大眼仔 R.I.P.

2月15日的晚上...當我下班回家...
摸摸我最愛的大眼仔..點知發現佢身體很冷...
想企也企不穩..只有微弱的呼吸..
我立刻好驚!!慌徨下趕帶牠去獸醫果度..
獸醫說牠已停止心跳..
我著他盡力救牠...牠曾經有返心跳..
但也捱不過2小時..最後都離去了....
那時我崩潰地哭~無奈地看著牠..陪牠走過最後的1段路...
到醫生證實牠離去了..我還不捨地伴著牠不肯走...
牠只有個多月大...還是1隻小小的兔bb...
小小的年紀就不幸感染到寄生蟲...
原來牠早已染病了....很可憐!!=[
護士還說其實牠很瘦....=[
雖然我地只係相處左1個星期..但畢竟都有感情...
今日心情雖然平復點,,但現在打呢篇野時,,我都不禁哭了!!
點都好,,我會堅強地從傷痛中走出來!!
我相信在天國的大眼仔都唔想見到我咁樣!!
希望在天國的牠會永遠快樂!!
我也會努力!!希望下次再養兔兔時會做得更好!!

我都好明白你的心情,當初我地養第一隻時,第六日就發覺佢唔妥,即刻去睇獸醫,可惜去到已返魂無術,獸醫仲話佢瘦,我同兔爸喊足一個禮拜仲病埋.之後諗咗好耐仲養唔養.不過後尾我地上咗兔協,佢地職員話呢D情況經常會發生,因為兔bb太細好易病,而領養嘅大隻d又健康d,宜家我領養咗惠惠一年佢都好健康無病過.
難過時候總會過去的,而我相信兔兔都唔想我哋太難過,因為有緣先會成為你家一份子,只要你心入面有佢,佢係唔會離開你.

個獸醫都話兔仔細個果陣好容易病...如果過左果個階段都冇咩事ge..咁就好好養!!
嗯~我諗短期內都未必會再養住...不過遲下再養ge一定會小心點,,同埋去兔協睇下比較好=]

希望大眼仔係天堂生活得開開心心,你都唔好太傷心...

兔兔會係彩虹橋過得開心
R.I.P
所以點解咁多兔友都提醒新手兔友要帶岩岩返屋企既兔兔去BODY CHECK
就係咁解..佢瘦 佢病 我地唔會知 最緊要係健康嘛
希望其他兔友都可以有個借鑑
祝各兔兔都健健康康

大眼仔rip...

希望你能夠在此學習多更多兔兔知識同身邊的朋友分享. 未來會再養兔仔的, 希望你支持領養!

各位你地好呀=]
現在我的心情已經平靜了~
我相信大眼仔都希望我開開心心ge=]
因為大眼仔返左屋企唔夠1個星期就離開左.....
所以果間兔兔店比我換過第2隻.....
尋晚我就去換左隻~今次我特登要揀隻肥大重手d ge.....
同埋上次獸醫話年紀大d ge比較冇咁易病.......
所以今次揀呢隻兩個多月大.....
抱上手果陣佢腳"young young"咁好活潑~
佢係1隻垂耳兔~叫大力呀~哈哈=]
我諗住今日帶佢去做body check~
希望佢健健康康la=]
不過我想知做body check大概幾多$$ ga???

其實 2個月大 仲係 bb , 請小心照顧

mini house 有好多有用的養兔資料, 希望你有時間睇下 ,
對你同兔兔有幫助

我都係時候再 review 下:049:

rip，大眼仔走之前都搵到一戶好人家，佢去到彩虹橋都一定會開開心心的。

body check 大概 $2xx 快0的去做啦~ 祝大力健健康康#^9_003^#

多謝各位呀!!!!1陣放工我就帶佢去body check~
希望有好消息送比大家=]