親眼見到...比起見到報導更心酸...

我今日收工...同一名同事行出慈xx中心啦,出左門口冇一分鐘,就見到一個年約3,40歲既女人拎住幾袋細細袋同埋手揸一盒大紙包安怡望住佢既右邊係咁罵,初時我同我同事都冇乜反應,因為係個到成日見到d人自已同自已講野或者大叫,咁我地就八卦望下佢又同"乜野"講野啦,點知...原來係一個6,70歲既老人家,個老人家同佢差唔多高,都幾瘦,之後我就聽到個女人不停罵佢大約係話佢淨係識食,又好似話咩咩老人院,又話冇人照顧佢咁啦,又聽到佢講咩平時都放係到你都唔拎,因為佢把聲好"吧喳"又講得快,一味係咁罵罵罵,所以聽得唔清楚,我個時心入面淨係覺得"個阿婆好慘呀,年紀咁大,仲比人係街係咁罵,好似做錯野既細路仔咁...#^56^# "個阿婆冇出聲就就咁行,佢就係佢側邊係咁罵,我同我同事個時已經用平時聲浪細dd講個阿婆好慘呀,然後我地討論啦...我初頭估佢可能係佢奶奶啦,但我同事話一定係佢阿媽,因為佢地好似樣,咁我就話個阿婆好慘...之後我同事聽到佢罵佢既野,就估件事係婆婆唔記得膠袋,搞到佢地上惠康個d買安怡個時冇袋,然後就比個個女人係咁罵#^62^# 然後我同事仲聽到佢話個阿婆淨係識食,食又食得多,之後我地一路講仲一路轉頭望佢地,後尾見到佢將個盒安怡比左婆婆拎...仲繼續罵佢,真係好慘呀佢...講真丫...拎一拎洗死咩...洗唔洗斷手斷腳呀!唔記得拎個膠袋洗唔洗死先!人地養到佢牛高馬大,聲大夾惡,潑婦罵街咁罵自已,咩叫食又食得多先!難聽d講句!呢d人唔x都冇x用!#^62^# (真係好x嬲!)真係"鄧"個個婆婆心酸#^56^#呢d人實有報應!!!#^62^# #^62^# #^62^#

[ 本帖最後由 Miyako 於 2010-6-7 12:42 AM 編輯 ]

咩人黎咖...雖然我都有話過自己MAMI煩.但唔會一次罵咁多下,唔敢
同埋唔應該,講一句咁大把:054:
但佢真係太過份,因住俾天收#^62^#
我覺得唔係驚斷手斷腳呀佢,佢俾一個藉口自己罵個媽咪#^56^#
我唔信佢細過飲自己呀媽D奶飲得少..

其實, 雖然最終唔知道兩位係咪母女關係, 但係一個人對一個年長嘅老人家如此大罵已經係好唔啱, 即使真係老人家錯, 都已經一把年紀, 我相信佢都唔想, 至於, 食幾多呢個問題, 係人都要食, 那有食多食少嘅道理?? 講下個女人, 都年近半百, 自己都將會踏入呢個老人階段, 還唔懂得尊重老人家, 天理循環, 他日定必會得到如此嘅體驗, 佢就會明白今日自己嘅錯。

大家睇咗呢件事, 其實除咗談論個女人不對之外, 更應該從事件中以一面鏡去睇, 平時自己有冇咁對父母/老人家呢?? 唔一定係如此大罵, 就好像喵女所講:「我都有話過自己MAMI煩!」, 其實少少嘅不滿對父母/老人家發出嘅怨言, 已經等同以上女人對老人嘅唔尊重, 只係輕重嘅分別, 但佢哋嘅內心一樣會唔好過, 大家真係可以就這個事件去好好想一下, 平日自己對父母/老人家嘅態度, 希望大家都從中學會尊重, 珍惜!!

每一個人嚟到呢個世界無論任何年紀都應該得到尊重, 重視, 活得開心。

[ 本帖最後由 波子 於 2010-6-7 09:29 PM 編輯 ]

哩個世界真係有好多人唔識尊重人....

算啦, 呢d人將來佢d仔仔女女都係咁樣對佢咋,
到時咪又係佢自己受囉:051:
咁樣對d老人家, 就算點唔啱都係自己親人嘛 :050:

[ 本帖最後由 ping.tat 於 2010-6-8 12:24 AM 編輯 ]

太過分啦!!!
最憎d人"哈"d老人家...><
俾我見到我一定話番佢!!!
好憎呢d人
老人家係應該被照顧同愛
個女人老左個陣就知味道

婆婆都甘大年紀啦…重有得幾多年…有咩唔岩唔著咪就下囉
再講…婆婆食得多我唔覺得有咩問題
食得多証明距重食得…有食福…有幾多老人家年紀大左想食都唔食得
長輩應該尊重多d…更何況係老人家…