７月買的ＯＸＢＯＷ草（２８／７更新）

好想同大家分享下我係７月買o既OXBOW TIMOTHY、ORCHARD同ORGANIC草！




OXBOW ORCHARD GRASS 40oz 7月頭係大圍珍禽度買，不過比較幼身同短，草味都幾香，無粉塵，但有少少枯。
如果10個OK，我會比８個！




OXBOW ORGANIC MEADOW 15oz 7月頭係大圍珍禽買，嘩，呢包草超香，不過有d枯，溝o左alfalfa草，但係....我未揀到出o黎已比隻衰仔搶住食，同埋夾雜住我唔係好識分，唯有每日比一執佢食。
如果10個OK，我會比９個！




OXBOW WESTERN TIMOTHY HAY 90oz 7月20號係 I X R度買，嘩嘩（比兩個嘩先），因為我一路都太黑啦，好耐都無買過咁令o既草啦，不過唔知食到中間會係點鬼樣呢？有少少擔心！
講番包草先，草味好香，又似回復水準咁，不過有少少枯，間中有一兩條莖有黑點，無粉塵。
如果10個OK，我會比９.５個，因為仍然有少少枯同有黑點o既草同莖，但已經超滿意！希望可以保持到水準啦~~~~

你買咁細包既, 唔買一箱?? 平啲喎

wesky 發表於 2012-7-21 07:13 PM
你買咁細包既, 唔買一箱?? 平啲喎

我都知，但係我隻兔仔一包五磅或者5.5lbs草要食三個星期（會唔會食得太少？），最多都只係買過MOMI 1ST CUT 11lbs（因為5.5lbs無貨，迫住買），最快都要食成五星期（因為比較平，所以掉得豪爽d）所以咪唔想買太多囉，寧願密d買，新鮮d，哈哈！至於OXBOW同APD一箱的，我都無信心買呀，怕自己黑囉！

呢個係其中一個原因，另一個最重要o既原因係，我真係好鬼黑o架，成日都買到唔令o既草草，好彩o既話就換比你，唔好彩o既就諸多留難，所以有時為免激親自己，唯有晚晚揀草，有時揀唔落手，唔想眼火爆，就......拎去餵垃圾桶

話咁快包timothy食o左一個星期啦，跟進下先！
包草d莖比較軟，所以大少食得好快，差唔多食o左半包。
ｄ草都好少枯同霉（同之前的比較），但係o尋晚比草時時（揀草，係我每日o既例行功課）就發現呢個「朋友仔」！
唔好意思，有d得人驚，請各位原諒~~~~~


底面



正面

好似係草蜢之類，好得人驚！另外仲有隻黑色有翼o既昆蟲乾，但搵唔番所以無相睇。


另外，係包有機草入面揀到呢幾條草，我想問下有無人知道呢隻係咪alfalfa草，因為太耐無餵已經唔多記得個樣啦！


仲有，呢隻係咪燕麥草呢？唔該哂！

Orchard Grass 又有呀！雖然仔仔唔會食，但係咁肉酸，唔揀草點得o丫~~~~
好彩係殘肢咋，雖然以前Oxbow Timothy都執過２～３隻，但係見到成隻body我都會執到手震、毛管戙

嘩，好優美o既背面！嘔~~~~~~



眼仔碌碌o架！驚驚~~~~~~~~~~~