剪指甲,咬鐵籠..

我通常見佢訓左係度先幫佢剪,但一剪佢就即刻走啦..完全修唔到甲,我想知可以點做呀?
訓教時候佢狂咬鐵籠好想出黎(因為太嘈啦),我應該點做好,唔想晚晚全屋人訓哂都放佢出黎

如果兔兔訓係地時，唔好幫佢剪甲，因為佢地有足夠空間逃走，同埋唔小心好容易整傷佢哋。要夾實反轉佢先剪到的。我家兔兔我都未可以幫佢剪到甲，所以唯有帶佢返兔協剪，但要好早之前book，如果你真係剪唔到，可以考慮一下。

至於咬籠，我兔兔之前都係咁，不過我買咗啲草織玩具比佢玩之後就少咗啦~ 你可以試一試。

我都係新手主人，希望可以幫到你啦

兔兔愈細個剪慣左就OK../  但最好放係大脾剪

如果地方可以 放個圍欄比佢.慢慢慣  佢就唔會咬

剪甲真係一大學問，如果新手，真係可以拎去兔協剪，一來可以睇下義工點剪，即場偷師，二來都可確保兔兔甲甲有剪到！

P.S:小豆媽媽叻叻！！！

花芝媽 發表於 2012-11-9 08:49 PM
兔兔愈細個剪慣左就OK../  但最好放係大脾剪

如果地方可以 放個圍欄比佢.慢慢慣  佢就唔會咬 ...

兔兔放係大脾佢多數偷走

oscar789 發表於 2012-11-9 09:00 PM
兔兔放係大脾佢多數偷走

係佢想走個陣你要控制好佢 .. 如果唔係次次佢都覺得 我想走你就比我走..  你可以放係大脾按摩下先

花芝媽 發表於 2012-11-9 08:49 PM
兔兔愈細個剪慣左就OK../  但最好放係大脾剪

如果地方可以 放個圍欄比佢.慢慢慣  佢就唔會咬 ...

豬豬岩岩黎仲細細個就比我反轉佢摸

e+大隻左啦,識反抗,好難先幫佢剪到指甲

見佢咁驚又怕會心臟病無啦啦死左

puilee 發表於 2012-11-10 08:44 PM
豬豬岩岩黎仲細細個就比我反轉佢摸

e+大隻左啦,識反抗,好難先幫佢剪到指甲

OH  反逆期!        

我自己慣左 放係大脾 剪左前手  4隻指甲   跟住反轉剪手指公同後腳

我2隻都唔比我剪  我都係強迫     佢2個出到去都係好惡  會起飛腳   所以我都係自己幫佢剪    廢事人地好用力咁迫住佢個頭同耳仔   

其實 佢地想走個陣已經比我捉住..  捉多幾次  叫佢乖D  不停同佢講野   佢又開始攰就OK

佢有時剪幾隻指甲又自己反轉    咁米又捉返

花芝媽 發表於 2012-11-10 09:55 PM
OH  反逆期!        

我自己慣左 放係大脾 剪左前手  4隻指甲   跟住反轉剪手指公同後腳

我個隻都會返抗, 好彩我係免協學過, 識得點用大脾夾住佢. 有次俾佢起飛腳兼成隻跣落地, 嚇死我. 所以我坐得比較婑的椅. 同埋剪完之後用小食安撫佢.

我會bb抱mo仔去剪
剪完就比粒粒佢食>3<

wmkcnw 發表於 2012-11-12 02:20 PM
我個隻都會返抗, 好彩我係免協學過, 識得點用大脾夾住佢. 有次俾佢起飛腳兼成隻跣落地, 嚇死我. 所以我坐 ...

我唔識呀,有次剪完條牛仔有兩個洞係渡

仲未好成功塙佢剪到