急: 兔仔亂痾尿, 點算?

我隻兔女起兔協領養番黎嘅, 已經絕育. 一直都係鐘意痾尿起個厠所邊, 佢明明就係隻腳企咗起個厠所度, 但偏偏就係痾尿果時頭向角落頭, 尾向出, 但佢又識得痾屎果時頭向出尾向入架喎, 真係俾佢激死!

我已經tum又試過, 鬧又試過, 佢都仲係咁.  每次我一見到佢咁樣痾, 我就會即刻拎返佢個pat pat向入面, 然後鬧佢, 用D厠紙sock走D濕, 然後放果D厠紙入起佢個厠所度, 再輕輕手嘳一野香水, 等果度無左D尿味 (因為我有用尿片, 所以無得係咁用白醋抹), 但係佢都仲係咁!?#@$%*

好啦! 我放好咗佢個pat啦, 哈, 佢又唔痾尿啦喎! 終之佢個厠所就永遠都係乾身嘅, 出面其他地方就總係要度度濕D嘅, 哎..... 佢隻嘢, 如果我成日睇實佢, 佢豈不是一直忍尿, 直至可以離開個厠所痾為止?! :056:

平日我係舖晒成地都係草俾佢自己食, 不過有D兔友話自己隻兔以為果D係墊材, 所以至痾野落去, 一用草架放起就無再周圍痾, 於是我又試吓啦, 點知都仲係咁!???????

佢有腳枕問題, 我有擔心過佢會唔會係個腳枕開始變緊腳瘡, 所以痛痛, 於是我又試吓攞開個厠所鐵龬網, 可惜佢一樣都係咁, 都唔知係咪要同我作對!!!!!!! \ . /

我唯有起籠底加尿片, 不過佢會wah走塊嘢, 所以我要次次都用雙面膠紙chee好至得, 真係好麻煩, 雖然用咗尿片, 但係每當我用手禁落去, 其實塊嘢都仲係會有少少濕滲出嚟, 於是如果我起屋企, 我就會即刻再用厠紙sock走D濕, 同時間, 我除咗用尿片之外, 我會再起上面用紙貓砂, 不過唔知點解, 就算我做齊晒咁多樣嘢, 每次佢痾完尿, 我都仲係會聞都陣尿味, 點解架?

點算好?

我家兔兔比妳家的乖得多,每天早上當我清潔完廁所,兔兔就會自動自覺的跳上去便便尿尿,見佢咁乖我成日都忍
唔住手即時比兔糧佢食,不過間中都會在籠內尿尿.....

同埋想講三角形廁所真係太細個了,好難怪兔兔成日柯唔正,都係買個長方形大個d好.

[ 本帖最後由 天才文仔 於 2010-10-4 04:30 PM 編輯 ]

我覺得你換個廁所實際d, 你個廁所咁細好難怪佢會對唔盡!

原帖由 phyllisiloveu 於 2010-9-30 04:05 PM 發表
假如這個新方案可以行得通, 我諗我會買D size 大些少嘅巾巾或者人用尿片.
我係好認真架!:060:

你有冇試過剪開d衛生巾睇過? 入面有d吸水珠.
如果你隻兔抓爛左d衛生巾, 食左d吸水珠落去咁點算呢?

你可以換一個大d既方型廁所, 如果換左都係冇改善,
咁即係佢學唔識去廁所.
唔係隻隻兔仔學得識去廁所嫁!
唔識去咪由佢囉.

換個大既方型廁所先有機會解決問題

衛生巾佢係好少機會抓爛嘅, 因為我知道佢通常會抓邊個位, 而嗰個位係無衛生巾嘅一邊, 嗰個無衛生巾嘅位淨係得尿片, 所以塊尿片就反而俾佢一嘢就抓到穿晒! 於是到咗而家, 我已經知道佢一定係會咁, 我就起佢一定會抓嘅果邊嘅尿片度, 用透明封箱膠紙chee起上面.

至於衛生巾, 佢從來都無抓爛過, 反而:062: 我發覺仲有另一個好處, 就係我可以見佢整污漕一塊就換一塊, 咁就方便得多:070: , 至於塊尿片, 我可以一個禮拜換兩次都好夠.

我暫時仲考慮緊係咪真係有需要買一個大D嘅正方形厠所俾佢, 因為...

