今日去左元朗錦田鄉村俱樂部..果到d兔兔好可憐..!(詳細過程)

之前上網睇見到元朗錦上路有個錦田鄉村俱樂部,
好似好多人去同好野玩咁~而且仲有個兔子樂園,於是今日就去左~
為既都系諗住睇兔兔:040:

大約中午12點左右去到後,發現入面一片冷清:065:
只是得清楚既工作人員同幾個人系入面行,大大個太陽系頭頂,曬到好似想食人咁.
而且第1次去,吾知道兔子樂團系邊個位,
傻下傻下咁搵左好耐仲要問人先搵到- -

一入到去,我比現場惡劣既環境嚇窒左...
一個個高腳架鐵籠排成一排,每個籠入面有1-2隻兔仔,
鐵籠既底部全部都系白色既長方形隔板,我諗d人應該系想個籠保持清潔咁做,
兔兔既排泄物就直接跌落離鐵籠約0.5-1米高既地下,
成個地下都系臭尿味,仲有好多烏蠅嬲- -
好啦咁都算啦,
重要既系,連兔兔最基本既食糧-乾草都冇!!:052:
就算吾比乾草佢地食,都比d菜菜/濕草佢地食丫!?
但系佢地大部分既籠都系全空,只系得個裝住水既食物兜!
有d籠甚至乎連水都冇!得個空兜!
[img[/img]

呢個系其中一隻兔兔既籠:067:
好難得先見到有一兩個籠入面個食物兜有野食,點知一睇--
入面竟然系粟米乾+穀粒!:028: 雖然我吾知兔兔食吾食得呢d野,
但系我知道系吾可以大量同長期咁食落去!!
上面仲有個牌寫住兔兔食既系健康飼料!!:004: 果一刻真系好想鬧人!不知所謂!!
d兔兔吾知系咪冇野食,好多一見到我行埋去就沖哂過黎.成個場都冇人,得我同bf去探d兔兔.
而且現場實在系好焗好熱,雖然有用鐵皮遮頂,但系熱氣根本都冇散過!好多兔兔都熱到呆系到up頭:016:
人都頂吾順出汗出到成件衫濕哂,更何況系兔兔?!
牌上面更寫住可以到小食部買飼料餵兔兔,姑且就睇下佢地買咩飼料..

去到小食部之後用左$5買左包所謂既"飼料".
打開個膠袋仔一睇,竟然系椰菜絲溝少量生菜絲?!
份量更加系少得可憐,咁就賣$5?!:013:
算啦,起碼佢地可以有菜菜食..

拎住包菜逐個籠睇,首先見到有一隻兔兔個鼻有一個小紅點系鼻頭,好似發炎咁.
但系佢好活潑,一見到我行埋去就撲過黎,明知道冇野食都繼續跑過黎望住我,
果一刻我真系好想帶佢地走..但系我知道有太多呢d兔兔系第2個地方,根本做吾到d咩..
我拎起條椰菜絲餵佢食,先發現佢吾止個鼻有問題,連牙齒同指甲都有問題!!
指甲生到又尖又長,後腳既指甲更加變成黑色.
原本四隻門牙只系淨返一隻,而且呢一隻門牙因為咬合不正而彎曲外露,嚴重影響兔兔食野!
睇見佢咁,真系好心酸..


之後睇到隔離有隻啡色既兔兔好似好呆滯咁,我行到埋去系咁聊佢佢先有反應走過黎,
行近d一睇,佢鼻頭竟然生左粒肉粒!肉粒既形狀好似小木偶奇遇記入面隻小木偶咁,系長條形.


再繼續睇,又有一隻兔兔系咁...
呢隻個鼻爛得更嚴重!現場環境真系差到...


行過去隔離既"松鼠樂園",入面有3-4隻天竺鼠,仲有3隻兔兔.
其中一隻黑色(定灰色?)垂耳兔兩隻耳背都潰爛,傷口仲發緊炎,
籠入面只有一舊類似菠菜既根部...連菜葉都冇!(又或者比佢食哂)
另外兩隻兔兔睇落好似冇乜野...
但系就熱到完全冇反應,郁都吾郁.
只系得1隻有菜食既時候先有反應,另一隻完全系中槍吾郁..

