小公主駕到....

喺我同兔爸仲諗緊養唔養第二隻陪Cookie嘅時候, 上星期五, 兔爸帶咗隻兔兔B返嚟~!!

原來早前佢同事買咗隻兔兔, 差唔多三個星期, 發覺兔兔好難照顧, 一啲都唔似兔爸咁enjoy, 結果, 就話將兔兔B送咗俾兔爸, 唔想因為自己唔識照顧害死隻兔, 雖然棄兔並唔助長, 但... 兔兔B嘅生命亦好重要......

所以, 兔兔B加入咗我哋嘅家庭喇~~~~~!!

開始接手照顧嘅時候, 發覺兔兔B好多問題, 唔識去廁所, 唔識用水樽飲水, 唔食A草, 啲屎仲細粒過保濟丸...

兔爸話... 佢同事唔識教, 所以兔兔B乜都唔識, 而寵物店只係叫佢餵T草, 食埋啲味精勁重嘅糧, 嗰陣兔爸叫佢餵A草俾兔兔B食, 佢話兔兔B唔食, 只係鍾意食T草, 但佢啲屎屎咁細粒真係唔掂, 我要努力改變佢...

跟住.. 我發覺兔兔B並唔係蠢, 而真係前主人唔多識教, 我用咗一晚時間, 兔兔B已經識去廁所, 第二朝再教咗半日, 兔兔B已經識用水樽飲水, 唯一... 真係唔愛食A草。我哋去買果樹草同另一個牌子嘅A草俾佢, 兔兔B好鍾意食果樹草, 而A草就唔多鍾意, 之後, 我就將A草當零食俾佢, 唔知係咪兔兔都喜歡零食嘅感覺, 佢終於都食A草喇~ 慢慢我將A草嘅份量加碼減T, 而且亦成功轉食埋Oxbow糧, 呢兩日嘅屎屎明顯大粒咗好多, 生活開始正常返喇~!!^^

講咗咁耐... 都未同大家介紹佢TIM... 佢係我哋嘅小公主? 中文名叫"波兒", 英文名都係"Boyee"... 原本佢叫"Bobo"~!!!! "Boyee" 依家兩個半月大, 1月11日出世, 樣子可愛可憐, 其實佢係一隻活躍份子, 跳跳紥紥冇事停... 嘩~ 原來我已經打咗咁多字喇~ 咁唔再多講喇~ 去相啦~~~~~!!

八卦豬唔知望乜呢??


Boyee:「呢度係咩地方嚟嘅呢??」


Boyee:「好想入去睇下啊~!!」


Boyee嚟咗兩日就已經玩跳壁虎功.. 一啲斯文都冇~ 唉~!!


發呆中...


發現Cookie喺裡面, 狂抓!!


狂抓失敗.. 攰了.. 抖抖先!!




又一喜歡瞓廁所嘅小朋友, 不過, 影完張相就俾我趕返落嚟.. ^O^


[ 本帖最後由 波子 於 2010-3-29 10:19 PM 編輯 ]

一睇就知係女仔∼　:021:

波兒個頭圓6 6 好可愛呀
波子媽好叻~ 一日就曉識波兒用廁所

好得意呀>3<<
個樣超傻~~傻更更咁~~~
勁得意呀,頭圓圓,,真係成個波咁
點解前主人會唔要佢架,,真係勁得意>3<
希望佢健健康康,同cookie快d成為好朋友~~

咕仔 : 真係既..我都覺得自己好靚仔架"

豆腐 : 你好唔知醜喔"

波兒真係好靚女呀
比畢仔見到就大件事喇.....:023:

Cookie有朋友仔陪啦喎
#^11^#

係呢度睇唔到相相,不過遲D個好返去FACEBOOK睇LA
波兒係咪之前兔爸講果隻兔兔呀
可以做到COOKIE媽既囡囡,好幸福呀...

波.. 兒 波.. 兒.... 波 兒... 可愛小寶貝
忍唔住要唱下歌#^43^#

原帖由 barbarafok 於 2010-3-30 16:04 發表
波兒真係好靚女呀
比畢仔見到就大件事喇.....:023:

畢仔加波兒 ? 郞才女貌 #^65^#

原帖由 cordero 於 2010-3-30 18:57 發表
係呢度睇唔到相相,不過遲D個好返去FACEBOOK睇LA
波兒係咪之前兔爸講果隻兔兔呀
可以做到COOKIE媽既囡囡,好幸福呀...

佢就係早前兔爸講嗰隻囉~!! 佢同事真係唔知點攪, 見兔爸養兔養得得意, 自己又買嚟養...

原帖由 hh0 於 2010-3-30 23:54 發表
波.. 兒 波.. 兒.... 波 兒... 可愛小寶貝
忍唔住要唱下歌#^43^#

波兒:「咪媽都係咁唱俾我聽咖~ #^25^# 」

[ 本帖最後由 波子 於 2010-3-31 06:18 AM 編輯 ]

我病左一排，冇上到網，原來波子媽已找
到波兒陪cookie。
波兒你真的很可愛，你得兩個月大，但點解
咁大隻。