又係問題,又係分享..真係好唔開心

媽咪唔鍾意我放隻兔仔o係自己房,話因為污糟,驚我有事.
同我同一間房訓,我又開冷氣,空氣唔流通會對我唔好
朝早放o係我房又會焗死佢
我朝早依家都開曬window啦.係放晚返黎開冷氣先冇開ja ma
之但如果我佢放出廳,屋企人又開到電視咁鬼大聲
我daddy又會o係廳度食煙,我真係好擔心我兔仔囉!
我平時放佢o係我房自由行,我小小動作都會嚇親佢

就算真係要放佢出去,都起碼等佢適應左環境先丫係咪呀.

岩岩我媽話我唔放佢在眼內,明知佢唔鍾意都特登要放兔仔入房

放兔仔o係房真係唔好咩??你地又放你地兔仔o係邊啊?

有時年長一輩都係咁諗~
我屋企人都係咁~一開始聽到兔仔~
就話會好臭呀..dirty..etc = =

我夜晚都係放房~
因為成身兔毛真係好熱~
最重要我都唔覺dirty~

不過最好就唔好同屋企人嘈~
其實你媽媽都係錫你姐
正如你錫你既兔兔一樣

我都係慢慢解釋俾屋企人聽~
一開始都有唔鍾意架!
不過慢慢佢地就會明架喇~~

要點解釋/-\
我真的不知道兔子同房如何影響我的健康
我日日都清潔嫁:050:

你兔仔放o係邊呀?

咁媽媽既說話都不無道理既
第一點係兔毛對人類既呼吸系統可能會有影響,
第二點始終動物同人既性質有唔同,  有時會有傳染病我地唔知道對人有咩影響
所以我地係街度都唔會同動物有好親密既接觸啦
不過兔兔係自己既, 當然會覺得冇事唔污糟,
但係媽媽心目中, 你先最重要, 況且佢未必接受到人同動物咁親密
所以你都要體諒下佢

你可以試下說服佢, 話兔仔睇過醫生好健康唔會對人有壞影響
又或者說服你爸爸去廁所先食煙 (哩樣野對全家人都有好處)

希望幫到你

我隻兔兔系放廳GE@_@
因為我間房差D連行都冇位行
加上我屋企唔系好嘈,我平時開大小小電視都比人話-_____-

其實兔仔對人影響真係好細, 主要係兔毛會令一些人皮膚或呼吸敏感, 每天用收拾及清潔房間, 每天用吸塵機吸毛, 問題就不會發生

動物不會有菌, 有就好大獲要看醫生 (動物看醫生比人貴), 所以要做好家居清潔, 其實人和兔都會好健康, 覺得動物汚穢, 只因為看見它的起居環境、身體毛色和屎尿所引起誤解

曱由等毒蟲對乾草無興趣, 只要兔籠每日都有執拾就OK

每日都換厠所墊料, 貴小小用有消臭功能的木粒, 就不會有臭味

兔屎是得乾淨的, 中國本草綱目會用某些品種的兔屎入藥, 可以明目

你讓媽咪理解及實行, 見你間房變乾淨左, 就能消除她的誤解

[ 本帖最後由 wm20472 於 2010-8-23 07:16 AM 編輯 ]

我都同意樓上所講, 唔好因為一隻寵物而跟家人嘈吵, 你媽咪的出發點原於愛錫你, 所以, 你更不能因此而嬲媽咪。樓主你要展現更多笑容, 每當媽咪為兔兔問題話你時, 如果你用微笑對應, 效果會更好。
人就係咁, 你愈為兔兔的事跟媽咪頂咀, 你媽咪就會愈討厭兔兔, 就會愈強硬要你搬佢走。相反, 你軟皮蛇, 次次笑笑口堅持, 解釋多D, 父母就反而不會執意孤行。日子久了, 他們習慣了就不會再囉嗦。

我家書房及睡房是相連的, 雖然兔籠放在書房, 但其實都可以說是同我一間房一齊睡,  因為為了慳電費, 我只開書房冷氣,  等書房的冷氣走埋去我睡房,  而D房門就關晒。

我都會覺得房間如果長期關晒門窗, 形成一個密室, 會好易滋生細菌, 所以, 每天有數小時不開冷氣, 打開晒所有門窗, 通通風, 當然會定時清理家居, 隔一段時間便會1:99漂白水拖地, 噴殺虫水(搬走兔先), 用醋洗籠......

我聽說過有些兔友(皮膚/鼻敏感的兔友)，她們會用空氣清新機的.......樓主，若你對兔毛敏感的，可以再自行打聽:054:

我的兔兔(Tinky)是放在客廳,但是我放佢出尼玩就在家裡的走廊同自己房
兔兔在客廳是會全日都開風扇同開窗
我屋企在山邊,所以好涼價
兔兔好relax

M.....其實不如你同屋企人商量下La
:070:

兔兔係我房養的..因為咁樣可以隨時見到栗子
就算兔兔而家有傳染病..我都唔會放佢出聽..
開頭我媽爸話到我咩粗口都出哂黎..我堅決話唔會煩到佢地.數用後~~~
我爸話我剪到兔仔d毛好醜,我媽有時仲會問我要唔要菜俾兔仔..
老人家有時係'文塞'd,我相信你家人都會改變..

我今日同佢講返野
大家啖氣都落左,佢都好似唔係好理我放佢O係房喇:}

不過佢始終都係有D擔心我

其實比多d時間~
慢慢會發現其實兔兔唔會傳染d咩病比人~
慢慢你屋企人都會愛上兔兔~

時間證明一切
只要你比心機照顧兔兔，得閒又同家人分享下佢D攪笑事/放佢出黎行下，態度就會軟化GA LA!

之前我都放過兔仔入房, 因為呼吸系統比較弱所以放左空氣清新機
如果你媽咪真係咁唔放心你可以考慮下買部機放埋入房
最好買D唔會嘈既機... 但都係按照經濟狀況考量..

我係放係個聽
開聽個冷氣架w0~
你可以考慮下~