老公變了

養兔兔 Jacqueline 當初只是我及女女的決定, 老公沒有意見, 相處 n 咁多年, 都知他對小動物沒有感覺(不喜歡,也不討厭)。Jacqueline接回家整整一個月,他都沒有理會她, 直至這星期, 發覺老公開始變了.......

某天, 我回家時見老公已放工在家嘆冷氣, 嚇然見到Jacqueline也在廳內一起嘆。(平常Jacqueline會自己躲在房內吹風扇及挨冰種, 沒人叫她出廳她不會出去的)

昨天, 老公一回家, 就入房搵Jacqueline, 並問女女: 「老鼠呢?」(唔知點解老公係都要叫佢做老鼠:059: )

今早, 我送完女上學,15分鐘後回家, 老公已出門返工, 居然很細心的為 Jacqueline開了風扇!

老公開始變了做......兔爸:021:

haha^^ 咁咪好囉

恭喜恭喜,又多個人幫你手照顧兔兔

我姐姐... 而家會主動打開花花個籠摸下花花個頭仔丫~!!!#^51^# #^51^#

差不多一個月了，我啲家都都開始同佢熟，我買林B第一日，我爸爸第一次買馬嬴咁多錢(絕對唔建議賭)，所以佢果日都沒咩野話我，後來變成，每晚7點我未返屋企，我爸爸有時會打俾我，話隻兔仔好肚餓，叫我快啲餵佢，係我家姐有啲驚兔仔，但我全家都當佢係一份子:057:

原帖由 long~spirit 於 2010-7-8 11:31 PM 發表
差不多一個月了，我啲家都都開始同佢熟，我買林B第一日，我爸爸第一次買馬嬴咁多錢(絕對唔建議賭)，所以佢果日都沒咩野話我，後來變成，每晚7點我未返屋企，我爸爸有時會打俾我，話隻兔仔好肚餓，叫我快&#2187 ...

:060: 咁好腳頭, 你爸爸梗唔想餓親財神爺啦

原帖由 achers 於 2010-7-8 02:58 PM 發表
恭喜恭喜,又多個人幫你手照顧兔兔

我都想佢幫手...但又似乎妄想左d, 兔爸是大少爺, 完全唔做家務架:024:

昨晚老公臨睡前, 問了我一句, 令我好錯愕: 「老鼠餵左未呀?」

:050: 你地可能覺得呢句野好平常, 但對我來說就真係又開心又妒嫉.....因為, 老公從來都無問過我: 你食左飯未?  

佢真係錫jacqueline多過我呢.  jacqueline是我及女女一手一腳照顧, 老公無郁過手的, 點解會擔心我未餵架:050:

:053: 不過, 佢仲未肯摸未肯抱起jacqueline, 我要令他繼續變成一個徹徹底底的兔爸:040: :040: :040:

恭喜晒呀 :038:
咁都係的喎,如果自己身邊另一半or家人都願意接受(關注)兔兔,那感覺好開心的

好開心又多個兔奴:060:
我岩岩買豆豆o個時我爸爸都有o的微言,而家我爸爸都好鍚豆豆,仲成日問我"餵左佢地未呀?夠唔夠飽嫁?會唔會餓親佢地嫁?" :037:

有時天氣熱佢都唔想成日開冷氣,但佢又怕我地豆豆同小米熱就會開冷氣一齊歎:038:

其實你老公與jacq..之間一定發生了一些事情是你們不知道的,
例如你老公待你們不在時靜靜的去探望佢時,忽然比jacq..感動左,
所以對佢咁好,礙於面子,只能愛在心裡口難開,哈哈...講笑,
但聽到真的令人震奮...
:061:

原帖由 tiny_rabbit 於 2010-9-7 10:40 AM 發表
好開心又多個兔奴:060:
我岩岩買豆豆o個時我爸爸都有o的微言,而家我爸爸都好鍚豆豆,仲成日問我"餵左佢地未呀?夠唔夠飽嫁?會唔會餓親佢地嫁?" :037:

有時天氣熱佢都唔想成日開冷氣,但佢又怕我地豆豆同小米熱就會 ...

hehe~我媽咪都係呀~未養之前~成日話D動物好污租~
不過我拎JUJU返屋企，媽咪成日同佢傾計，為佢食野，我開冷氣都冇話我~~#^64^#

我媽媽宜家會幫我餵我隻兔兔嫁.話餓死佢啦.快d番黎啦!
點知佢餵左-_-;初初買佢番黎果陣.媽媽覺得晒錢.易死!但宜家都好錫佢嫁.

原帖由 小賢 於 2010-9-7 02:18 PM 發表
其實你老公與jacq..之間一定發生了一些事情是你們不知道的,
例如你老公待你們不在時靜靜的去探望佢時,忽然比jacq..感動左,
所以對佢咁好,礙於面子,只能愛在心裡口難開,哈哈...講笑,
但聽到真的令人震奮...
:061:

係囉...都唔明D男人, 鐘意兔仔有咩唔妥, 點解覺得好無面:059: