宜家天氣開始熱,所以都出動左風扇同冰種黎幫兔兔降溫!
因為自己試過兩款唔同既冰種 發現唔係隻隻都好用!
所以想係到分享下
(以下只屬個人意見)
我未試過用水樽雪冰 因為覺得太大舊! 圓碌碌咁唔知搵咩放!
第一款
我試過用以下呢種冰種
認為凍既時間唔長,亦都唔係好凍! 只係涼涼地咁..
keep既時間唔長 所以好快就會無涼既感覺
如果唔可以長時間開冷氣既,呢個都可以試下
第二款(推介)
呢款冰種我係兔協買既 $10一包!
我覺得呢款冰種十分好用!!!
呢款冰種keep既時間好長 亦都好凍!!
我試過用呢款放係個盒到俾兔兔用,由7am到6pm 拎出黎仲可以摸到有冰塊!
買返黎個陣只係一包野 入面有d粉咁.
買到返黎只要加水 去到你想既水位(佢個水位顯示出500ml同700ml)
加到你想既水位之後 就搖下個袋,等d粉可以溶係水到.
過左陣,就會摸到d水係啫哩既水感.咁就可以放入冰格雪咖啦!
另外仲想推介下時間制
呢款時間制我係IKEX-宜XX俬度買既 我記憶中好似係$70~80兩個!
其他地方我都見過有得賣,不過好似比起IKEX貴..
因為長時間開住同一樣電器會令到電器過熱.利用時間制就可以令呢個問題消失
呢款時間制好容易用!
時間制上面既數字就代表時間,7am=7 2pm=14..
如果你開個陴係7am,你就將佢個箭咀扭到去7
如果你想佢2pm-5pm都開住既 就將14-17既制禁落黎
之後就將佢側邊既紅色制推向個鐘形公仔到 佢就會根據你所設定既時間自動開關電器.(禁左落黎就代表你要佢個段時間開,如果無禁,咁佢係個段時間就會自己熄)
記住 扭完時間制要開返電器!!!
如果你長時間都開住 你可以將紅色制推向另一邊!
[ 本帖最後由 wanga113 於 2011-4-19 06:41 PM 編輯 ] |
|