返學返到有啲唔開心..

話說星期二個日..
我地班要present..
到我個組pre個陣..
突然有張鄧掟左出黎..
之後有個男仔a就好大聲咁講: 你望咩呀而家
佢之後仲要推埋枱..

當時我坐喺電腦前面..
個女仔fd拎起支mic準備開始pre..
結果佢大脾就比個張鄧掟中..
到而家都又腫又瘀..
見到都覺得痛..

男仔a本身想掟ge目標係我個男仔fd..即係b (我, 女仔fd同b係同一組present)
但係b佢見到就將張鄧推開,
所以先至會親女仔fd

個陣我要睇住女仔fd..
理唔到b..
a仲要冇冷靜落黎..
除左件外套想打b..
b梗係冇還手..
因為佢知咁係唔啱..

仲有..女仔fd整親..真係好痛..即時紅晒腫晒..
a ge朋友(都係女仔黎的)竟然話: 有冇咁痛呀?咪扮嘢啦!起身啦~
真係好嬲!!

當時miss在場..
但一路到我地走佢都冇提過我地可以報警..
同埋佢都係幫住a..

琴日b同女仔fd家長都去左學校了解..
但結果竟然係話b佢撩人先..
完全係另一個版本..
最後b同女仔fd家長都決定報警..

因為琴日去醫院驗完傷都10點幾..
所以今日先落口供..

啲警察哥哥仲要好惡..質疑b出口撩人..所以先比人掟..

到走之前我地先知..
原來miss話佢冇見到有人掟鄧..
但事實上, 星期二個日佢黎sick room搵我地..佢係親口話見到a掟鄧..
仲話好彩唔係掟佢個邊..佢坐喺度又年紀大..
掟中一定走唔到..

而家成個staff room同埋我個級都有好多個唔同版本..
我地由受害者變左蝦人果個..

冇人問過我地幾個發生咩事, 只係聽a同佢的朋友講..
結果我地幾個就成為衰人..

我覺得好唔抵..
點解學校同警察哥哥都淨係聽a同佢朋友講唔信我地??

冇人比機會我地澄清..



唔好意思咁多位..
晒左大家咁多時間黎聽我呻..
對唔住><

光之天使:
我地都想喺正確途徑得到公道,
我地都希望有人問我地到底係點..
但而家STAFF ROOM同成級同學所講GE都唔係事實..
而校方亦因為呢啲謠言而質疑我地

謠言止於智者..
呢句說話真係存在嗎?
如果真係咁..
點解為人師表的老師都要單方面聽取佢地所講GE半事實?

有無嘗試去搵d區議員/社工幫手 ?
老師出現問題，就可以去教育部門投訴。
講真，而家不知幾多失業教師。
而且呢種老師跟本無資格教學生。

拎野扔人就係唔o岩，
就算係b撩起，a再拎櫈扔人，都係a唔o岩，
而家仲傷及無辜。

當時被無辜扔中既女仔應該立即打電話返屋企，
父母知道一定返學校嘈，再要求驗傷就知道乜事，
唔好理因為乜事而扔，
事實係而家傷人。

同道理，點解d父母話，用體罰黎教導小朋友，
都會算係虐兒既一種 ?
佢地都係只想教好小朋友。

lingyan:
學校社工都係幫住A同學..
我地而家考慮緊係咪可以搵區議員..
因為我地上網搵過..
今年個主席係區議員..
學校本身個投訴部門我暫時仲未搵到可以去邊度投..

我地認為唔係講佢有有資格做教師..
而係佢好似忘記左職業操守..同埋做人應該要有的行為..

個陣女仔FD痛到淨係識得喊..
平時佢唔會易喊..
整親咪整親..又唔會痛死..所以好少見佢喊..
個日真係見佢喊到收唔到聲..喘晒氣..
個種痛已經超過佢可以承受..

學校冇通知家長..
係我地即日放學返到屋企先醒覺應該要同家長講
家長第二日有返學校問咩事..
但係校方的解釋係B出言不遜, 令A掟鄧..而SKIP左女仔FD整傷..

而家..
老師改左口供..
連A都話佢係冇目標地掟鄧..
但當日A係話佢想將張鄧掟向B..
請問校方聽到後者..
會點諗我地??

原帖由 ka@+ 於 2009-12-19 05:28 PM 發表
光之天使:
我地都想喺正確途徑得到公道,
我地都希望有人問我地到底係點..
但而家STAFF ROOM同成級同學所講GE都唔係事實..
而校方亦因為呢啲謠言而質疑我地

謠言止於智者..
呢句說話真係存在嗎 ...

質疑你地?又可以點?罰你地唔到架~對付唔到你地架~
都係果一句,a掟野就係唔岩~
就算d同學~老師~校方~警察~講乜野話係因為b撩起又好~~
總之出手果個係a就係佢唔岩~
依家有無人話唔係a掟野反而係你地掟野先丫?

