今次到我好担心...

今朝6點幾點度, 我仲訓緊的時候,
我仔仔比比dum左2次地, 我以為佢係因為肚餓而叫醒我,
雖然我有3隻, 但呢隻仔最中意嘈醒我...
咁我直至到7:05分起身準備流洗返工, 咁所有野都攪好哂,
最重要嘅一環就係餵佢地, 平時我一著房燈,
佢地3隻都會好雀躍咁等我比野食佢,
但今次...我見比比無反應, 平時一定咬哂籠 (佢同另一隻居住同一個籠)
咁我就以為佢嬲我, 咁我就氹下佢, 都無反應...之後我諗住出絕招, 搵佢最中意食嘅野引佢,
籠裡面另一隻就發哂癲咁...走過來, 但比比仍然原封不動咁....
我又以為佢仲係嬲, 再氹....仲將塊餅乾送佢到咀邊, 佢居然拎開頭...

我見到咁, 已經覺得不妙...第一比左糧, 無反應...第二, 加左草...吾食...第三: 餅乾引誘..又係無反應...
再望望佢眼神, 完全無精神咁....
我真係吾敢返工, 因為我放7點....我怕o係我返工呢段時間佢會有d咩事, 我有幫佢按肚仔, 佢又係完全無反應, 住我摸, 平時的佢一定會彈開吾比我摸....

我而家o係度觀察緊佢會吾會食野....但..目前只係見佢縮埋一團.....

真係好担心...不過我10點度會再電話去book時間同佢睇e生....

都係帶佢去睇下好wor,兔仔見到自己鐘意食既野都無反應..真係好奇怪...
睇咗先,當買個安心都好吖,反正你都請咗假lor

始終係自己仔女, 萬事小心為上

我個人都覺得帶佢去睇醫生會好D...
雖然佢好似依家睇落好健康...但TOUCH WOOD晏D佢就再變返朝早咁你就冇醫生睇嫁喇喎...睇左如果佢真係冇事既...都只係俾2XX當BODY CHECK囉~~

原帖由 Peiian 於 2009-12-15 10:23 AM 發表



我仔仔係同另一隻女女一齊一個籠
好難留意到....

=.=難留意都要留意架...唔係難留意就唔洗留意...

有句說話叫「迴光返照」, 都係睇睇醫生好啲, 唔好俾自己後悔莫及。
同埋你之前都俾過啲無益嘅餅俾兔兔食, 即使你話唔多都係有俾過, 兔兔絕對有機會因為咁而腸停。
從今以後唔該唔好再俾啲你覺得兔兔鍾意食但又冇益嘅嘢俾佢食喇~ 佢揀食都係因為你俾啲好味過草嘅嘢俾佢先會揀食, 冇得揀佢自然就會食返正常嘅草同糧, 拜託你認真學懂如何養兔, 你仲要養緊三隻, 唔該你... 真係... 真係... 要認真從頭學起, 兔兔係生命唔係玩具, 希望你真係愛佢哋, 唔係由愛變害。

依家留意唔到唔代表可以由得佢
你既決定直接影響佢既生死
如果你要留意，就要分籠住，如果無就買返個以備不時之需

都係帶佢睇好D呀... 點都睇下 ...
無事咪當一年一次既BODY CHECK囉~~!^^
好過一陣有咩事就麻煩了 ^^

去做個body check當 買個安心

兔媽我成日都去買安心架#^64^#

如果腸塞都會突然唔食野又食返
就咁身體檢查都係200幾蚊
等下次再唔食野先睇, 可能嚴重左好多架啦
到時兔兔又辛苦耐左, 醫藥費又多左

:066: :066: 可能係佢有史以黎第一次訓到o甘晏起身。:062: :062:

希望你既兔兔會冇事,
以前我就好似你咁拖多幾個鐘,
就斷送咗兔兔既一生~(佢係腸停而走)

多謝各位的關心 & 意見,
我同兔兔去左e生度check,
e生都話佢無事, 跟住今朝見佢....鬼咁生猛......:044:

仲o係度伸懶腰......咬籠同周圍跳
至於迴光反照呢個問題我都有諗過, 而我都吾係成日比餅仔佢地食(3隻都係)
我吾係亂咁養, 亦都無當佢地係一個玩具,我相信在座各位都係愛兔之人, 有邊個未試過比零食兔仔食??? 講到我好似只係比零食佢地食咁...我養左佢地3隻幾年, 從未試過有事, 吾係版主就以為自己咩都識....請哥位仁兄注意自己的言語.....

[ 本帖最後由 Peiian 於 2009-12-16 08:47 AM 編輯 ]

原帖由 Peiian 於 2009-12-16 08:44 發表
多謝各位的關心 & 意見,
我同兔兔去左e生度check,
e生都話佢無事, 跟住今朝見佢....鬼咁生猛......:044:

仲o係度伸懶腰......咬籠同周圍跳
至於迴光反照呢個問題我都有諗過, 而我都吾係成日比餅仔佢地食(3隻 ...

養咗三年幾唔代表真係識養, 如果你有做功課就應該知道嗰啲店舖賣嘅所謂零食係唔可以俾兔兔食嘅, 你仲話你養咗三年幾, 就連呢啲咁基本要知嘅知識都唔知?? 你所講嘅:「我相信在座各位都係愛兔之人, 有邊個未試過比零食兔仔食???」唔該唔好用呢句說話擺响呢一度, 呢度懂養兔嘅兔友都唔會買呢啲零食俾兔兔食, 唔係話唔係成日比就可以俾, 係直頭唔可以俾, 依家冇事係兔兔好彩, 但好彩並唔係一世嘅, 我叫你認真學養兔係想啲兔兔好, 愛兔就要學點樣養兔, 我只係叫你唔好再俾餅或其他零食俾佢哋食, 叫你認真學下點養兔, 如果咁都話我言詞有問題, 咁我都無話可說, 兔兔係你嘅, 我想兔兔好先同你講, 唔啱聽嘅你可以唔好話俾人知你兔兔有事, 有食零食, 呢度唔啱就會有人紏正, 忠言逆耳就冇人幫倒你, 養兔係要不斷增值自己嘅養兔知識, 唔係話養得耐就唔駛學。呢度好多養咗好耐兔兔嘅兔友, 佢哋依然都不斷增值中。你明唔明我所講嘅嘢都好, 我唔係用版主嘅身分同你講, 係以一個非常愛兔嘅人嘅身分同你講, 我講咁耐咁多嘢都係為咗你啲兔兔, 當然最終決定喺你自己度, 學唔學都係你自己嘅, 唔係我嘅~!!