新手養貓貓兔!

(1)我想問下貓貓兔長大後,會唔會好大隻?

(2)貓貓兔的耳仔點分成年和幼年?

(3)養兔要買咩野?大概幾時清籠?

(4)買兔用品+兔仔要幾多$?

(5)買咩草好d?要對成年兔和幼兔都可以吃!有營養的!

:002: :002: :002: :002: thx thx

3:我一星期洗一次 籠就日日清. 廁所一日清兩次.
3.4.5 多爬文就會知

請爬文
(4)買兔用品+兔仔要幾多$?
大約二千
我養左5個幾月.大約用左近萬

http://mini-house.info/forum-26-1.html

(1)我想問下貓貓兔長大後,會唔會好大隻?
兔兔有分普通同迷你兩種，普通兔兔大個左會好似小型狗咁大隻，迷你兔就細隻dd，好似貓仔咁大隻到~

(2)貓貓兔的耳仔點分成年和幼年?
呢個唔太清楚，因為我未養過貓貓兔。但應該冇咩分別~兔兔大個左咪大隻d囉..(估下><)

(3)養兔要買咩野?大概幾時清籠?
要買:
t草+a草(只for6個月以下的兔兔)+籠(切勿網底)+廁所+廁所墊料+水樽+糧(不要買日本糧)
- 零食不需要，對身體不好
- t草，a草，糧大致分3種: momi，apd，oxbow
- 不要用木糠做墊料，當中含有毒物質會影響兔兔的呼吸
- 剪甲鉗可以在旺角十蚊店買，係d店舖買貴好多，第一次剪可以拎比人剪左先，學下點剪之後就可以買一把同兔兔試下剪，買剪甲鉗之前要確保兔兔肯比你反(因為有兔兔係點都唔比主人反架)。剪毛就去兔協ok架了~不過早d book，兔協好多人的><而家book可能都要排到去6月架了~

我就一星期大清潔一次，平日就早早起身同佢汁便便=3=(兔奴中....)廁所就見佢痾滿左就換新廁所木粒比佢，小便可以訓練，但大便佢地係到處痾的。

(4)買兔用品+兔仔要幾多$?
- 我買開momi的a草t草，a草139一包2.5kg，t草399一箱4包2.5kg 1st cut，要睇下兔兔食量有幾大~我家正楠(普通兔)一星期一包2.5kg 1st cut的(比一般兔兔大食，正一大食兔-3-)，靜妍(迷你兔)就一個月才一包2.5kg 1st cut。
- 兔兔我建議你在兔協領養，第一保證健康，第二幫你做埋絕育手術，第三可以比到一d曾經被主人棄養的兔兔一個家，第四外面好多病兔，好難話邊間健康d，因為間間都有病兔，如果你自問你會負責佢以後的e療開支，你可以係出面買兔，因為靜妍正正就係係外面買而好多病痛，而家養左兩個幾3個月，但係已經睇左2千幾e生，重要繼續睇到好番為止。如果要係外面買兔，都係幾百蚊有一隻，500以內，要睇果間店點定價。
- 籠的要買標準，何謂標準，就是兔兔可以係裡面訓係度重有空位，向前可最少跳3步，重要比佢放廁所，兔協而家賣緊一個最平的標準籠是$17x定唔知$16x，自己去問問價就知了，兔協一定比外面平。
- 水樽我買了個$6x的粉紅色水樽，我地呢度好多人都係用呢個架~^^~
- 廁所幾十蚊一個，廁所墊料我一買就買ono的10kg，$99。
- 糧就一包幼兔糧就夠你食到6個月大架了~可能重有剩tim呀~都係幾十1蚊一包，唔洗買大包裝，因為糧唔係佢地主食，t草先係，更何況6個月就要轉成兔糧，糧就一日兩匙外賣果d膠匙更，早晚各一匙，t草要24hrs無限供應，a草早晚一"汁"仔，6個月之後要停a草了。

(5)買咩草好d?要對成年兔和幼兔都可以吃!有營養的!
岩岩講左，成兔食t草，幼兔食早晚一汁a草+無限供應t草
過左6個月就唔好比a草佢地食了，因為a草高蛋白質，成兔之後重食ge話會對佢地個腎定唔知肝唔好。

樓主如果係真係養兔就要睇多d兔兔寶典喇~
因為兔兔有好多突發的病架~所以一見到佢地有唔妥就要立即睇e生，可能在短短12小時就會去左彩虹橋架喇~
重有咩唔明可以pm我:021:

建議樓主爬足文先接兔兔番屋企~
第一次帶兔兔番屋企一定係貴d.
一千蚊一定走唔甩架喇..
平時我就每日都清籠.因為呠呠唔識去廁所~
每月我諗平均都洗3,4百落呠呠度..
其實不如去兔協領養丫!

