- 最後登錄
- 2018-6-19
- 註冊時間
- 2009-7-16
- 在線時間
- 0 小時
- P 點
- 853
- P 幣
- 3600
- 閱讀權限
- 70
- 積分
- 853
- 相冊
- 0
- 日誌
- 0
- 帖子
- 704
- 主題
- 18
- 精華
- 0
- 記錄
- 0
|
可以慢慢教既, 同埋佢地好快會唔記得你罰佢咩事, 所以你罰佢2日都係無意思
你見去係廁所外既地方去就拿拿聲捉佢上廁所, 試多d 佢就會開始明白
仲有 你個廁所放係邊﹖有無放番係佢經常係籠入面痾既位置﹖ 佢地有指定既一.兩個地方去, 有d兔會有2個廁所, 因為2角都會去..
打兔無用, 只會嚇怕佢, 如果一見佢係出面痾左, 你就搵紙索左d尿, 執起d屎, 俾佢睇, 同佢講係出面去no. 要係廁所去, 當佢面前放入廁所..
如果見到佢走上廁所到有便同尿既話, 完事後趁佢仲係廁所上面就即刻摸佢, 讚佢, 等佢知道咁做係有摸有人讚, 係開心既..咁對教去廁所都有幫助~
依家教動物已經主章係用快樂既回憶, 即係令佢地覺得做完一件事係會聯想起快樂同開心..
而唔係用打佢嚇怕佢去做某件事..因為呢個做法對某d性格既動物會做成反效果~
你可以鬧佢, 等佢知道咁做係錯, 鬧佢同平時講野既語氣要差別大d (唔一定要大聲喝佢) 可以俾佢知咁做你會唔開心, 會嬲.. 同佢解釋下~ 佢地都會感受到你既心情波動架~
腰痛問題我都有, 本身我番工個時整傷左條腰, 一灣身或者就唔岩個位就痛痛痛..
但呢d野可以自己去就番個姿勢, 如果要"mun"得太耐就搵張矮椅坐..
我初初都係一日早晚清一次籠, 有時仲可能要清3,4次..
就算係籠一面一發現佢痾左尿係出面就要即抹俾佢睇同聞, 解釋, 放係廁所..
俾多d耐性啦~ 同埋兔仔絕育未﹖ 未絕育可能有霸地盤, 所以會周圍痾尿~
其實屎佢唔係全部痾哂係廁所都無問題~出黎玩好多兔都總會唔全部上番廁所痾~
可以等佢學識去廁所或者已經學緊去廁所個時放多一個係佢出面玩個時等佢試下用唔用lor~
另外兔自己一日都同自己清潔好多次, 所以唔會dirty, 佢係因為未識去廁所手仔腳仔先會咁黃~
識之後就會慢慢白番小小, 但佢地點都會有d 黃, 同埋有時d 草濕左佢地踩番上去都會黃黃地架..
唔洗話次次摸完佢都要洗手呢, 我自己番屋企之後洗一次, 放佢出黎玩, 同佢玩, 摸佢 都唔會特別再洗..
抱完佢都無問題架.. 係除左食過野會洗手先摸佢之外就係梳完毛會洗一洗手~
佢地真係好乾淨架~
希望你唔好因為呢樣野而放棄兔兔, 佢已經俾人放棄左一次.. 唔好受架, 你肯去領養佢即係你都有心想好好咁照顧佢..慢慢黎啦~兔兔有時係比較慢熱, 所以關係要慢慢建立~
同埋兔兔係無俾人抱既慨念..因為佢地天生係食物鏈底層.所以抱起佢地個感覺好似俾野叼起左咁..佢地好驚好怕
但可以慢慢抱多d, 摸下佢, 抱起佢俾d菜/糧佢食.. 等佢覺得抱起都有好事發生..慢慢等佢無咁抗拒(唔一定所有兔都肯俾抱)
同埋佢點反抗點咬你都要俾佢知道佢做乜野都無用, 你唔會放手, 試多幾次佢就知道做無謂反抗都無用, 而且事後都有d好事發生.. 放佢地落去都可以俾小小甜頭佢~ 令到佢無咁怕無咁抗拒..
[ 本帖最後由 bonedog 於 2010-2-8 04:32 AM 編輯 ] |
|