打完之後post唔到, 又要打多次#^56^#
首先我唔係鼓勵比兔兔生bb
話說我波波同桃桃係分開住
用籠+欄(2尺4,白色一塊塊戈隻)
某一晚我抱桃桃出黎梳毛毛
點知波波跳左出黎...
桃桃又從我對腳跳走左
波波就un桃桃
我即刻拎開波波
我隻手就賴野...
戈晚開始我就做定功課,搵定主人啦
其實桃桃大肚時性情冇乜變
係忟左dd囉
同埋佢中槍多左,唔知係咪肚仔頂住#^64^#
~21日我就摸到佢肚仔有粒粒
同感覺到b踢我...
~28日我就放左個盆俾桃桃
同幫佢剪指甲
但奇怪地我一個月冇幫佢剪,佢d指甲都冇乜長
可能係營養俾哂bb啦#^65^#
{生bb}
第32日,桃桃朝早9點開始擔草
11點開始拔毛
擔擔下又入個盆度試下岩唔岩位
抖下擔下,都知佢攰知佢辛苦
但為左兔bb,佢真係好努力
佢用左我半包momi #^4_002^#
完全冇諗過要用咁多草築巢
3pm,桃桃坐左入個盆度
一路lam一路lam
我就靜靜地陪住佢 (其他兔兔未必肯架,但係桃桃好信任我#^80^# )
~15 mins, 桃桃離開左個盆
我就即刻影可愛b
一,二,三,四,五! 有5個b呀
影完d b都捐哂入毛毛=.=
每一早我都會去睇下bb有冇飲奶奶
發現原來我桃桃一日會餵3次奶#^52^#
咁我都唔洗擔心啦
bb大約2-3日開始生毛毛
7日全身都有毛
11日開左1邊眼仔
12日開哂2邊眼仔...仲可以爬出籠
我見咁就remove個籠,換q兔欄(個3尺欄太闊)
點知佢地都捐得過...去左搵波波爸(已絕育,但未夠1個月唔同得桃桃玩)
波波好鍾意bb,成日lam佢地
lam哂5隻就同佢地一齊訓#^67^#
而桃桃呢,生完幾日都係得10度
我晚晚開暖風機俾佢,見到就幫佢cum被
毛色方面,佢大肚時d色已經差左
生完bb d毛毛嫰返,d色都靚d
飲食方面,無限alfalfa草+糧
佢d黃金變到好大好大
iris廁所隔住左d黃金落唔到去-.-
so far bb3個星期大
隻隻都好健康好活潑
仲識上廁所尿尿同屎屎#^66^#
波波眼仔係深啡偏黑
桃桃係灰灰地又唔係好明顯
但係有2個b係灰藍眼呀#^80^#
好靚呀=3= (espresso & cinna)
政府派錢兔b都受惠架
6千蚊全數撥入兔兔基金 #^79^#
岩岩好夠5個b絕育呀
之前講過有幫兔b搵主人
其實主人就係我
有幾個fd問過我可唔可以俾隻佢養架
但係我邊捨得喎!
其實大家都可以睇相對比下街舖賣既兔兔足唔足月...
係forum度我都見過有人問兔兔生左bb點算好
如果真係發生"意外",希望兔主人爬好文睇好書做足功課
如果係冇bb咪當學多d野囉
我打呢篇文出黎,係為左俾各位知道兔兔生bb既故事
隻隻兔兔性格唔同,我桃桃所經歷又未必同你兔兔架
以下係俾想兔兔生bb既主人睇
唔好開post問,搵配偶交配生bb
兔b都係生命,值得我地尊重
兔兔生bb一胎可以有12隻
兔媽媽亦有機會難產死亡
呢d意外你可唔可以承擔,可唔可以接受?
兔媽媽身體會變虛弱,你捨得啦?
絕育方面我當1隻1千,你afford得起嗎?
草方面可能你仲俾得起
但兔兔生病時,可唔可以拎一筆錢去醫佢?
你會唔會俾d兔b朋友?自己留返1-2隻?
咁樣同棄兔有咩分別? 生左出黎又唔照顧佢
你呀媽生左你出黎,係咪會dum你俾人揍大呀?
如果你想兔兔生bb係為左睇bb既,你搵我我俾你睇兔b相
如果你只係想屋企多d兔兔,你去兔協領養啦
[ 本帖最後由 berki 於 2011-3-6 01:56 PM 編輯 ] |
|
分享
收藏
支持
反對
