要點罰兔兔

我一直都對max採取放任政策，佢做錯野我只會抱佢作為懲罰(佢唔鐘意抱抱)

佢o係籠入面痾濕d草草，尿腳通屋踩，我只係捉住佢幫佢抹返隻腳。
佢跳上枱面，我都只係罰佢一個鐘冇得出籠玩。
但係佢而家變本加厲，上星期我已經成功教識佢唔跳上枱，但係隻兔口服心不服，最後都係o係我入廁所換衫半分鐘內跳上枱，咬爛半枝珍寶珠，跳落黎仲打爛成個玻璃水樽。今日返學遲大到就係因為要執佢d蘇州屎。
其他野都收走哂，就係個水樽，有成隻兔咁大，估唔到佢一對臭腳一踢就又爛埋。

累計佢識得跳上枱兩個月來，爛左三隻碗，兩隻杯，一個水樽。

我即刻將佢食緊果兜菜收走，第一次罰佢冇菜食。

到底要點先可以唔俾佢跳上枱呢？係咪要罰到佢冇得自由行，佢先識驚?
明明唔係次次都跳到上去，點解佢唔知危險係都要做呢?:050:

可以真係試下放個箱係台邊,等佢見到個位知道唔夠跳~

發現佢跳左要即刻捉住佢大聲鬧

鬧完要罰佢坐監~(坐監大概....半個鐘la~因為我定total係放養,所以坐一陣佢就知道係因為做錯事而被罰 - 無困開,但如果max係困開既,就坐耐少少 - 可以試下困佢既時候,你係個籠門口哦下佢....等佢有得睇你但又出唔到黎,先知自己做錯事)

教小朋友...係要慢慢教,要花時間~
而且max少過慣左放任既生活,係會難教d~

百厭既兔兔係健康既 !! (POSITIVE THINKING:066: )
不過我真係輕輕打BUBU PATPAT,因為佢之前有癬病係唔係都跳上我張床,
我怕交叉感染,所以必要時會打打.
我會比三聲既機會落返黎,唔落黎就捱一下,
呢個方法好快佢就識.
當然我唔建議你下下都打,不過如果係我,
打爛左咁多野,我一定火到捉住佢問:做咩野要打爛咁多野:069:
然後用阿凡達果種樣KE佢一下,我都要話比佢聽我都有情緒,
等佢唔可以成日做完唔可以做既野唔洗負責任.

依家BUBU都會跳上床,但一聽到123就會彈返落床,
有時候百厭,又跳上跳落示威話我知佢識聽 =v=a

原來各位兔友的兔兔都咁醒....MAX而家最高紀錄都係電視機頂. (但飯枱都OVER1米，佢先上梳化再上飯枱)...跳上碌架床實在係太英勇啦:056:

MAX都係放養左一個星期左右(冇限時間完全自由咁通屋走)....然後佢就開始放肆......

經提醒先記得MAX好似未試過咁自由....怪不得佢想造反啦#^62^#  佢出黎出到唔記得返入籠大便....到我抱佢入籠佢先送一座巨型屎山俾我...

果然兔兔唔教唔得...佢今日坐左12個鐘監...(我返學又遲好多返屋企)不過佢知唔知我罰佢架?#^32^#

就等我俾D顏色佢睇啦:051:

兔兔其實真係好聰明~

我隻兔兔一睇少陣就會衝入我間房捐床下底, 其實佢地都知咁做唔岩~佢一聽到我叫佢就係跑番出黎......
以前都會跳上個籠頂, 咁我就放D野係上面~佢試過2次跳唔到就放棄左~以後都冇跳LU~
電線都係啦~我將D電線套晒膠圈, 佢咬左幾個星期都發現咬唔入~就以後都冇再咬~
不過都係隻隻兔唔同, 我果隻就受軟唔受硬~又打PATPAT又坐監都冇用...仲會變本加厲添....

結果我每次都冇佢收~唯有拿走D野同埋"哦"下佢,
再同佢講: "咁樣係唔岩架~你乖啦~你唔乖冇人錫你架喇~係要乖先得人鐘意架嘛~"
再摸下個頭仔.......咁樣反而會變番乖D~#^13^#

[ 本帖最後由 iris 於 2010-4-1 01:31 PM 編輯 ]

其實係要即時對兔兔講NO, 唔好叫佢個名, 唔係兔兔以為叫佢個名係鬧佢既意思, 一定要即時講, 因為兔兔好冇記性架! 如果太嚴重就要趕佢入籠坐監講道理架啦!

如果我兔兔做錯野,我會好大聲罵佢罵佢罵佢罵佢罵佢罵佢罵佢罵佢......
罵到佢覺得我好煩為止啦, 每次佢一做錯我就罵佢, 令佢知道佢一做錯野就會俾阿媽嘈到暈,
咁佢慢慢就知驚嫁喇@@

XDD我鬧完佢之後佢會好開心咁飛起跳...比佢激死!!