兔兔唔食原本最愛嘅兔糧, 係咪有病?

兔兔唔食原本最愛嘅兔糧, 仲打開個籠都唔走出嚟, 成日好似唔想yuk咁, 係咪有病?

用兔糧都引唔到佢出嚟, 結果硬抱佢出嚟, 俾兔糧佢食, 佢竟然食咗兩啖就唔食! 我好擔心.....

有冇便便呀??
唔食糧都幾大件事架...
你book定e生先啦..

會不會你轉兔糧兔不肯食

除左糧之外
兔兔有冇食草先??
如果兔兔草又唔食 便便又冇
連最鍾意食既野都冇胃口

就請你盡快帶兔兔睇醫生了

之前正賢都係咁..
我一訓醒見到佢冇食糧,
草又冇咩點郁過,
淨係縮埋左係個籠度,
便便更加係一粒都冇..
之後我即刻book e生,
咁樣正賢先可以生存到而家咋..
e生話遲一日睇,兔兔都會去左彩虹橋架喇~

有無便便？
便便大粒定細粒？
佢有無出黎行？會唔會變得死氣沉沉？
食草果方面有無少到？

如果食草無問題，會出黎行，便便有但細粒左；
咁應該係你俾得太多糧佢食啦。
食得太多糧影響消化，會令便便變少都太滯唔多食糧。

你介一兩日糧只係俾水同草佢食應該就無問題嫁啦。

但如果係完全無便便，無食慾，咩都唔中意食；
同埋經常唔中意走動。咁即係佢條腸仔出問題啦，
真係咁不幸有呢種情況既話，
就奉勸你即刻同佢睇醫生；
如果唔係晚左一日，佢都會與你說再見的了。

兔仔腸停可大可小，一定要快ｄ睇醫生先得。

[ 本帖最後由 小穎 於 2011-4-20 12:51 PM 編輯 ]

今朝我未等得切你地覆我, 我就已經lala聲走咗去珍禽異獸度搵Dr Tiger啦, Dr 話佢可能係我轉草時無low番前一包草嚟等佢適應喎. 驗咗血, 知道D器官暫時無事, 可以淨係餵草粉都得.

平時我係隔一至兩日至俾佢食一次兩個湯匙咁多嘅糧, 物以稀為貴, 所以佢平日淨係聽到膠袋聲就已經起勢跑出嚟要食, 不過今日竟然無反應. 另外, 佢D便便係少咗同細粒咗, 同時亦都唔見佢有乜飲水同食草.

雖然醫生淨係話要我每日餵至少五次草粉俾佢, 但我見佢連水都唔飲, 我就連水都餵埋, 不過每啖好細啖咁餵, 哎..... 聽日我仲要返工, 好彩老細俾我帶埋佢返公司照顧咋, 如果唔係, 都唔知點算啦.

仲有, Dr話原來就算係同一個牌子嘅草, 但唔係同一包的話, 都可能係唔同嘅收割期, 唔同果糙嘅草, 味道都會有少少分別, 所以每次要換另一包草果時, 一定要預草蛋新果包草low少少起舊果包草度俾佢食, 等佢可以有幾日時間適應吓, 咁樣會好D.

當然...菜都有分時令同唔係時令啦~
所以買草真係要睇清楚D草草靚唔靚

BTW 你老闆俾你帶兔兔番工真係超好
不過你小心兔兔去到新環境又驚 可能情況會WORSE