[[有野想問~]]第1日返泥既小德>3<

係呢!!各位~~~~我有件事想請問一下,,兔兔係吾係食吾飽嫁?好似金魚咁
仲有牙~boby check最好去邊到嫁~~??
仲有牙仲有,,磨牙石長期放定間吾中放嫁?我隻兔兔係咁咬= =!好似好中意咁
希望有人解答~謝了

佢今朝11點幾返泥係咁震>3333<
嚇死我啦~不過我都知係正常既~
我係咁摸佢~希望佢吾好咁驚我~
過左一陣~佢開始冇咁震~
仲開始跳泥跳去~
佢泥左之後,,我就係咁搵兔兔既知識,,
可能會有人話我未知道兔兔既野就買左返泥",,
但其實佢係我男朋友送比我既生日禮物,,
我會好比心機咁養佢~吾會係一時既興趣!~

e家係晚上既9點,,兔兔好乖咁係我身邊訓左係到>3<真係好可愛~
有時佢仲跳上我個keyboard到幫我打字-____-"0r幫我係咁出網頁
真係吾知嬲佢定笑佢可愛好~哈哈





[ 本帖最後由 儀YY~~ 於 2010-9-13 01:11 AM 編輯 ]

磨牙石長期放定間吾中放嫁?我隻兔兔係咁咬= =!好似好中意咁
磨牙石應該吾洗放 因為食草戈陣係磨到牙!
磨牙石只係對前面d牙有用 對入面戈d冇乜用處

Hello 儀,

簡單講講BB兔既飲食比你知先...我唔係專家...哈哈...因為我隻兔兔都係由BB養起既...

年幼兔 (7個月以下, 7個月大為成年兔)
草草 (主食 - 佔70%以上，要無限供應，食得多就叻仔喇，草亦含高纖維可幫助腸既蠕動，同埋兔兔既牙仔係終生不斷生長架...兔仔食草既時候係可以幫助磨牙仔架...and then 兔兔每天都會為自己洗白白....會lam咗好多毛毛落肚...所以草草係好緊要架...)：
    幼兔應食"Alfafa草"...Alfafa含高蛋白質...係幫助BB成長架...成年之後就應該轉食Timothy草...可留意下【Oxbow】或者【Momi】呢兩個牌字既草...
    到6個半月至7個月期間就可以慢慢轉"Timothy"草草比佢
    * 注意：凡係轉食物都要慢慢轉 (意思係例如 80%舊/20% 新 > 60%舊/40%新 > 50%/50% 至 100%咁轉，大約用一至兩星期為適應期，避免兔兔唔適應或者唔鐘意食新野而唔食野)

兔糧 (次要)：
    應該揀for幼兔既糧比佢食【Oxbow】- Bunny Basic  15/23
    成兔糧 (7個月大可買Bunny Basic/T)

    成年前至一歲前可以每天早一次晚一次各兩匙
    到成年後就應慢慢減少份糧 (每天早一次晚一次各一匙)，讓佢食多啲草草

至於零食, 菜 & 生菓：
    5個月大前一概禁止食呢啲野，因為BB兔既腸胃仲未係好發達，同埋零食絕對係唔健康既，要記住唔可以心軟，都係為BB好架咋。
    6個月大倒可以比1 – 2塊菜葉比佢試試個滋味既...佢一定係覺得....正！
    咁到成年之後就完全可以比菜菜佢食喇...不過份量唔可以多...你預大概一個糧兜左右啦...提醒你呀...要留意兔兔會唔會食多咗菜菜唔肯食草草...因為菜菜其實都唔係好必要...記緊兔兔既主食係草草...如果因為兔兔食多糧或者菜而唔食草草...你就要自己調節返喇... 適合既蔬菜大約有菜芯...白菜...小棠菜...唐生菜...油墨菜...通菜 (浸乾淨啲小心有虫虫)... 波菜 (鈣質較高不宜太多)...西洋菜 (浸乾淨啲小心有虫虫)...芫茜/蕃茜 (只適宜給少量 = 1 – 2條)...羅馬生菜 (十隻有九隻一食必定愛上，不過好很貴架)等等...而不適宜既...紅蘿蔔 (係咪好奇怪呢...卡通片既小白兔就可以食...我地啲兔兔唔可以食得多架...最多都係一蚊銀咁大既size好喇....因為原來紅蘿蔔係含高糖份架...)..大約係西生菜...椰菜...辣椒...粟米...蒜頭...花生...薯仔等等....
    至於生菓....建議成年後先比...而唔可以比得多&頻密...一至兩個月一次...每次最多比一蚊銀咁大既size好喇...因為生菓含好高糖粉...兔兔亦不宜吸取糖份架...適合既生菓大約有蘋果...香蕉...梨...菠蘿等等...唔適合既...就多喇...如西瓜....蜜瓜....提子...檸檬等...
    至於零食...市面上好多兔兔零仔賣...千祈唔好心軟...覺得兔兔每天都是草..兔糧...或者最多比埋菜好悶...咁諗係唔岩架...因為市面上大部份既兔零食都含高糖粉...岩岩講過兔兔唔適宜吸取糖份...唔比佢食其實係為佢好架咋...我地要做一個有知識既兔媽媽呀...除非你肯定個啲零仔係健康小食不含糖份不含脂肪就可以比少少既....不過都係個句...兔兔主食係草。

水：
    水一定要係熟水同埋不熱亦不凍既水...每日都要更換水樽飲淨既水...

