兔兔唔多肯走動

好耐無上黎啦,我隻兔兔半年前切左隻腳到而家,一切都好好。雖然食野比以前多左,不過係唔係做完一個大手術o既關係啦,佢肥得比以前慢lor...不過日日都痾好多屎同尿。
切左隻腳之後,就無晒d脾氣,唔再咬人,就算我濕水同佢抹腳仔,佢勁驚但都唔咬我。
有時我對隻手指入佢個口check佢d牙仔,佢只會比個好無奈o既樣我睇,唔會咬我。

不過佢而家唔中意出籠走動,我將成個廳都鋪晒軟墊比佢,佢都唔會出黎行。
我特登將佢d草同糧唔入籠,放出廳另一面,佢會好似狗仔咁,將個糧兜用口"擔"返入籠食...激到我呢!!!
我見佢3隻腳都行得好自如下,雖然無4隻腳咁快,不過佢好明顯都適應到啦.....
我問過獸醫,佢話要比佢多d郁動下先好....唉....都唔知點算好....

搵下D佢中意玩既野     有D兔仔中意玩智力球入面可以裝有野食個D     會周圍碌
坐地下 搵野食引佢係你身體轉轉下      慢慢加油搵方法啦

你5好甘激氣啦
話哂都做完大手術
無左隻腳唔開心都正常
主人要畀多d愛同耐性佢

再俾多d時間佢啦!!可能掉係我切了一隻腳,我兩三年都唔想踏出家門...小主人加油

花芝媽 發表於 2012-10-16 11:37 PM
搵下D佢中意玩既野     有D兔仔中意玩智力球入面可以裝有野食個D     會周圍碌
坐地下 搵野食引佢係你身體 ...

我都有比智力球佢玩,佢唔多中意個波會滾來滾去。
佢好鬼懶架,只係中意攤,我有時扮追佢先會起身,係咁e走2步lor.....

用3隻腳仔行，係會攰啲，兔兔年紀係咪大啲，所以易攰，你同佢多啲跑步同叫佢過黎，咁佢就會多啲走動....

佢應該4歲半到啦,我係怕佢唔行會對佢身體唔好o者。
不過e 2日又行多左少少,唔知係咪因為涼左d, 舒服d令佢想郁下呢??

lok518 發表於 2012-10-20 11:05 PM
佢應該4歲半到啦,我係怕佢唔行會對佢身體唔好o者。
不過e 2日又行多左少少,唔知係咪因為涼左d, 舒服d令佢想 ...

都有機會係熱呀，亦可能佢要啲時間適應，因住腳仔黎行，你試下開冷氣睇下好無啲，為呢幾日都幾熱同日西，買啲野食氹佢食吖！