塑膠針筒餵食要小心

前晚有兔友打比我, 同我講佢用針筒餵兔兔食藥既時候兔兔將針筒咀位置咬爛, 咬爛既部份差D吞落肚, 嚇餐死

因為依個隱憂, 有部份人或診所會預先將針筒咀剪走, 怕兔兔咬爛後誤吞肚中

但用依個方法有另一個問題存在, 就係修剪後部份邊邊并不平整, 如果修剪5好或者餵食途中兔兔緊張受驚, 修剪邊部份有機會令口腔受傷, 我認識一個兔友曾經用修剪針筒餵兔兔食野,  當時食食下兔兔緊張郁動, 針筒拎出黎見到黏有血, 兔兔口仔受傷了, 另一次我同長公主覆診, 係等睇期間, 有人突然沖入診所話兔兔比修剪針筒餵食時整傷, 所以大家要留意

若可以既話, 最好去嘗試搵下鋼咀玻璃做既針筒黎餵食, 依種針筒可以高溫消毒, 如果係要長期人手餵食既兔友都可以嘗試搵搵

因為塑膠針筒其實係一次性使用, 5可以長期用同一枝

我大約2年前係佐敦區既醫療護理用品店買到1ml 鋼咀玻璃針筒, 可以高溫消毒, 當時我都買左10支, 不過, 間野而家無做, 係其他地方可能會有, 大家有興趣可以去搵搵