毛毛真係學識去廁所????????

最近毛毛好似識去廁所,好似囉~:056:
點解咁講呢~等我詳細咁講下啦~:041:
話說一開始,睇晒所有點教兔仔去廁所嘅OST~
金眼火眼咁睇實佢中意去邊個角,
睇下睇下兩日都係果個角,買左個三角形廁所俾毛毛~
心諗無死啦~就放個廁所係果個角~
點知個衰女包當左廁所係睡房:046:
之後又係第二個角....:077:
同兔媽研究左好耐,會唔會係個廁所唔夠味呀~?
定係個廁所有蓋唔好呀?
定係個廁所唔夠大呀?
好多假設,都試左好多方法,一亂柯就話佢,洗籠,用消味劑,用醋,咩都用過晒:044:
都係唔得....:043:
但心諗,唔可以放棄!!!:052:
問左好幾間寵物店,紅XX呀~Q-XXX呀~ZXX呀~I LOXX X呀~
各路高手教嘅方法,小弟都用過晒,得出:"俾D心機教啦~":068:
之後係我返工路上睇到一間寵物店,X奇XX小品~
個店主有幾分似SO C黃...:027:
之前上網見過有人話呢間鋪D人好串,又惡,又無禮貌,又點點點咁...:065:
但係...估唔到佢教左我好多野~:061:
由點放個廁所到點放D草到俾D咩兔兔食到點幫佢檢查都教埋~!!:051:
我不得不大叫一聲師傅~!!!!:010:
佢教我買個長型廁所放其中一邊,之後唔好用草架放晒D草係地度,毛毛一食草就推佢去廁所~
我果刻突然諗起:"不要讓父親活在廁所"嘅廣告...:066:
過左2日,毛毛明顯係乖左DD,有時我係度佢都會去廁所柯尿食草~(好似怪怪地...):025:
當然~有時都會去另一邊...
如是者有一日心血來潮,無啦啦買多個廁所2號,放埋另外一邊~!!:057:
姐係一邊一廁所,中間堆草同糧兜~
過左幾日,我發現我輕鬆左好多~:032:
每日只需要早晚清理廁所2號就得了~:061:
但咁樣算唔算叫識去廁所呢...:029:
有諗過拎走廁所1號,但毛毛鬼死咁愛佢...一拎走就發顛:022:
但廁所始終都係網底,驚佢訓得多又有咩腳倉咁,所以我係廁所1號上面鋪左塊布~
依家毛毛淨係去廁所2號柯,但會係廁所1號訓...:008:
但都係果句啦~
毛毛咩樣真係叫學識去廁所???:077:

原帖由 crystal_xd 於 2010-12-30 12:28 AM 發表

佢一去訓你就點下佢個頭囝講no牙吾準.
一見到就講.一見到就講.
次次講完之後都要抱返佢出黎.
同佢講吾准去廁所訓教教豬嫁.
試下呢個方法得吾得啦.
因為我之前都試過行得通.
旦系吾知用系你既兔兔度行吾行得通 ...

好啦~ 我會試下~
可能個廁所有佢D尿...
佢覺得安心D

咁我芊芊都吾錯.
黎左屋企三日就識去廁所啦
雖然間中有幾粒屎屙出界...
但尿尿就實係廁所lo...

記得有次個廁所清理完
忘了固定好佢.
佢都係屙係果個角落
好乖#^65^# #^65^# #^9_003^#

我demon教左半日就開始識...第3日就完全識去廁所尿尿...
不過屎屎就.......算吧啦`唯有我勤力d去執~

睇黎好多兔爸兔媽都係教刑柯尿,但屎屎周圍飛~:073:
又有人講話教兔女學去廁所難過教兔仔~?:026:
咁毛毛都算係叻女喇~:031:

比比一入伙就識去廁所(只錯過一次), 好難得
但最近轉用草盒後, 開始發脾氣亂尿
無辦法之下轉返用草架, 之後就冇再錯
(兔奴心聲: 公主, 你中意草架出聲丫... 就算發脾氣都唔好玩尿呀 #^20^# )

目前仲係好努力教緊佢屎屎, 目前進度50%
教法都係係佢面前執起, 俾佢睇住我放入廁所
雖然兔奴明白屎係冇得管, 不過都想公主大人移一下玉步... 唔駛兔奴放工係咁執

下~唔用草架又亂柯~??:046:
毛毛用草架好似食得好辛苦咁,又有人話唔好用草架好D,驚佢卡到D牙仔同手仔~
所以我今日轉左個草兜俾佢...食得易D~
希望佢唔會亂柯啦...:056:

屎屎真係冇法~囝囝係一路食一路痾~
又冇理由要佢企上廁所食#^19^#

但好多人教都係係佢食野嘅時候推佢上廁所咖啵~

旦系其實屎蛋橫飛都系一件好幸福既事牙:057:
好過冇屎屎牙,冇屎蛋就慘慘啦...:042: