- 最後登錄
- 2016-7-5
- 註冊時間
- 2008-10-28
- 在線時間
- 488 小時
- P 點
- 1935
- P 幣
- 7119
- 閱讀權限
- 250
- 積分
- 1935
- 相冊
- 0
- 日誌
- 0
- 帖子
- 1522
- 主題
- 81
- 精華
- 2
- 記錄
- 0
|
樓上兔友答咗嘅我就唔答喇~ 我補充一啲我知嘅嘢啦~!!
首先, 本頁右上角有"養兔入門", 我建議樓主花時間去詳細睇下, 對你新手養兔有幫助, 而且入面有兔友推薦嘅獸醫及其詳細地址電話。
Q: 食物比例是7成草、2成蔬果、1成糧
糧要早晚各喂一次,每次份量約一茶匙
A: 草其實要無限量供應, 而蔬果等兔兔約六個月大先開始餵食蔬菜, 最初只可餵少量, 然後每次適當哋加份量。而糧嘅份量係啱, 不過, 切記唔好俾日本糧俾兔兔食, 因為日本糧內含味精, 兔兔食用會對其健康唔好。
Q: 我要等佢發情期到左,定係6、7個月大就可以帶佢去絕育呢?
A: 其實兔兔一般六個月大就可以帶去做絕育手術, 你可以帶兔兔去body check嘅時候問下醫生意見。
Q: 我屋企長期開冷氣..對兔兔會太乾燥嗎?
A: 長期開冷氣喺夏天嚟講, 對兔兔係好嘅, 因為唔駛怕兔兔會中暑, 但要留意室溫唔好太凍, 大約維持喺20-25度倒, 因為大凍好易會令兔兔凍病。
Q: 我想問下點解個底唔可以落木糠既?我見d鋪頭有用
(我第1日有用,第2日開始無用,需要用其他野鋪底嗎?)
A: 木糠對兔兔呼吸導唔好, 所以, 唔會建議用木糠, 而你見倒啲舖頭有用, 係因為從生意人嘅角度, 邊啲平就用邊啲, 跟本就唔會理會寵物嘅健康, 而且啲寵物多半好快俾人買咗, 而你嘅寵物將會長期住喺你家呢!! 咁當然你要俾最好嘅嘢佢啦~^^
如果兔兔仲未識去廁所, 你可以買尿片墊底, 但要留意兔兔有冇咬, 如果有咬, 咁就唔可以舖咖喇~ 咁就只可舖其他嘅墊料, 例如: 紙粒... 最好都係盡快教識兔兔去廁所。
Q: 兔兔唔未識去厠所,尿尿之後整到腳仔黃咁咁..但佢唔比我同佢抹,我可以點做?
A: 你可以用毛巾包住兔兔嚟抱, 等佢冇咁易反抗, 然後用暖水毛巾(要扭乾)幫兔兔抹腳仔。
Q: 梳毛要技巧嗎?兔兔唔比我梳毛,只比我摸,我要一路摸住佢先比我梳
A: 兔兔跟你回家冇幾耐, 唔好咁快就同佢梳毛, 你應先同佢建立良好嘅關係, 等佢相信你係一個對佢冇敵意嘅人, 先慢慢幫兔兔梳毛。梳毛要先逆毛方向梳, 再順毛梳, 隨咗你依家買咗嗰把, 你可以買多把排梳, 方便拆結, 梳腳仔同肚毛用。
Q: 我有一個草箱,但兔兔唔會挖入面d草食,我要放食物碗到先食
A: 兔兔因為喺寵物店一直都冇用過草架嘅方式食草, 所以, 可能未習慣用, 你可以用手拎住啲A草引導佢去草架挖草食, 通常好快就學會。不過, 長遠嚟講, 呢個草架會唔夠兔兔食, 你可以去十蚊店買掛籃做草架, 有時間你爬下之前啲文, 有啲兔友有POST過點樣自製草架俾兔兔。
Q: 我買左A草,將AT混埋一齊比佢食,但兔兔將面頭既T草挖開哂,只吃底既A草....
A: 兔兔多半都愛食A草, 因為A草香, 但因為你兔兔都已經四個月大, 所以, 一定要習慣俾佢食T草, 你試下每次將啲A草同T草大兜亂, 先至放去草架, 等佢冇咁易揀嚟食。
Q: 有網友叫我買雪種比兔兔,係邊到有得買呢?我問附近賣兔兔既地方都無
A: 如果你屋企係長期開冷氣嘅話, 咁就唔駛買雪種俾兔兔, 因為雪種係FOR一啲養兔但屋企唔係長時間開冷氣嘅時候用, 等兔兔冇咁熱, 不過, 如果你想買定放喺屋企以備你有時出咗街冇開冷氣用, 咁你可以去日X城買, 雪種係藍色梗膠嘅, 大約$10-$25, 視乎牌子同埋冰種大小。
Q: 同埋有網友叫我買木瓜丸,係邊度有得買?同佢講要木瓜丸就OK??
A: 只要兔兔有食足夠嘅草已經有助排毛, 木瓜丸可以唔需要餵食。
Q: 我隻兔兔尋晚用個鼻頂我隻手,大家知道佢大概想講咩嗎?
A: 可能佢想你摸頭仔。
Q: 佢今日舔我隻手,等於佢認得我嗎?
A: 可以咁講, 同埋亦代表佢唔抗拒你。
Q: 放佢出黎果時,佢會跑跑下突然間跳起,我上網睇過,咁係代表佢開心,係咪架?
A: 呢個就係兔友們經常講嘅兔仔舞, 係兔兔開心嘅表現。
Q: 同埋我隻兔兔超級鍾意企起身...網友話佢企起身係覺得危險,但我唔知我做左d乜佢覺得危險...我應該盡量避免做咩動作?
A: 兔兔企起身係因為八卦多啲, 如果佢覺得危險/驚係會呢埋或者縮埋一舊, 唔想兔兔嚇親, 最好唔好有突然嘅大聲, 例如: 間屋好靜, 你突然大力拍掌, 大叫... 呢啲都會嚇親, 但就不致令兔兔覺得危險。如果屋企開吸塵機, 兔兔多半都會驚, 仲會搵地方呢埋, 最好每次開吸塵前都話聲俾兔兔知, 同埋最好唔係佢瞓緊嗰陣, 咁冇咁易嚇親。
Q: 同埋尋日下午開始,佢成日圍住個龍跑同埋蹬後腳,係咪發脾氣呀?
A: 咁就要睇下你有冇做啲令佢唔開心嘅嘢, 如果唔係你就要留意下佢其實係咪兔女, 因為兔女喺四個月大已經有機會開始發情。
Q: 仲有佢近呢兩日成日fing個頭...係咪個龍太污糟?(我兩日洗一次)
A: 如果fing頭頻密有可能係耳仔有事(但我唔可以確定), 建議樓主帶兔兔做個body check, 因為兔兔喺買返嚟之前會接觸過好多兔兔, 有機會感染到細菌。
[ 本帖最後由 波子 於 2010-7-11 11:27 PM 編輯 ] |
|