我兔兔消費FOR YOUR REFERENCE:

首月消費:
1.  兔籠 $300
2.  廁所 $50
3.  水樽  $60
4.  糧兜 $10
5.  指甲剪 $15
6.  小電筒 (剪甲照血管用) $10
7.  針梳 $60
8.  平梳 $30
9.  尿片 $150 (墊籠底,怕佢未識去廁所)
10. 兔用寵物袋 $150

每月固定消費:
1.  TIMOMTHY草  ~$200
2.  成兔糧  ~$15   ($60/5磅,夠吃4-5個月)
3.  木砂  ~$35  ($100/10KG,夠用3個月)

醫療費:  無限  (病一病, 有可能駛你幾百幾千....甚至過萬):015:

我養的是BUNNY兔, 唔懂貓貓兔.....
我每日清廁所2次, 早晚倒一次, 早上會用水+醋清洗廁所。
至於個籠,因為又大又重, 我好懶....1個月才大洗一次,平日搵濕布抹下就算 :014: 不過, 我隻兔兔識去廁所的,都唔會在籠裡小便。兔兔肯合作,主人就慳功夫:031:

[ 本帖最後由 傘仔 於 2011-4-28 10:46 AM 編輯 ]

未養過既建議你養短毛兔, 因貓貓兔長毛難打理. 需要每天梳毛.
如果你唔介意兔既年紀, 請先考慮到兔協領養. 因領養費用全免, 而且絕育也不收費.
仲可以學埋點照顧, 梳毛剪甲都會教. 買兔用品佢地會幫你執埋. 唔會買埋D唔等使既野.

*木糠其實冇毒, 可以用的, 只要唔好買平價木槺(即金魚街$8-10/1條果D),
買返D有牌子及經過消毒處理的就可以用, 但都要睇兔仔本身有冇敏感底.
有敏感底既就要用紙粒代替~

第一次要買既:
1.  兔籠 $358
2.  廁所 $50
3.  水樽  $50
4.  糧兜 $43
5.  指甲剪 $20
6.  小電筒 (剪甲照血管用) $10
7.  針梳 $39
8.  平梳 $25
9.  木槺$79 + 木粒$151 (學識去廁所, 只用木粒即可)
10. 兔用寵物袋 $151
11. 兔糧 $60
12. timothy草 $212

之後每月基本費用:
1.  TIMOMTHY草  $180 (momi草1箱4包$358, 分2個月食)
2.  成兔糧  $20   ($60/5磅,早晚1匙可食3個月)
3.  木砂  $50  ($145/10KG,可用3個月)

醫療費: 無限 (基本body check $250-300, 唔計藥費), 最好預返有$5000-$10000係手先好養.

