兔兔做了手術,腳上o既原來唔係濃瘡。

上星期兔兔隻腳突然惡化,今日終於o係9龍城到做手術。

做完手術之後,醫生話俾我知兔兔腳上o既原來唔係濃瘡,係腫瘤。
暫時未知係惡性定良性,佢攞左sample,要send去英國化驗先知。
醫生話俾我知情況唔太好,如果係cancer(惡性),就要切左隻腳。

知道e個消息之後,心情極度複雜,養左差唔多半年,佢係一隻好乖o既兔仔,
但係連環不幸o既事不停地發生o係佢身上。
由開頭被遺棄,生好嚴重o既腳瘡,到而家生埋腫瘤。
個天好似唔太眷顧佢咁。

望住佢戴住個頭套,好天真地起勢食草,好似乜都無發生過咁。

我真係好掙扎,萬一真係要切腳,唔知對佢日後生活影響會有幾大。
有冇人o既兔仔係有相似o既經歷?

dr.ma有冇同你講裝義肢/坐輪椅之類的事呀??
佢好番之後都一樣好開心架~~重可以周圍走走動動~~

其實, 我覺得個天唔眷顧佢唔緊要,  最緊要係主人唔好放棄佢~
要繼續支持佢!!!你要加油喔~~

我曾經睇過一段片,佢有一句說話我好深刻,我都想同你講

"你可以有好多寵物, 但佢就只有你一個"

靜妍媽 發表於 2012-3-1 10:43 PM
我曾經睇過一段片,佢有一句說話我好深刻,我都想同你講

"你可以有好多寵物, 但佢就只有你一個" ...

係呀
你可以有朋友,家人,情人,
可以出街睇戲唱k
可以返工, 行街
寵物可能只係生活一部份

但係佢就只有你一個


真係次次睇親呢個都忍唔住流眼淚......

希望隻兔仔無事啦><!!!!!!!!         依加有個好主人...   天神會眷顧佢的

你要努力AR!!! 兔兔仲好需要你既照顧~~

我隻兔女都係.....帶返家冇耐...就腳腳斷左...
多個月黎既康復期.....終於好返.....
好返唔夠2個月....盤骨位有少少裂左....不斷ALL爛屎....成腳都係...日日幫佢清潔腳仔.....
而家暫且叫做好返少少.....
到隻牙仔.....生Y左.......
我都會好似你咁諗...個天好似唔太眷顧兔兔..
但我.....從來都冇諗過放棄.....
兔兔佢好乖....佢食藥個時.....清潔腳腳個時....
兔兔不斷咁LAM我隻手....好似多謝我咁....
個刻真係眼流在心裡流.......
所以你都要撐住~~~~!!!!

我記得有睇過有兔無左兩隻腳但係佢主人幫佢做左兔輪椅幫佢行，你可以search下，即使真係要切腳，兔仔有你錫同幫助，都可以生活得好開好架!

而且兔仔有你呢個好主人，一定可以逢凶化吉架!希望報告番黎兔兔可以保得住隻腳仔啦!

兔兔有你嘅細心先至可以咁快發現隻腳有問題，而且有獸醫睇，係幸運呀，唔好諗咁灰...等個報告出左先算啦...而家同佢玩多啲先啦!^^

yingxbb 發表於 2012-3-2 01:32 PM
你要努力AR!!! 兔兔仲好需要你既照顧~~

我隻兔女都係.....帶返家冇耐...就腳腳斷左...

睇到我眼濕濕，你錫兔兔，兔兔真係會錫番你架!你要加油呀，佢一定好快好番...

佢做完手術之後d心情好差..直頭唔比人掂同抱
餵佢食藥就係咁發脾氣+dum地,搞到我勁驚佢會整爆個傷口
唯有軟硬兼施咁餵佢食藥。(軟:餵d小食引佢,硬:夾硬"滋"d藥入口)
不過好在佢都會自己食草。
其實有冇d咩方法可以令佢平服返心情呢???

yingxbb 發表於 2012-3-2 01:32 PM
你要努力AR!!! 兔兔仲好需要你既照顧~~

我隻兔女都係.....帶返家冇耐...就腳腳斷左...

真係眼流在心裡流,尤其是係明知佢好痛,但係又唔出聲,
o個下感覺真係好難受。
我今日返返下工o係到諗,如果當初醫生問我試藥定做手術,
我揀做手術,佢隻腳個腫瘤就可能無而家咁大。

lok518 發表於 2012-3-2 10:01 PM
佢做完手術之後d心情好差..直頭唔比人掂同抱
餵佢食藥就係咁發脾氣+dum地,搞到我勁驚佢會整爆個傷口
唯有軟 ...

你好!  我屋企個侏老板因為腸胃及眼仔有事, 所以, 日日都要食藥同補給品, 不過, 侏老板好討厭食藥, 之前用針筒直接餵藥比佢食, 佢都唔肯吞, 有時仲響咀角道流返D藥出來, 所以, 我而家餵藥既方法係將侏老板最鍾意食既蔬菜"渣"汁, 然後將蔬菜汁+藥混和餵佢食, 成效好好, 家陣侏老板食藥食得好開心!

lok518 發表於 2012-3-2 10:01 PM
佢做完手術之後d心情好差..直頭唔比人掂同抱
餵佢食藥就係咁發脾氣+dum地,搞到我勁驚佢會整爆個傷口
唯有軟 ...

咁試下唔好搞佢...我估抱佢嗰時可能掂到佢傷口至發皮氣啫...啲藥甜唔甜架?如果就咁佢企係度你伸知針筒去餵得唔得，我嗰隻唔俾抱都係咁餵，佢知道係甜嘅就會追住食架喇，另外可以混落啲草粉度睇佢食唔食，都唔得就搽落啲菜度做菜包啦...你唔好太自責諗番轉頭喇，你都唔知會咁架嘛..最重要係佢肯食藥會快啲好吖嘛!加油呀!

佢d藥應該唔甜，因佢一聞到就發爛渣，
佢草粉都唔係好食，但係又食草wor...
我今晚試下用整菜汁啦

lok518 發表於 2012-3-3 11:00 AM
佢d藥應該唔甜，因佢一聞到就發爛渣，
佢草粉都唔係好食，但係又食草wor...
我今晚試下用整菜汁啦 ...

波蘿汁同橙汁不都得架!多個選擇...不過唔好餵咁多^^

加油呀！支持你同你既兔兔！