訓練去廁所

各位好，我上個禮拜係兔協帶左隻仔返屋企
唔知係咪習慣左兔協成籠都可以去，大便唔駛講佢係邊食邊去
但尿尿似乎冇特定位置？
個廁所移過三個位置，而家算係佢會比較多上個廁所小便
只係好似係咁岩企係廁所上面先去，而唔係專登走上去....
而佢亦唔一定係角位去，廁所前面有、籠中間有....
想問下兔兔會唔會唔依自己既尿味去廁所呢？如果會，應該點教佢？

要訓練兔兔去厠所唔係一兩個禮拜就得,你試下先用白醋抺去D尿尿,再睇下邊個位置係最多,先放厠所係果個位罝,厠所裡面要放兔兔係尿尿,等佢聞到就自然識去.不過當然有例外,有部分係教極都唔識,比D耐性,啱既話,可以比奬勵.

http://petkd.net/thread-9357-1-1.html, 試下去睇下啦.

你好呀~
兔兔初到你家  
家長必須要耐性去慢慢教
畢竟他以前亂痾  耐心點吧

而尿尿過既位置  
你可以用 白醋+水 稀釋去清除尿味及尿漬

也可考慮用尿片~   清理也非常方便  @@

ps: 寶典也有一些資料提供  不妨去看一下噢

  新年快樂~~

你好呀， 唔知係兔協邊位幸運小朋友有個新家呢，希望你哋一家生活愉快

我兔兔以前係協會都係周圍去的，返到屋企都要3個星期到先識去廁所，剛剛返到新家佢會有少少不安，周圍去廁所都正常， 花多少少時間，如果你廁所放定一個位置， 唔洗成日轉。萬一佢去其他位置去廁所， 就用白醋加水抹，如果能係兔兔面前做更好。做多幾次， 兔兔學識咗就無問題啦！ 加油！

我隻仔係Aarus，而家改左名做阿Q

其實係因為到而家佢都次次唔係同一個位痾，所以先問會唔會有可能唔係聞到自己既味道去廁所呢？
好似岩岩佢係一邊食草一邊小便，好似冇理過廁所係邊咁...

wenhim 發表於 2013-2-11 12:51 AM
我隻仔係Aarus，而家改左名做阿Q

其實係因為到而家佢都次次唔係同一個位痾，所以先問會唔會有可能唔係聞到 ...

原來係Aarus, 佢都唔係返左屋企好耐， 慢慢教啦^^, 我之前教小豆（佢以前叫Kitty)，一見佢去左vv, 就會輕輕推佢pat pat, 示意佢先行開， 再係佢面前用白醋加水抹左賴vv位置，之後會將張tissue係佢面前，做動作指去toilet,話佢知toilet正確位置， 不過要慢慢嚟，因為佢哋一時三刻唔會學識的。加油！

至於Poo poo, 有時小豆都會一路食一路係籠去， 只係貪方便而已，如果你成功教識佢係廁所vv, 你已經成功咗ga la

你好呀~Q爸爸 and 阿Q~
我隻仔毛啦啦(原名hill hill)係兔協回家一個月啦~
佢係兔協時係唔識去廁所架~
我慢慢留意佢去VV位置。而家好似識去VV但還是會VV係草堆~
不過出黎玩時會自己返入籠個廁所去完再出去玩~(證明佢真係識去)
加油~希望阿Q快d學識啦~

其實而家覺得阿Q係好似冇廁所呢個概念...有冇尿味好似唔影響佢就咁就痾左

其實唔會無概念嘅。

我仔仔喺兔協一年，無用過廁所，返嚟新家，幾次就學識去廁所尿尿。佢一痾喺其他地方，我就用紙巾抹，跟住我就丟紙巾落佢個廁所，雖然會唔係幾好，佢嚟我家時，頭兩日我都無幫佢清廁所。等個度嘅氣味最濃~~

噚日阿Q成日都用左廁所尿尿，就係我滿心歡喜既時候，佢深夜竟然噴尿，四周都係

wenhim 發表於 2013-2-13 10:50 AM
噚日阿Q成日都用左廁所尿尿，就係我滿心歡喜既時候，佢深夜竟然噴尿，四周都係 ...

阿Q咁快識得用個廁所~真係叻仔~
阿Q應該絕咗育~都噴尿~?

你可以試下唔同佢去的位用白腊抺, 抺唔好太乾, 留小小濕, 佢嗅到唔會鍾意去個個位

我想問下呢
如果兔仔放咩係底就咬咩咁點算
咬完仲要食 應該可以點樣阻止?

飯v3v 發表於 2013-2-14 12:46 AM
我想問下呢
如果兔仔放咩係底就咬咩咁點算
咬完仲要食 應該可以點樣阻止? ...

我bb 以前初黎報到都會咁

我自己就用枕頭袋包住d 膠地墊 + 尿片
佢想咬都咬唔倒
= =