第一: 我睇佢去大係完全無問題嘅, 佢係完全可以痾到D金起正個厠所入面嘅, 佢只係開細果史先至痾起個厠所出面, 個厠所差唔多永遠都係乾嘅! :056:

第二: 如果佢去厠所痾嘢果陣史, 佢肯行入D黎痾, 其實係一定可以痾得正起個厠所入面嘅, 但係佢次次痾親尿都係隻腳chai住個厠所邊, pat pat向出咁樣痾, 咁即是就算我俾個再大嘅厠所佢, 只要佢一日痾親尿都係唔係行到去個厠所入面黎痾, 佢都係一樣會痾出界!:050:

咁你地話啦! 我究竟係咪真係要買個新厠所俾佢, 定係sock性同佢一齊share D衛生巾用就算啦, 反正佢都係女仔, 大家一場姊妹, 無計啦! :033:  :038:

凡事冇絕對既, 唔通到佢抓爛塊衛生巾, 食埋落肚, 你先理佢咩?
屎識係廁所痾. 尿就唔識係廁所痾. 咁即係佢唔識去廁所囉.
你反正都係用尿片je, 做咩唔買塊厚d吸水力高d尿片呢?

講真... 不要見怪
我真係不太明白樓主的想法 :056:

我意見係....pls買個大厠所
同埋唔好再用衛生巾.... -口-
尿出界咪大厠所+尿片係籠底
我覺得努力教是有一定既成效
如果係我..我忍唔到自己既寶貝訓係d又尿又屎既尿片or衛生巾上面
你仲話一星期尿片換2次好夠?.? 我寶貝識去wc~我都要一日換一至兩次啦!
講咁耐..唔明你點解一定要用可能俾佢食左唔得既衛生巾..真係令人驚訝

我都唔明樓主諗乜lor,
人地design衛生巾係俾人用,唔係俾你咁用,
養動物就應該用返適合佢地用既野,
口口聲聲話鍚佢,兔兔o的習性冇人清楚,難保有一日佢真係食落肚
有個兔友隻兔都食左成條膠 bra帶,有乜唔得呀,
你咁玩野, 咁你以後唔好衛生巾,你用動物尿片算啦,
反正對你黎講都係一樣既o者 :052:

囧...
咁痴法, 痴2包都買到個新廁所比佢試...

不如比佢試下, 睇下佢係鍾意要邊尿尿定係唔夠位比佢尿尿...
如果佢真係鍾意咁, 試下將新同舊個廁所拍埋比佢?? [我唔係好知兔仔個籠幾大. 所以諗下GA JA]#^5_002^#

呀B成歲女久唔久都尿出界, 話佢又"胡"我地. 其實佢都冇心ge, 佢以為上左去大小就係岩... 可惜佢個pat pat向左出面呢#^31^#

其實佢地只不過個細路仔, 佢識跳上去廁所已經好叻. 至於手尾.....有時候唔認做兔奴都唔得~~ hahahah#^30^#

[ 本帖最後由 katy 於 2010-10-5 03:02 PM 編輯 ]

原帖由 katy 於 2010-10-5 02:51 PM 發表
囧...
咁痴法, 痴2包都買到個新廁所比佢試...

不如比佢試下, 睇下佢係鍾意要邊尿尿定係唔夠位比佢尿尿...
如果佢真係鍾意咁, 試下將新同舊個廁所拍埋比佢?? [我唔係好知兔仔個籠幾大. 所以諗下GA JA]#^5_002^# ...

冇錯,我當初用左兩個月去研究點教豆豆去廁所,成日轉o的擺位,
迫迫下佢宜家已經可以唔駛迫住佢,
佢係第個位食完草都已經識返去廁所度去,
有耐性的話不如唔好養,
o的小動物唔係一帶返黎就乜都識,人都唔會啦

我果隻波波 都吾識去 最多汁多幾次 你要得佢就預左嫁啦 吾可以埋怨嫁wo  比d 心機好過啦 :002:

我呢隻兔兔係無門牙嘅, 所以絕對唔洗担心佢會咬爛D巾巾.

你係咪屋企d巾巾多過頭先咁痴法.. haha.
我隻兔都有時all左出去, 而家刀覺得換個大size d 既廁所係至實際 ! #^39^#

用媽巾:010: ...會唔會貴咗少少咁呢:017: ...比啲心機陪下佢啦...會唔會少時間比佢...佢發皮四咋...比多啲時間留意下佢...見到佢準備/想去殊殊就推佢上廁所啦！
一個星期先換一兩次尿片？會唔會唔係咁衛生呢？唔通真係用衛生巾會衛生過每日換一次尿片？實在太唔化算喇！
同埋你兔兔用個款廁所真係太細個喇...買個大個架啦...起碼要比到佢成隻兔企得到...其實有時可能兔兔嫌個廁所污漕...你諗下...其實佢地係好接近地下...可能佢自己聞到啲尿味都會唔舒服...
另一個建議就係舖多張尿片...即係1次舖2張...咁就會面頭個張佢抓穿咗都有底下個張索到！
你咁唗啲衛生巾...遲早用到你窮...用窮你你會唔會唔鐘意佢架？:009:

[ 本帖最後由 lotenten 於 2010-10-8 03:19 AM 編輯 ]

問題已解決, 請往http://mini-house.info/viewthrea ... mp;page=2#pid121657