點算! 見到8號兔賣嘅兔仔門牙太長T.T

點算呀，我喺荃灣8號兔見到最頂個籠嘅兔兔門牙長到出咀仔出面!

佢仲有食慾，但已經冇乜精神啦，都睇得出佢而家食得好唔方便，而且只食到葉咋，佢再咁落去會死架T.T

間野一定唔會同佢去剪牙啦
真係好心痛><但唔知點幫佢T.T

寄養定係賣架？

賣架，有價錢牌

我試下可唔可以買左佢><

原來係寄養架，黑色白色果隻
冇得買><
有冇人可以聯絡返個主人>_<
隻兔已經唔係好食到野，可能只捱到一兩日T.T

叫店主打比個個人啦  養養下死左米又係關個店先   你叫個人打比主人丫嘛

係喎，咁聽日打先，但唔知幫唔幫到兔，因為我好幾個月去親到見到佢，似乎主人咁耐都未接佢。

我剛剛特登去睇，隻兔仔真係勁可憐！！！奄奄一息，仲無咩精神，咁細隻又有價錢牌，點解係寄養？！仲有其他兔仔，隻隻都好無精神咁………我見店員淨係俾草碎俾佢哋食，當堂想喊

Suzanne 發表於 2012-10-30 06:23 PM
我剛剛特登去睇，隻兔仔真係勁可憐！！！奄奄一息，仲無咩精神，咁細隻又有價錢牌，點解係寄養？！仲有其他 ...

我有次帶百妹去剪毛,見到一只好細隻既兔仔死左...
寵物店就係咁樣,我朋友做過寵物店話我聽,原來一日有好多兔仔死
只要見佢地無反應就會擲落垃圾筒,有病又唔理..好慘架,,..

真係好心痛!!!

好多可憐既兔兔我地都幫唔到佢......

聽到都覺得唔安樂