唉我真系冇眼睇落去...成肚氣先打咁大篇野上黎...:025:
依家已經去信比兔協,希望佢地會跟進呢件事!:013:

[ 本帖最後由 ﹏s!u凝. 於 2011-8-8 05:53 PM 編輯 ]

！！！！！！！！　　負責人係咩公司黎？　　　甘樣叫推兔仔去慢性自殺囉
我上左網查原來仲有好多動物係個到養．　動物唔係用黎比多Ｄ客黎既裝飾囉　

Ｘ　我真係勁嬲依加．．　　

見到都好心痛... :050:
點解佢地可以咁對D兔仔....
樓主, 有冇得投訴下...?

呢啲資料已經足夠投訴，見到都覺得好心酸...

SEND 去報社俾記者跟進啦，佢地咁樣好過份!!!:028:

見到兔兔D牙咁真係覺得佢好可憐....
到底佢有幾耐冇食過草先會變成咁...

我覺得可以報警ga?
咁都唔叫"約畜"?! 好賤格lor.佢地都係生命泥ga lor 好冇?

原帖由 firen_freeze 於 2011-8-8 01:17 AM 發表
SEND 去報社俾記者跟進啦，佢地咁樣好過份!!!:028:

見到兔兔D牙咁真係覺得佢好可憐....
到底佢有幾耐冇食過草先會變成咁...

我諗打從買佢地返去用作生財工具,已經冇比過草佢地食...
真係好嬲好嬲!!!! #^62^#
D人咁對D兔仔,一定有報應!!!!!!

呢個系米我之前話有個人周圍上網問人攞兔果個泥架???????????????#^62^#
報警同call兔協/愛協有冇用??????????有用就立即行動啦!!!!!!!!!!!!!!!!gogogo!!!!!

[ 本帖最後由 m1k1 於 2011-8-8 01:50 AM 編輯 ]

吾餓死都熱死啦30幾度!!!!!!!!!!!!!!!!!!!!!!!!!!!!!
哇睇完心入面真系浮左n甘多個粗口出泥!!!!!!!!!!!!!!!!!!!!!!!!!!!!!!

http://www.hkrabbit.org/?p=490
http://www.petpetplayland.com/message.php?tid=14238
原來已經有前科...
每年都唔知有幾多隻兔兔比佢地整死左...

[ 本帖最後由 akira1010 於 2011-8-8 02:40 AM 編輯 ]

原帖由 m1k1 於 2011-8-8 01:47 AM 發表
呢個系米我之前話有個人周圍上網問人攞兔果個泥架???????????????#^62^#
報警同call兔協/愛協有冇用??????????有用就立即行動啦!!!!!!!!!!!!!!!!gogogo!!!!!

我岩岩都諗緊係米個個呀.. 但我唔見佢e mail呀.. ~~

到低點做先可以 令到班人唔好甘對其他動物 ... 我相信唔係得兔仔甘慘囉

我轉寄左呢個POST比兔協喇
[email protected]
希望樓主再自己聯絡返兔協
可以跟進返件事啦

D"商人"根本講極唔聽唔理小動物既死活
唔好講兔兔
佢果度仲有其他動物
相信生活環境都係咁差!
佢個地方都冇乜人去玩都唔方會賺到D咩錢
小動物就唔方有餐好既食!!!!!
衰D既話可能要人用$5買野餵佢地先叫有得食好D咋#^37^#

原帖由 小小夕 於 2011-8-8 12:37 AM 發表
！！！！！！！！　　負責人係咩公司黎？　　　甘樣叫推兔仔去慢性自殺囉
我上左網查原來仲有好多動物係個到養．　動物唔係用黎比多Ｄ客黎既裝飾囉　

Ｘ　我真係勁嬲依加．．　　

:028: 我真系見到佢地咁好吾開心..樂園可能比得好少野佢地食..
目的系等d客買多d野餵佢地食...

原帖由 Claudia_Ji 於 2011-8-8 12:57 AM 發表
見到都好心痛... :050:
點解佢地可以咁對D兔仔....
樓主, 有冇得投訴下...?

我都吾知可以系邊到投訴....:047:
所以先打上黎同大家講~

原帖由 鈉米 於 2011-8-8 01:06 AM 發表
呢啲資料已經足夠投訴，見到都覺得好心酸...

請各位兔爸兔媽幫手投訴轉發,吾好再令兔兔繼續受害!