有關兔協領養

想問下有無人試過係兔協領養呀...
我申請咗領養...佢打電話俾我叫我去做兩次義工，要做啲咩架？難唔難做架？
如果兩個人一齊去做，係分開做定一齊做架？因為我同媽媽一齊去，我怕佢應付唔嚟...
仲有...想知其實兔協啲小朋友識唔識去廁所架？我見兔協啲籠裏面都無廁所既...

其實是去幫d兔兔清籠.
同時認識一下如何去照顧兔兔.
你和你媽媽一齊去當然會是一起做的
如果牠的籠內無廁所的話,那你領養牠回家後就要自己教導牠上廁所了.

兔協有D兔兔都已經識去廁所~~
如果, 唔識可以帶左兔兔返屋企之後, 再教佢~!

兩個人去一齊做更好, 冇咁吃力~!
個時我自己一個去, 清晒尾房所有籠, 都好辛苦~~

多謝樓上解答...
其實我係想我媽咪都識得去照顧佢啫...
怕有時工作太忙, 諗住屋企多個人識睇住佢會好啲
係呢...想問下係咪要清潔好多籠架？有無數量可以提供下,有個心理準備都好吖.
同埋我申請領養個隻都有成幾歲大, 會唔會教唔到佢去廁所架？

唔洗太擔心!
要睇下兔協職員安排你清潔那一房間而定的,
我做的時候都係清潔尾房的.你預大約清潔十至十五個籠啦(無記錯的話)
上廁所的問題你帶兔兔回家後慢慢教就得了.
好奇問下你申請領養左那一隻?
我在兔協的領養區內見到好多兔兔都好可愛的.
如果每個想養兔的人都像你一樣去領養,
咁兔協d兔兔就幸福了:063:

[ 本帖最後由 twpig 於 2010-9-15 07:08 PM 編輯 ]

原帖由 twpig 於 2010-9-14 09:06 AM 發表
唔洗太擔心!
要睇下兔協職完安排你清潔那一房間而定的,
我做的時候都係清潔尾房的.你預大約清潔十至十五個籠啦(無記錯的話)
上廁所的問題你帶兔兔回家後慢慢教就得了.
好奇問下你申請領養左那一隻?
我在兔協的領 ...

其實我之前養過一隻架啦...七年啦...不過佢上個月去咗彩虹橋
好唔慣屋企無咗佢, 見到佢啲野都好唔開心...
咁咪諗住照顧過另一隻囉...但又唔想去買...
因為見到啲兔仔俾人遺好慘呀...所以咪去申請領養囉...
我擇咗brenda, 貪佢夠痴人
只係怕有時工作太忙...未必有好多時間陪佢...
不過我總算俾到個家佢...因為我屋企人都幾喜歡兔仔

清理兔籠其實好易, 手板眼見功夫, 如果一向在家有做開家務, 即拖地.掃地.洗廁所....咁就一定唔覺係辛苦。

相反, 如果屋企係由工人做家務的, 平時在家un un腳的大少爺.大小姐, 就一定覺得好辛苦囉。

照計你養左7年兔兔 清籠這些應該難不到你啦
同埋屋企人去都好呀 萬一要去旅行
屋企人都可以代為照顧一下 吾駛住寄宿吧