貓貓兔  都有長毛同短毛 .. 我屋企岩岩1長1短  
短毛用針梳梳唔起   要用直梳
厚毛D就2把都梳到   
新手養短毛好似比較好 ...雖然我依加都係養左4個月多D而已 =.=
-----------------------------------------
每月開支  都係   買草     買廁所吸尿既粒粒   
當然你要留返1筆錢做兔兔基金    話哂兔兔唔好彩病左既話
係比人睇醫生既貴好多
我上次兔仔斷左隻腳指   照X光 +睇醫生都 $7XX 已經
--------------------------------------------
T草我買開  MOMI 4包   $38X       我食過JOJO'S  同 OXBOW   
我覺得JOJO'S 同MOMI   D屎屎好金  好靚@@  
我2隻兔兔食OXBOW 反以冇咁金(印兔中)  ..  
但JOJO'S  同   OXBOW    好多草碎    所以我轉 MOMI既1 CUT  但有時D草會好鬼長要剪短佢
草有分1CUT 同2CUT    (((２CUT比較多葉     １CUT多枝多花)))   
我比1CUT佢地磨埋牙仔
糧就OXBOW    好大包    食好耐
-----------------------------------------------------
廁所料  木吸 紙粒  貓沙我都用過    ..我用緊'無味'既貓沙  因為佢$28  大包+便宜
我2個小朋友個鼻   傻傻地  用有味個D佢會索唔到自己陣徐
換廁所個陣  我會用1個無用既膠匙  ...  不一D吸左佢尿既粒粒  
跟住清理廁所   放新既粒粒    再將吸左尿尿既粒粒放返入去     
有D放多數十粒佢既屎屎入去
------------------------------------------------------
清籠     ((我用緊2個籠    1個有得拉底盤   1個就普通籠
拉底盤個個   每晚換新報紙   包埋一舊就扔    (我報紙放係底盤  方便:026: )
但佢亂屙尿就好麻煩   ...  要洗埋個個板  + 換報紙 = =
普通籠就   每日清理1次    晚上+早上會幫佢汁屎屎返入廁所
2個籠我都有放毛巾  佢2個中意訓毛巾:027:  同埋中意挖毛巾 (((毛巾佔籠既一半
--------------------------------------------
絕育個到好緊要＠＠　　女仔男仔絕左育都比無絕育好 好多好多
女仔會貴Ｄ　男仔會平Ｄ（我岩岩２隻都係女仔　我都遇左$3XXX　比佢地暑假做手術
-----------------------------------------------

養兔仔話易唔易 話難唔難  ...
兔仔雖然唔識叫   但我發現原來都比貓貓狗狗可愛..   
好多人都誤以為 兔仔一定好乖好溫純     
但我想講 !!絕大部分兔仔都係百厭星..仲會亂咬野  咬壞爛哂
有D仲會好惡   你阻住佢 佢會用頭仔頂開你    再唔走會咬你
我2個兔仔外表可愛   內心邪惡 >"<   防不防就會頂開你
所以你睇多D 依到既兔仔破壞POST   
要有心理準備可能你會接到一隻十分曳曳既兔仔返屋企

但有時睇佢地中槍  挖毛巾   胃食樣就忘記哂D煩惱
但養咩動物之前 ..   都要諗清楚..  你可唔可以照顧佢一世
你有朋友 家人  戀人 ..  但佢只有你
你對佢好佢知道  ..   你鬧佢  佢更加會扮傻XD  你又吹佢唔漲     哈哈哈
有時真係會激到你  唔知好嬲定好笑

[ 本帖最後由 小小夕 於 2011-4-28 02:55 PM 編輯 ]

請問中毛兔有咩種類?:054: thx

原帖由 hoho93 於 2011-4-28 04:14 PM 發表
請問中毛兔有咩種類?:054: thx

應該冇中毛   

我屋企2隻貓貓兔  
1長1短  短既意思係D毛 係冇咁厚  唔係一舊綿花咁　　但佢Ｄ毛都唔算短　又唔算長　
長毛就好似綿花 ∼∼　比較厚　　　有Ｄ仲會長　＋　厚　　　一舊云咁

我可能講到一舊舊　．．　但Ｄ毛有分別　＠＠

正楠d毛又長又厚，靜妍就長但冇咁厚~
唔好睇d兔兔外表好似好乖咁~
想當初.......我買靜妍果時佢好似好乖，又唔同人搶野食~點知原來佢係有病先唔搶野食，10隻兔仔10隻曳，真係冇講錯架!!同靜妍睇左第一次e生，好番少少就現真性情~~而家曳到無論呀!!地主公公，沙發，垃圾筒~~咩都搞~~最近重玩埋偷走tim...不過兔兔好中意咬野，所以樓主要有心理準備呀..

我阿仔係中長毛,無貓貓兔d毛咁多,但係d毛又長過隻女,我隻女係侏儒兔

d毛長短,好多時好個種有關,市面所謂貓貓兔,獅子兔,其實都有可能亂左種,未必係純正既~唯有成兔先睇得真佢d毛既長短....

去兔協領養啦~~~

原帖由 raywong521 於 2011-4-28 05:21 PM 發表
我阿仔係中長毛,無貓貓兔d毛咁多,但係d毛又長過隻女,我隻女係侏儒兔

d毛長短,好多時好個種有關,市面所謂貓貓兔,獅子兔,其實都有可能亂左種,未必係純正既~唯有成兔先睇得真佢d毛既長短....

去兔協領養啦~~~

係丫  我見人D相  個面豬D毛 短毛 變長毛  XDDD