帶兔去街問題

請問有兔友報左名去下個月的兔協活動嗎?
想問一下帶兔兔去之前一定要滴revolution嗎?
之前在網上看到這藥很傷肝，是真嗎? 如果不滴，有無其他藥可代替?
thx everyone !!

我都有諗過去丫,樓主係咪講緊元朗八鄉o個個丫??
"revolution"係咩黎架??
但係而家還在考慮中...因為我個八妹一出街就好緊張
忍屎忍尿直到番入籠先肯去便便

^^...我都想參加呀...不過一個會員可帶一個人去...而一人帶一兔...但我家有3兔妹...我地兩個人去..帶唔到3隻兔兔喎......有一隻唔去得又好唔公平咁....唉...可以點呢....

我同大家一樣,唔知好唔好去。

首先係樓主提到去街前preparation問題, 我未帶過佢地去公園,唔知要準備乜野。

第二, 女女勁唔喜歡出街,佢完全唔會係屋企以外尿尿便便,食野或飲水,好麻煩…加上,佢唔係好喜歡同其他兔仔相處, 其他人抱佢或者摸佢都唔係好alright.

仔仔就好OK, 佢係兔協成年, 咩人都接觸過,出街完全不成問題。但前幾日帶仔仔去見馬SIR同返兔協玩左陣, 返到屋企女女嬲爆爆,係咁追住我地咬, 氹左一日先搞掂。咁即是.....

唉...

yancyan520 發表於 2013-2-26 01:49 PM
我都有諗過去丫,樓主係咪講緊元朗八鄉o個個丫??
"revolution"係咩黎架??
但係而家還在考慮中...因為我個八 ...

係丫，元朗那活動!
我家兔兔之前有寄生虫時滴過這藥，係滴在頸背的!我在網上看到有些兔友帶兔兔去街前都會滴架

Suzanne 發表於 2013-2-26 03:56 PM
我同大家一樣,唔知好唔好去。

首先係樓主提到去街前preparation問題, 我未帶過佢地去公園,唔知要準備乜野 ...

我和你的情況完全一樣! 女女好細膽，仔仔就唔怕出街! 不過我除了帶佢地看醫生外，都無試過去郊外地方，所以就想睇睇有無有經驗的兔友!

Revolution 隻薬最主要既成分係 selamectin...
我並冇聽過佢會傷肝 (你講傷肝嗰隻薬應該係止痛薬 metacam)....
只係話佢有可能導致兔兔皮膚敏感或者會對眼睛有少少刺激牲...
而且佢只針對寄生蟲既神經系統，並唔會 attack 兔兔既神經系統
所以大致上黎講呢隻薬係好安全既...
雖然我帶兔兔出街前唔會幫佢滴...
因為我個人覺得始終靠兔兔自己既免疫力好啲加上，我每次同佢出完街都會幫佢洗手洗腳洗屁股...
但我知道，好多兔主人帶兔兔出街前會幫佢地啲兔兔滴呢隻薬水...
所以如果你驚既，可以出門前幾日／一星期幫你兔兔滴定先

sansanrabbit 發表於 2013-2-26 06:10 PM
我和你的情況完全一樣! 女女好細膽，仔仔就唔怕出街! 不過我除了帶佢地看醫生外，都無試過去郊外地方，所 ...

至於怕兔兔可能出街唔適應既，可以事前帶佢地去屋企樓下公園或者附近試下先
我個衰仔第一次出街都係屋企樓下公園...
第一次試半個鐘，有咩唔妥可以即刻番屋企
跟住再試遠啲同長啲時間...
我個仔都係咁樣訓練番黎
佢而家搭飛機或者跟我去旅行都冇問題

食野方面，可以準備啲新鮮菜同埋飲水盆
因為通常出街唔食草既兔兔都會肯食菜
而菜又有水份
再唔係你可以帶啲草粉出街即場開比佢食
有經驗用針筒既可以喺街用針筒餵草粉又得