幫助兔仔散熱-雲石

天氣熱，想幫兔仔散熱。
聽說使用雲石較散熱板好，請問雲石可到哪裡買及大概多少錢一塊呢?

Q兔有得買
好似百一蚊~
不過自己出去買一塊大既好似抵d~

我都見過Q-PXX有呀~~(一格格綠色雲石)


呀b屋企係用珠仔板所以冇比佢用云石，驚云石重得滯擲到珠仔板變形同埋佢好鍾意做兔筆袋，驚銀住肚仔……

以前用一條條鋁連成中間通風果隻(日本牌子)涼板，而家用緊ALEX涼板(一塊好薄的鋁版)…
我隻兔好鐘意係涼板度攤長黎訓同埋咬舊果塊涼版，咬到D貼紙同膠甩(換涼板的重點)，
所以換左ALEX比佢，佢而家好鐘意訓上去呀^^，感覺上成隻兔攤長都唔會頂住…間唔中自己掉位再訓過~~~

[ 本帖最後由 katy 於 2010-4-13 02:48 PM 編輯 ]

出去雲石店買記得叫佢地磨好d邊，唔好割損兔兔。

Q 兔 既價錢係出面買到大一倍, 不過記得磨邊

Q兔個塊都已經好重 ...

請問你知道邊間買會好啲/抵啲嗎?

ICIC~ 你覺得ALEX 涼板散熱功效好啲定雲石?

原帖由 RABBITr 於 2010-4-13 04:59 PM 發表
ICIC~ 你覺得ALEX 涼板散熱功效好啲定雲石?

我未用過雲石，所以比較唔到呀:054:
但係有涼板/雲石都唔夠，要用其他方法配合：如冷氣/冰種/風扇等

雲石好過鋁片,雲石吸熱慢,涼可以保持耐d.但鋁片吸熱快,兔兔躺在上面好快唔涼.

旺角砰蘭街,灣仔軒尼斯道都有好多雲石鋪,裡面有陳列各種雲石同標明每平方尺價錢,
價錢不貴,揀好石俾埋尺寸,佢地就可以計果價俾你,係石料錢加磨邊錢.
一塊佢地都會做,大概隔一到兩日有.磨邊錢間間鋪差不多,主要看石的價錢,
睇多幾間就格到邊間平d啦.

多謝你詳細的回覆^^

個人認為雲石涼過散熱板~

原帖由 seefun 於 2010-4-13 06:41 PM 發表
雲石好過鋁片,雲石吸熱慢,涼可以保持耐d.但鋁片吸熱快,兔兔躺在上面好快唔涼.

旺角砰蘭街,灣仔軒尼斯道都有好多雲石鋪,裡面有陳列各種雲石同標明每平方尺價錢,
價錢不貴,揀好石俾埋尺寸,佢地就可以計果價俾你,係 ...

其實係唔係比個size比佢,佢就會訂做比我﹖
如果係alex大籠(purple)大約幾錢左右﹖我怕我比人扼錢﹗:056:

俾個size佢,同埋揀埋石,佢會報番個價,價ok落單就得啦.
其實自已都可以計到幾錢的,譬如雲石每平方呎$50, 磨邊每呎$6.
一塊16 吋 x 12 吋的雲石 是 (16 x12)/144 = 1.33平方呎 , 即 1.33 x 50 =  $66.7 (石料錢)
再加上磨邊 2(16 + 12) = 56 吋, 即磨56/12 =4.667呎邊, 4.667 x 6= $28(磨邊錢)
總數就是 66.7 +28= $94.7
所以你度好尺寸,大概計下要幾多平方呎同周邊幾長, 就可計到.
佢地會係你面前計的,你可以再復數,不過應該唔會計多的.
我近期行過雲石鋪,雲石好似平左,$38/平方呎都有,行多幾間鋪格下價,
同樣的石唔同的鋪每平方呎價錢可以相差好遠,還有摸下的石有d涼d有d冇咁涼架.

[ 本帖最後由 seefun 於 2010-4-15 01:25 PM 編輯 ]