暫託後的 jacqueline

因為我去旅行, 將Jacqueline暫託在姐姐家中 10天。

接左佢回家後, 就即刻餵糧俾佢, 平時一見兔糧就興奮都發癲的Jacqueline, 竟然聞左2下,無食, 就走返去慣常的角落。

我心想: 噢....可能10天太耐, 她忘記了自己的家。俾d時間佢適應返.......

於是,我就自顧自煮飯食, 怎料1-2小時後再入房看看, 依然見d兔糧原封不動。我記得以前初接她回家, 也不是這樣的不動, 是好奇的走圍行。

咁我好擔心: "唔通Jacqueline 真係唔記得左屋企,定係坐車唔舒服呢?"  於是,我用同佢按摩, 摸下頭仔下巴仔, 按左10分鐘, 我就停手。當我起身行開時, Jacqueline突然就生猛返晒, 飛奔入籠去食兔糧 !!!!!!!

吓?!  原來佢唔係唔記得屋企, 原來無唔舒服......原來 Jacqueline 係嬲左我 !!!!  嬲我唔理佢咁多日, 要我氹返佢先呀   =.='

[ 本帖最後由 傘仔 於 2011-7-5 12:27 AM 編輯 ]

兔仔係好小氣架...
我番左香港, BB留係新加坡同兔爸繼續生活..
但兔爸成日要飛黎香港揾我 (1個月1次, 每次7-10日)
佢就會住係一個資深兔友既屋企..
次次接佢番屋企兔爸都話佢會發脾氣唔so佢...
嬲爆爆咁睥人好耐先正常番...DD

我e個weekend搬屋呀...
放左佢去我mami度4日
我日日早晚都去睇佢0架~!
但佢都嬲嬲地唔show我又唔俾抱抱...:050:
次次都要按摩番個頭仔好奈俾埋零食先lam番我...
好在今晚finally可以接佢回新家啦~!!:012:

我上次去旅行（5 days), 叫咗我家姐到我屋企一日兩轉餵菜及加草及清潔，我返來機機完全無什麼分別，可能自己屋企安全及習慣。