你地自己係當事人,我覺得唔需要介意d謠言講咩~
總之警察問咩,就照直答~
去搵議員又好,校董又好,都係照直講~~

好坦白講丫...就算佢地唔信,你地都無辦法~~
依家其實你地無可能做d咩去止住謠言架啦~好似d明星比雜誌做新聞咁咋嘛~
所以我先叫你唔好咁介意~反而你地應該耐心等學校比咩答覆你地~e.g.起碼要a公開道歉,賠醫藥等等~
你一路執著緊d同學信唔信你地既問題~~由得佢la~
因為d同學信唔信你地無先撩a,其實唔係大問題,問題係a傷人~犯事既點都係a~唔會怪罪到你地

如果你真係要做d乜野去向全世界表明你地係清白,可能你要出律師信去告a或者學校~



多口問句...樓主幾多歲呀??
依家d學校咁複雜架咩....

光之天使:
2字頭了..><
個陣讀完F.7入唔到大學..
所以入左IVE..
讀自己一路都想讀ge科..
讀2年..今年最後一年..

我開始明白咩叫旁觀者清..

A係掟我地, 但而家老師話冇見到佢掟..a話佢冇目標地掟..
所以好多人已經唔再focus喺a掟我地..


補充返=]
以前返中學..
都有類似情況出現..
老師係即刻報警..再通知家長..
之後開緊急會議..
過左2日就處分左個同學..

可能而家老師覺得我地係成年人..
應該自己處理到..
我好記得佢個日話: 你地都係成年人..應該識點處理..

下?
咁你全班有咁多個同學,
無一個同學見到係a掟呀??搵唔到一個見到既做證人?
淨係得老師一個見到??

你話當時係做presentation....應該有人一齊係課室掛?
應該有人坐係a前後左右見到佢拎起張椅掛~

不過唔理告唔告得入a人無目標咁掟,
依家佢係做出攻擊性行為,亦都真係傷左人,就算係誤傷他人都好~
佢都一定要道歉+賠醫藥費架la~
我認為道理仲係你地果邊囉~

ive d學生依家好似中學咁close架咩...咁快全校都知你地d野?
以前中學就話一傳十,十傳百,大家好熟~
我讀ive果陣老師都識唔晒~其他course既都唔識架wor

個陣pre完的同學好多走晒..
得返我地同a同學的朋友組員..仲有一組未pre的..
老師當日話見到的..但其後又話見唔到..

當時我地組準備pre..
但係miss上堂之前講左pre完走得..
所以係仲有另一組同學應該見到..
但學校一路都冇問過其他人事發經過..

佢ge道歉就係琴日喺警署..
拎住一封用電腦print出黎..第一句係say sorry..之後就好大篇幅話成件事唔關佢事..

我地個course有8班..
唔駛2個鍾..
已經成個隔離班知晒咁制..

我地唔肯定隔離班知ge原因會唔會係有人講出去..
我地開頭都估唔到成個staff room知晒..
係第二日有個錫我地幾個ge老師走黎問咩事..
我地先知老師們已知道了..

如果你地報警,其實好應該要搵有無人證~~
學校想多一事不如小一事,當然唔會攪咁多野~
你地應該自己親自去問下剩低果組既同學有無見到案發經過~

你話個miss怕事改晒口供,咁你就應該當佢係旁觀者,唔好再指望佢會幫到你地~
既然打算告既話,就靠自己~~
你要知道學校係唔會幫你地去搵人證~

加油吧:056:

其實你讀緊中學定係ive個d...?

哦~~~~原來你係讀IVE!!!
100個IVE學生總有1,2個係精神病, 我之前個班都有一個,
冇啦啦發癲掉爛左個keyboard唔知佢咩事=-=
IVE D 阿sir真係冇用嫁....有好多都教完就算
完全冇職業操守可言!!
你明天去睇下個校長點講先, 不過佢都一樣會耍你地,
你地家人有冇d好惡既, 同校長傾下計~等佢地知道你地係唔會就咁算數嫁!!!
同埋警察真係半數都求其了事既, 如果佢地唔幫你地,
只好去投訴科啦~~~~~再唔係係學校貼大字報, 搵議員幫你地
而家唔係A同B之前有咩過節, 而係有人被人打, 你叫個女仔再去報警話俾人打,
冇可能由得d警察當你地冇到!!!!!!!!!!!!!!

我都讀過 ive ...
ive 係咁 ...

佢地d口供都前後矛盾，
老師初頭話見到有人掟，之後話無 ;
a 同學初頭話只係掟b，而家話無目標掟。
(掟野呢個行動已經確實左，老師話無見到，咁佢係盲定係聾 ?? 可信性已經受質疑)

口供前口不一，佢地都已經好蝕。
父母要夠惡，唔好咁友善，
因為已經都好言對待，但唔理，軟功唔得就出硬功，
警察就最怕傳媒。
要投訴警察，唔好同區投訴，如果唔係實無料到。

光之天使:
而家學校話人證只有A同學同佢朋友..
冇其他人見到..

MIYAKO:
我讀緊IVE..

JESSIE:
星期四個日家長再黎到\學校要求見院長..
結果院長話突然有事黎唔到..
我地唔知佢聽日又會唔會又係咁..

LINGYAN:
但我地而家冇辦法令人信佢地2個口供前後不一..
家長們係好惡..句句有骨..但唔會講粗口..
講真..我見到都想走埋一邊..
我讀SBI..喺青衣的..
我見今年VTC個主席係議員..
我地想投訴學校處理手法..應該會寫信比佢..
但如果投訴警察唔喺同區投..
佢會唔會唔受理..