調查各位家裡兔寶有沒有因為天氣冷掉毛而心情欠佳

最近天氣忽冷忽熱, 家裡兔寶掉毛情況十分嚴重,
但這只是次要, 不知各位兔寶有沒有心情比較欠佳呢?
近期我家大少爺脾氣非常差, 平時的乖乖兔大少,
這幾天開始不停抓地加想咬人, 不知各位的兔寶有沒有這情況呢?

不停喪咬我梳化...鬧極都無用....
打佢咀仔都唔得
有咩方法停止佢咬張梳化....再甘咬我怕畀人鬧...留佢唔住

新陳代謝，有機會影響情緒。

WingBe 發表於 2012-12-27 05:58 PM
不停喪咬我梳化...鬧極都無用....
打佢咀仔都唔得
有咩方法停止佢咬張梳化....再甘咬我怕畀人鬧.. ...

有無圍欄？比圍欄分一個區域，情況會改善，唔係就要睇實佢呀，我屋企張梳化都係咁樣，遲下要換張新梳化。

syt174698 發表於 2012-12-27 06:26 PM
新陳代謝，有機會影響情緒。

是哦 看見大少突然心情不好, 我很怕他生病, 但是不久前才身體檢查過, 並沒發現生病的

對呀..Lafite這幾天情緒變化都好大....
昨天比較暖的時候,脾氣又好少少....
其實係唔係所有兔仔都係咁呀?

chingling1203 發表於 2012-12-27 07:43 PM
對呀..Lafite這幾天情緒變化都好大....
昨天比較暖的時候,脾氣又好少少....
其實係唔係所 ...

我都想知道QQ 大少爺天起暖既時候脾氣真係好好架,
但係一天氣冷就發哂脾氣, 很害怕牠生病><
我家大小姐係8月先至因為腸停離開左人世...
真係唔想失去埋大少爺...

可能又凍又濕，兔仔唔like

sakura_rabbit 發表於 2012-12-27 08:39 PM
我都想知道QQ 大少爺天起暖既時候脾氣真係好好架,
但係一天氣冷就發哂脾氣, 很害怕牠生病><
我家大小姐係 ...

唔好咁傷心啦....大小姐係彩虹橋會守護住大少爺的
但係大少爺會唔會比平時食少好多草架?
因為Lafite食少左好多T草..但係D便便都好正常....
過幾日更加凍..到時都唔知點算

天氣一凍我就校時間掣keep住開暖風機比阿仔
之前試過氣溫驟降，阿仔發高燒，我唔敢再駁

WingBe 發表於 2012-12-27 05:58 PM
不停喪咬我梳化...鬧極都無用....
打佢咀仔都唔得
有咩方法停止佢咬張梳化....再甘咬我怕畀人鬧.. ...

比舊木佢咬啦！
10蚊店都得，咬咗放鬆晒！

warm_warm 發表於 2012-12-28 04:51 PM
天氣一凍我就校時間掣keep住開暖風機比阿仔
之前試過氣溫驟降，阿仔發高燒，我唔敢再駁 ...

請問要去到幾多度先需要開暖風機？
會唔會開左佢又會唔舒服？或中暑？
新手一問

Insomniahk 發表於 2012-12-28 04:52 PM
比舊木佢咬啦！
10蚊店都得，咬咗放鬆晒！

其實我有草球同草鞋畀佢地咬....
仲有紙皮箱添...
不過佢地中二咬我張皮梳化

chingling1203 發表於 2012-12-27 09:29 PM
唔好咁傷心啦....大小姐係彩虹橋會守護住大少爺的
但係大少爺會唔會比平時食少好多草架 ...

大少爺而家胃口都仲好好, 而且活力爆棚,
就係情緒比較欠佳, 久唔久就想咬人="=

kazas 發表於 2012-12-29 04:04 AM
請問要去到幾多度先需要開暖風機？
會唔會開左佢又會唔舒服？或中暑？
新手一問 ...

阿仔24小時係屋企自由行，所以開暖風機保暖會好d
我習慣係寒冷警告、我自己開始覺得寒寒地就會開
我個部係細既暖風機，唔會太熱(屋企溫度計顯示最多都係升左2度)，而且我會睇情況再調校溫度
開左暖風機阿仔無唔舒服，如果覺得太乾可以開埋加濕器