其他用品 (必要)：
- 兔籠 (for兔仔用個啲)
- 草架 或 草兜 (隨兔兔喜愛)
- 水樽
- 糧兜
- 廁所仔
- 墊料 (建議用紙砂，極力不建議選用木糠，因為木糠好多好細粒既粉，對兔兔既健康唔好，容易影響呼吸道)
- 指甲夾 (一個月剪一次都ok既...視乎返佢生長速度啦....不過剪指甲要小心喎，唔好剪到血管，要睇清楚慢慢剪，應該剪既部份係透明白色見唔到有紅色(血管)既部份)
- 梳 (如換緊毛應每天梳一次，如果唔係換毛時間就可以一星期兩至三次)
- 沖涼用品 (不必要的，一般兔兔都好乾淨的....佢地每日都會為自己洗白白...市面上既乾洗粉同沖涼液都可能含化學物料...所以係唔適合的...濕洗緊加不必要...因為可能兔兔會受驚 (唔習慣同埋驚風筒聲)...如果真係太污漕...可以用濕毛巾抹...真係勁污漕就會個盆仔開大約1 – 2cm暖水...浸下兔兔既手仔腳仔patpat好喇...同埋立刻抹乾&風筒吹乾透 (細風)
- 墊腳 (兔兔既手仔腳仔唔同貓狗有枕，佢地都要靠毛毛黎保護腳仔....所以如果佢乖既...唔周圍瀨尿...會建議你舖地毯或ABC墊...咁樣可以減低佢腳仔壓力...另外注意佢既體重呀...過重都會增加腳仔壓力...容易有腳瘡...不過其實兔兔有腳瘡都幾普遍...同佢梳毛時都可以同埋幫佢check下腳板底...如果有就帶佢去睇獸醫啦...

絕育：
   兔兔一般大約3 – 4個月大就可以生BB架喇...一胎可以2 – 10隻....所以如果唔係必要比佢生bb既都建議到佢成年後至一歲就帶佢去絕育...因為可以減低佢地中年或老年疾病既機會...如生殖器管疾病同埋癌症等...

教育 (哈哈，唔係供書教學呀)：
    初初教佢去尿尿可以用紙巾抹咗佢啲尿尿...然後放入佢既廁所仔到...比佢忍得自己啲味道...或者見佢想尿尿就推佢上廁所仔到...
    唔好比佢咬野...尤其是電線/電話線...兔兔最鐘意咬電線架...其實響我角度...我唔係心痛條電線咬唔咬爛...而係担心萬一佢真係咬咗啲有電既會電瓜佢...所以要做好安全措施...嘻嘻...收埋啲電線響櫃後面或者買啲膠圈返黎包下啲線吧...

嘩....勁長氣呀...講住咁多先啦...方間都有好多養兔知識搵到架...有排我地學呀:061:  ...或者可以上香港兔友協會網站睇下丫...或者有咩疑問都可以上黎問下人啦...呢到啲兔媽兔爸好好人架....希望你比心機湊大BB...要承諾養佢一生一世啊:048: ！

[ 本帖最後由 lotenten 於 2010-9-13 09:53 AM 編輯 ]

原帖由 lotenten 於 2010-9-13 09:47 AM 發表
Hello 儀,

簡單講講BB兔既飲食比你知先...我唔係專家...哈哈...因為我隻兔兔都係由BB養起既...

年幼兔 (7個月以下, 7個月大為成年兔)
草草 (主食 - 佔70%以上，要無限供應，食得多就叻仔喇，草亦含高纖維可幫 ...

多謝您牙~好幫到我^^~
咁點算牙,,我e家買錯草草~e家換係吾係都要慢慢泥牙??:050:

買咗Timothy草呀???
一係你睇下出讓或者送比人啦...
盡快買返Alfafa比佢食...
因為幼兔都唔係咁適合食Timothy...

我facebook係Samantha Lo ([email protected]) and Blog http://hk.myblog.yahoo.com/blogforbobo

可以交流下...！:009:

原帖由 lotenten 於 2010-9-13 01:54 PM 發表
買咗Timothy草呀???
一係你睇下出讓或者送比人啦...
盡快買返Alfafa比佢食...
因為幼兔都唔係咁適合食Timothy...

我facebook係Samantha Lo ([email protected]) and Blog http://hk.myblog.yahoo.c ...

好多地方都冇Alfafa買><:050: |
係吾係一定要專門賣兔兔既地方先有嫁??:050:

ps,加左您fb了~我係Moon Lee

[ 本帖最後由 儀YY~~ 於 2010-9-13 06:17 PM 編輯 ]

原帖由 儀YY~~ 於 2010-9-13 06:16 PM 發表

好多地方都冇Alfafa買>

去兔協買

原帖由 long~spirit 於 2010-9-13 08:51 PM 發表

去兔協買

只係兔協先有嗎??:056:

其實好幾間鋪頭都有得賣, 而且買夠指定金額可以兔費送貨...
但不建議係金魚街個幾間買, 佢地會游說你買好多無謂野+對兔兔冇益既野~~

建議去兔協買啦~ 可以幫到D 被遺棄既兔兔
如果係兔協買, 買夠$300佢地都會送貨丫~~~

好CUTE呀!係咪買番黎架?=)