飲水問題

栗子剛到我家四天，店員已說她唔識飲水樽，要用盆盛水比佢飲，雖然每天都換，但我始終
覺得好唔衛生，同埋每次飲完面面都濕哂，可以用咩方法令佢識呢？:046:

唔應該用盆嫁!!!係咪水樽難飲????你試下比佢用下啦

試下換個水樽比佢飲啦, 兔仔應該要用架!

你有無試過比兔兔用水樽先?
我隻bb兔7星期大時第一日到我家巳經識用囉喎.
兔兔無理由唔識用架,請問你隻兔兔幾大呀?

係唔係個樽有問題..試下換樽...要洗小小錢試都無辦法...

其實用樽/用碗飲水都是牠們的求生本能,沒可能不會的..........多試幾個方法....如兔友之前所說的:用純橙汁(high)少少在飲水果個樽口位,牠聞到甜甜地,就應該會用到的。

栗子九星期大了，之前試過，但見佢無飲，又怕佢唔飲水，所以換了盆，今晚再試多次先。用果汁的方法，希望今次成功！:043:

加油...兔兔唔似狗仔識主動溝通通..但只要有耐性就一定會教得識

就係因為教兔兔比較要花心機

所以每當見到兔兔學會一件事,那種感動同成功感往往比教識一隻狗大...加油

我兔兔之前都係咁!
係寵物店明明見兔兔自己識得用水樽飲水,
但返到屋企完全唔識, 教左兩日都完全唔肯飲水.
開頭仲驚係買錯水樽, 定係個水樽放錯位.......好擔心..

之後兔協D職員教我,用香蕉皮入面抹下個水樽嘴,等個飲水位又甜又香!
拿住個水樽比兔兔聞下個飲水位, 掛好水樽再慢慢推兔兔去個樽度,
兔兔聞下聞下就會自己飲啦!

唔得就試多幾次唔好灰心呀!
其實兔兔都好鍾意飲水架!
我都係新任"兔媽"!
一齊加油呀!!!

[ 本帖最後由 optcrazytracy 於 2010-5-3 08:17 PM 編輯 ]

有個方法你試下得唔得
我上次將個水樽轉位
之後果晚芝麻冇飲過水...
我就比佢睇住我用手指從個水樽度囉水比佢飲
佢就知個樽轉左位 就自己去飲

用碗盛水係冇問題既
我以前去SPCA做義工
佢地都係咁教
不過怕佢打反個碗
兔爸兔媽有排清理咁囉...

十個開心呀！栗子懂得用樽飲水啦！！而且飲過不停呢，感動：）
謝謝大家的寶貴意見。:051:
可以睡得安樂了。:045: