齊推入去burn..

前一排~我朋友養左8年既兔兔去左彩虹橋~
我朋友選擇左>>>寵之天國寵物善終服務<< 呢間~
我亦都有陪佢去~~所以過程我都睇晒~~
呢間野位於工廈入面~門面都ok~

過程:
一開始就叫我地入左間用玻璃間開既房~員工拎左兔兔落黎,放左係個籃度,叫我地陪多佢一陣~~等員工ready好火化d野就叫我地~大約30mins島,員工帶我地上左上一層,果度就直程係一個工場,有部好大部既火化爐,員工放左兔兔係個爐既盆度..
之後我地親眼望住員工放個盆入爐..仲俾左個手制我朋友,叫佢禁~(呢刻我地都已經喊晒= =" 最終我朋友都係叫佢男朋友禁)  火化10秒後開始,我地都見到火光~員工叫我地等45 mins 島<<<好似係~ 咁我地就上上面睇下人地租俾自己寶貝既格仔<<(真係好似格仔鋪果d一樣) 每個都放左骨灰中同d食物咁~有d都design得好靚~
45mins過後~員工話兔兔已經火化完~我地上返去見到兔兔d骨位置郁左少少~
(原本係灣灣地放係盆上面的),不過我地就覺得有可能火化過程d火or風整到兔兔位置唔同左~盆上面有兔兔d骨..胃入面既消化物(員工話呢d係燒唔到既)...d骨灰望落就唔係太粉~都有碎片果d~~員工話要等一陣~放涼d先拎上黎俾我朋友~咁我地又上返去等~過左一陣~員工拎左上黎~問我朋友磨唔磨碎埋兔兔d骨~我朋友say no~因為佢覺得碎晒就好似已經唔係佢兔兔~最後我朋友自己拎走左佢d骨同骨灰~

收費:
大約$1xxx  (for 朋友兔兔)  (家兔size,都算大隻)
已包普通骨灰中/ 佣袋 << 唔係太記得
店內亦有寵物dna手機繩...相架...比較精美既骨灰中etc. 俾主人購買

最後,我自己就覺得呢間服務就ok,火化過程我地睇唔到爐入面仲有冇其他動物,只到員工放兔兔入去,不過照咁樣睇,員工叫個個主人都自己禁制~應該就只係一次一隻~
骨灰方面都唔覺得話似用左其他野代替~

希望information幫到主人選擇~and 希望朋友既兔兔已經係彩虹橋同朋友仔玩緊啦

嘩~~打左好耐~~好似好長咁tim~希望唔會睇到大家悶#^64^#

我都好想知多d....原來真係有黑暗ga一面:067:

我去過"最終有你"火化, 先交俾佢, 之後佢會幫我消毒,
OK之後問我要唔要做DNA鏈, 同埋叫我去睇下條屍,
佢整得O唔OK, 之後會係我面前放佢入爐,
會問我要唔要我親自按制去火化...
之後等1-2HRS就可以就有骨灰, 之後係我面前,
叫我睇下, (佢入哂落袋), 係我面前入樽, 之後貼相同封樽!!

太過份喇-/\-''
呢d野都可以呃人..一d良心都冇-''-
到時真係要小心d先得!!!

店內亦有寵物dna手機繩...相架...比較精美既骨灰中etc. 俾主人購


我睇啲廣告可以整呢啲..
不過其實火化完可唔可以放返自己屋企..
唔放喺個啲公司度??

可以拎返自己屋企。
不過真係要睇下屋企人知唔知同會唔會介意~
條dna鍊一條好似5百蚊。